Jer. 51:18 - Bhaibheri Rakachena muChindau

¹⁸ Aina shwiro, mishando yokuchengedzera; pamukuwo wokuororwa kwayo inozoparadzwa.

Jer. 51:18 Iomraidhean Croise

EKISEDHUSI 12:12

Ngokuti ndichahamba pakati penyika yeEgipite ngouhwo usiku, ndichauraya matangwe eshe omunyika yeEgipite, eshe evanhu neemhuka; neni ndinozotonga zvimwari zveshe zveEgipite. Ndini Mambo Mwari.

Isa. 19:1

Izwi guru ngendaa yeEgipite. Ringirai, Mambo Mwari unogadha padera pegore rinohambisa, naye unouya Egipite; miedzaniso yokudira yeEgipite inozohuta ngokuapo kwake, nemwoyo yevaEgipite inozonyunguruka mukati mwavo.

Isa. 2:18

Nemiedzaniso yokudira inozopera yaamho.

Isa. 46:1

“Bheri naNebho vanokotama pashi; miedzaniso yavo yokudira inoita mutwaro padera pemhuka nen'ombe; zviro zvomunotwara zvakarongedzwa kudai ngomutwaro padera pemhuka dzakaremba.

Isa. 57:12

Ndinozoteketesa kururama kwenyu nemishando yenyu, asi azvizomudetseri.

Jer. 10:11

Izvi ndizvo zvounoronza kwevari, “Zvimwari zvisikazi kusika matenga nenyika zvinozopera munyika nokubva pashi pematenga.”

Jer. 10:14

Munhu weshe uri bungumupee mukuzia kwake; mupfuri weshe unotsverudzwa ngemiedzaniso yake, ngokuti miedzaniso yake ngeyokunyepera, amuna mweya wokufema mukati mwayo.

Jer. 10:15

Aina shwiro, mishando yokuchengedzera; ngomukuwo wokuororwa kwayo inozopera.

Jer. 10:8

Asi veshe mabungumupee nemapenzi. Chidzidzo chinoitwa ngemiedzaniso achinaki kupinda chemuti.

Jer. 18:15

Asi vanhu vangu vandiriyarwa, vanopisha mutombo unegwema rakanaka kuzvimwari zvokunyepa, vapumhunwa munjira dzavo, mumapato ekare nokuhamba munjira dzimweni, haiwa mumapato makuru,

Jer. 46:25

Mambo Mwari wehondo, Mwari waIsuraeri, unoti, “Ringirai, ndinounza kuororwa padera paAmoni weThebhesi, naFaro, neEgipite, pamwepo nezvimwari zvayo nemadzimambo ayo; nepadera paFaro navo veshe vanogonda mwaari.

Jer. 48:7

Ngegwinyiso ngokuti mwakagonda kumishando yenyu nokupfuma yenyu, nemwi muchabatwa; Khemoshi unozoenda muubatwa, nevapristi vake, pamwepo nevatongi vake.

Jer. 50:2

“Daidzirai pakati pevemadzinza, muteketese muemese mujeki; muteketese, musafisha. Ronzai kuti Bhabhuroni ratorwa, Bheri watsverudzwa, Merodhakhi wapedzwa simba. Miedzaniso yaro yokudira yatserudzwa; zvimwari zvaro zvapedzwa simba.

Ezek. 6:6

Peshe pomunogara, madhorobha enyu anozoparadzwa, nendau dzenyu dzakakwirira dzinozoita matongo, kuitira kuti maarita enyu aite akaparadzwa nokuita matongo, miedzaniso yenyu yokudira kuti iputswe nokuparadzwa nemaarita enyu okupishira mitombo inegwema rakanaka aputsirwe pashi, nemishando yenyu idzimwe.

Jona 2:8

Avo vanotenda miedzaniso isina shwiro vanoramba gwinyiso rokuitirwa kwavo nyasha.

Zef. 2:11

Mambo Mwari unozotyisa kakurutu kwevari; ngokuti unozopedza zvimwari zveshe zvenyika; nekwaari zvinozogwadama pashi, chimwe ngachimwe pandau yacho, mahumbikumbi eshe nezviwi zveshe zvevemadzinza.

Zvak. 14:15

vechiti, “Vanhu, munoita izvi ngenyi? Isusuwo tiri vanhu vakadai ndimwi, tinounza kwomuri mashoko akanaka okuti mutenderuke kubva kuneizvi zvisina shwiro, muuye kunaMwari unopona, uwo wakasika denga nenyika noruandhle neizvo zveshe zviri mukati mwazvo.