Jer. 51:11 - Bhaibheri Rakachena muChindau

¹¹ “Rodzerai misee! Zadzai chikomwe! Mambo Mwari wamusa mweya wemadzimambo evaMedhe, ngokuti biningidzo rezano rake ngeBhabhuroni kuriparadza; ngokuti ndikwo kuunzidzira kwaMambo Mwari kuunzidzira ngendaa yetemperi rake.

Jer. 51:11 Iomraidhean Croise

1 Madzi. 11:14

Zvino Mambo Mwari wakamusira Soromoni gaa, Hadhadhi muEdhomu; waiya worudzi rwoumambo munyika yeEdhomu.

1 Madzi. 11:23

Mwari wakamusazve gaa rimweni rokurwisana naSoromoni, ndiRezoni mukororo waEriadha, uwo wakatiza kubva kunamambo wake Hadhadheza mambo weZobha.

1 MaKro. 5:26

Ndizvo Mwari waIsuraeri wakamusa mweya waPhuri mambo weAsiria, nomweya waTirigathiphirinesa mambo weAsiria, naye wakavatora kuenda navo, vaRubheni, vaGadhi, norupande rwedzinza raManase, wakavaunza Hara, Habhori, Hara, nerwizi Gozani, metsa nanyamashi.

2 MaKro. 36:22

Mugore rokutanga kwaSairusi mambo wePhesia, mukuzadzisa izwi raMambo Mwari rakaereketwa ngomuromo waJeremia, Mambo Mwari wakamusa mweya waSairusi mambo wePhesia, kuti atumire izwi muumambo hwake hweshe, naye wakanyora kuti adzidzwe, echiti,

Ezura 1:1

Mugore rokutanga rokutonga kwaSairusi mambo wePhesia, kuti izwi raMambo Mwari raakaereketa ngomuromo waJeremia rizadzisike, Mambo Mwari wakamusa mweya waSairusi mambo wePhesia, kuti adaidzire chiziiso mukati mwoumambo hwake hweshe, nokuchinyora kuti chidzidzwe.

Isa. 10:26

Mambo Mwari wehondo unozovamirudzira mboma, kudai ngezvaakaponda vaMidhiani pabuwe reOrebhi; unozomirudza ndonga yake padera poruandhle, unozoimirudza kudai ngezvaakaita muEgipite.

Isa. 21:2

Chioniso chinosvipisa mwoyo chinoronzwa kwendiri; mupiri unopira, muparadzi unoparadza. Kwira, O Eramu, tendenedza ngehondo, O Medhia; kweshe kufemerika kwaakaunza ndinokupedzisa.

Isa. 21:5

Vanonasirira tafura, vanochinga magudza, vanodya, vanomwa. Mirukai, imwimwi nduna, mudzodze chihlangu mafuta.

Isa. 41:25

Ndamirudza umwe wedera, naye wauya; umwe kubva kumabvazuva, unodaidza ngezina rangu. Unozotsika padera pevatongi kudai ngokutsika dhaka, kudai ngomuumbi unokanya dongo.

Isa. 45:1

Izvi ndizvo zvinoronza Mambo Mwari kunaSairusi, wakadzodzwa wake, uwo wendabata nyara yake yokumudyo, kuti anyise madzinza pamberi pake, nokusunhura zvokusimira zvoumambo, kubeura misiwo iri pamberi pake, nemisiwo yokupinda mudhorobha aizokonywi.

Isa. 45:5

Inini ndini Mambo Mwari, akuna umwenizve; ngepabanze pangu akuna mwari. Ndinokusimidza ngezvokurwa ndizvo, kunyazwi aundizii,

Isa. 46:11

ndechidaidza shiri inokara kubva kumabvazuva, munhu wendakapanga kudisisa kwangu kubva kunyika iri kuretu. Ndaereketa, ndinozochiita; ndaronga, neni ndinozozviita.

Jer. 25:25

madzimambo eshe eZimuri, namadzimambo eshe eEramu, nemadzimambo eshe eMedhia,

Jer. 46:3

“Nasirirai zvihlangu zvikuru nezvidoko, mukwedzere kuenda koorwa hondo!

