Jer. 51:5 - Bhaibheri Rakachena muChindau

⁵ Ngokuti Isuraeri naJudha avazi kusiiwa ndiMwari wavo, Mambo Mwari wehondo, kunyazwi nyika yavo yakazadzwa ngokushaisha pamberi peUmwe Wakachena waIsuraeri.

Jer. 51:5 Iomraidhean Croise

1 Madzi. 6:13

Ndinozogara pakati pevana vaIsuraeri, andizovasiyi vanhu vangu Isuraeri.”

2 Madzi. 21:16

Manase wakaparadza ngazi isina ndaa kakurutu, metsa azadza Jerusarema ndiyo kubvira kurutii rumwe kuguma kurutii rumweni, ngokubanze kwezvishaishi zvake zvaakaita kuti vaJudha vashaishe ngokuita zvakashata mukuona kwaMambo Mwari.

Ezura 9:9

Ngokuti isusu tiri hloko; asi Mwari wedu aazi kutirasha muuhloko hwedu, asi wakatambanudzira kwetiri rudo rwake mukuona kwemadzimambo ePhesia, kuti atipe ndaramo itsva, kuti tiakise mhatso yaMwari wedu, nokuakisazve matongo ayo, nokutipa rukumbati muJudha nomuJerusarema.

Nduyo 94:14

Ngokuti Mambo Mwari aazorashi vanhu vake, aazosii nhaka yake.

Isa. 44:21

Karakadza izvi, O Jakobe, naIsuraeri, ngokuti uri muranda wangu; ndakakurura uri muranda wangu; O Isuraeri, auzoriyarikanwi ndini.

Isa. 51:15

Ngokuti inini ndini Mambo Mwari, Mwari wako, uwo unovhundura ruandhle maungu akaungumira; Mambo Mwari wehondo ndiro zina rake.

Isa. 62:12

Vanozodaidzwa kuti, “Vanhu vakacheneswa, vakaripirwa vaMambo Mwari:” nemwi munozodaidzwa kuti, “Rakatsvakwa,” “Dhorobha risikazi kusiiwa.”

Jer. 14:19

Mwarasha yaamho vaJudha here? Mweya wako unonyenya Zioni here? Ngenyi watichaira pashi, pasina kurapwa kwedu? Tinotsvaka kunyarara asi akuna chakanaka, tinoringira mukuwo wokutambiswa, asi ringira kutyiswa!

Jer. 14:9

Ngenyi wechidai ngomunhu wakangaidzwa, nokudai ngomunhu unesimba usikaponesi? Asi iwewe, O Mambo Mwari, uri mukati mwedu, nesu tinodaidzwa ngezina rako; usatisiya.

Jer. 16:18

Kutanga ndinozohwirinzira kairi kushata kwavo nokushaisha kwavo; ngokuti vasvipisa nyika yangu ngemiiri yakafa yezviro zvinonyenyisa nezvinonyangadza zvemiedzaniso yavo, nokuzadza nhaka yangu ngezvinonyangadza zvavo.”

Jer. 19:4

Ngokuti vanhu vakandiramba, vasvipisa ndau iyi, vakapisha mutombo mukati mwayo kuzvimwari zvimweni, zvisikazi kumboziikanwa ndivo, nokuti madzibaba avo, nokuti madzimambo aJudha; navo vakazarisa ndau iyi ngengazi yevasina ndaa,

Jer. 23:15

Ndizvo izvi zvinoronza Mambo Mwari wehondo ngendaa yevaprofeti: “Ringira, ndinozovadyisa muti unovava, nokuvaita kuti vamwe mvura inechanduru; ngokuti kutukisa Mwari kwevaprofeti veJerusarema kwapararira munyika yeshe.”

Jer. 31:37

Izvi ndizvo zvinoronza Mambo Mwari: “Kudai matenga ari padera angapimwa, nematsikiro enyika angatsvakisiswa ngepashi, zvino ndinozoramba veshe vorudzi rwaIsuraeri ngendaa yezveshe zvevakaita,” unoronza Mambo Mwari.

Jer. 46:28

Asi iwewe, usatya, O Jakobe muranda wangu,” unoronza Mambo Mwari “Ngokuti ndinewe. Ndinozopedza yaamho madzinza eshe pakati peavo vendakamudzingira kwevari, asi andizomupedzi yaamho imwimwi! Ndinozomuorora kwakapimwa; asi andizomusii musikazi kuororwa.”

Jer. 50:20

Mumazuva awo, nepamukuwo uwo,” unoronza Mambo Mwari, “Kushaisha kwaIsuraeri kunozotsvakiwa, napo apazooneki chiro, nezvishaishi zvaJudha, apana chiro chinozoonekapo; ngokuti ndinozovarekerera avo vendakasiya.

Jer. 51:19

Chikoaniswa chaJakobe achizi kudai ndiyo; ngokuti uwo ndiye muiti wezviro zveshe, naIsuraeri ndiro dzinza renhaka yake; Mambo Mwari wehondo ndiro zina rake.”

Ezek. 8:17

Zvino iye wakati kwendiri, “Waona izvi here, O mukororo womunhu? Chiro chakareruka here kunevemhatso yaJudha kuti vaite izvi zvinonyangadza zvevanoita pano? Vanosisira here kuzadza nyika ngougebengwa, nokuangira kumusa ushungu hwangu? Ringira, vanoisa dai kumiro dzavo.

Ezek. 9:9

Wakati kwendiri, “Kushata kwemhatso yaIsuraeri neyokwaJudha kwakakura yaamho; nyika yakazara ngokuparadzwa kwengazi nedhorobha rakazara ngokusikarurama, ngokuti vanoti, ‘Mambo Mwari wasiya nyika, naMambo Mwari aaoni akadi.’

Hos. 1:10

Asi uwandu hwevanhu vaIsuraeri hunozodai ngejecha reparuandhle, risikapimwi nokuti kuerengwa; kunozoitika kuti ndau apo pakaronzwa kwevari kuti, “Amuri vanhu vangu akadi,” apapo kunozoronzwa kwevari kuti, “Muri vakororo vaMwari unopona.”

Hos. 2:1

Ronzai kuvakoma venyu kuti, “Ami,” nokuvakunda venyu kuti, “Ruhama.”

Hos. 2:3

nokuti ndinozomukhumura kuti aite mutitinini, ndimuemese kudai ngezvaakaita ngezuva rokuberekwa kwake, ndimuite kudai ngeshango, ndimuemese kudai ngenyika yakaoma, ndimuuraye ngenyota.

Hos. 4:1

Izwai izwi raMambo Mwari, O vanhu vaIsuraeri; ngokuti Mambo Mwari unehasha naavo vanogara munyika. Amuna ugondeki nokuti nyasha, nokuti kuzia Mwari munyika.

Hos. 4:2

Kupika, kunyepa, kuuraya, kuba, kuhura zvaitwa; ngazi inoteera ngazi.

Mik. 7:18

Ndiani Mwari wakadai ndiwe, unokungurira kushata, echidarika padera pendaa yevakasara venhaka yake? Aagari noushungu hwake mhera nariini, ngokuti unodakara ngokuitira nyasha.

Mik. 7:20

Unozoonisa gwinyiso kunaJakobe nenyasha dzinorudo kunaAbrahama, kudai ngezvewakapikira madzibaba edu kubvira kumazuva ekare.

Zek. 12:6

“Pazuva iro ndinozoita kuti vatongi vaJudha vadai ngehari yakatsvuka ngomuriro padera pehuni, kudai ngesasi rinobaka muriro pakati pomwanda wekoroni; navo vanozopedza vanhu veshe vanovatendenedza, kumudyo nokumuoshwe; neJerusarema rinozogarwazve kundau yaro yemene, muJerusarema.

Zek. 12:8

Pazuva iro Mambo Mwari unozovhikira vagari veJerusarema; naye usina simba pakati pavo ngeiro zuva unozodai ndiDhavhidha; nemhatso yaDhavhidha inozodai ndiMwari, kudai ngengirosi yaMambo Mwari pamasoro avo.

Zek. 2:12

Mambo Mwari unozogara nhaka yaJudha iyo ndiyo chikoaniswa chake munyika yakacheneswa, unozotsanangurazve Jerusarema.

1 Sam. 12:22

Ngokuti Mambo Mwari aazosiyi vanhu vake ngendaa yezina rake guru; ngokuti zvakadakadza Mambo Mwari kuti amuite vanhu vake.