Jer. 46:4

Sungirai mahachi, muakwire! Emai mundau dzenyu munezviqoko zvenyu; pukutai mikhondo mwechipfeka mabhachi esimbi.

Jer. 46:9

Kwedzerai, O mahachi, mburumbukai, O ngoro! Ngwazi ngadzibude mberi: vaEthiopia nevaRibhia avo vanokona kubata chihlangu, navaRidhia ngwazi dzokukandira misee ngeuta.’ ”

Jer. 50:25

Mambo Mwari wabeura ugaro hwendonga dzake dzokurwa, wabudisa ndonga dzoushungu hwake; ngokuti Mambo Mwari, Mwari wehondo, unawo mushando wokuita munyika yevaKharadhea.

Jer. 50:3

“Ngokuti dera kunouya dzinza koorwa naro, rinozoita kuti nyika yaro iite matongo, akuna naumwe unozogaramwo; zveshe vanhu nemhuka zvinozotizira kuretu.”

Jer. 50:45

Ndizvo izwai urongwa hwaMambo Mwari, uhwo hwaarongera Bhabhuroni, nemabiningidzo akaita kuti arongere nyika yevaKharadhea: Ngegwinyiso vadoko vomutanga vanozokweerwa kuretu; ngegwinyiso mafuro avo anozotyisa ngendaa yavo.

Jer. 50:9

Ngokuti, ringira, ndinozomirudza hondo, nokuiunza kuti irwise neBhabhuroni, chikwata chemadzinza makurutu anobva kunyika yedera; navo vanozofora pachavo kurwisa, kubva apo rinozotorwa. Misee yavo yakadai ngemisee yengwazi iyo isikapetuki isikazi kufura.

Jer. 51:12

Emesai mujeki pamarukumbati eBhabhuroni, gwinyisai kurinda, emesai varindi, emesai vahwariri; ngokuti Mambo Mwari wakaita zveshe kuronga nokuita zvaakaereketa ngevanogara Bhabhuroni.

Jer. 51:24

“Ndinozohwirinzira Bhabhuroni navo veshe vagari veKharadhea, pamberi pemadziso ako emene ngokushata kwavo kweshe kwevakaita muZioni,” unoronza Mambo Mwari.

Jer. 51:35

Vagari veZioni vanozoti, “Kuremadzwa kwakaitwa kunyama yangu ngakuwe padera peBhabhuroni;” neveJerusarema vanozoti, “Ngazi yedu ngaiwe padera paavo vagari veKharadhea.”

Jer. 51:36

Ndizvo izvi zvinoronza Mambo Mwari: “Ringira, ndichakuereketera ndaa yako, nokukuunzidzira. Ndinozoomesa ruandhle rwake, nokuita kuti zvinyuka zvake zviome.

Dha. 5:30

Ngouhwo usiku Bherishaza mambo wevaKharadhea wakaurawa.

Joeri 3:10

Pfurai miromo yemapadza enyu kuita shoti, nemapanga enyu okutongora kuita mikhondo; usina simba ngaaronze kuti, ‘Ndiri ngwazi.’

Joeri 3:9

Teketesai ichi pakati pemadzinza; nasirirai kurwa hondo, musai ngwazi. Varwi veshe ngavakwedzere, ngavakwire.

Revhi 26:25

Ndinozomuunzira shoti inozounzidzira kupauka kwokubva muchitenderano changu; naapo munozoungana pamwepo mumadhorobha enyu, ndinozotuma denda pakati penyu; munozopirwa munyara dzemagaa enyu.

Zek. 14:12

Iyi ndiyo nhenda yaanozochaya ndiyo Mambo Mwari vanhu veshe vanorwa hondo neJerusarema: nyama yavo inozoora apo vachakaema ngetsoka dzavo, madziso avo anozoora ari mundau dzawo, norurumi rwavo runozoora mumuromo wavo.

Zek. 14:2

Ngokuti ndinozounganidza madzinza eshe kurwisa Jerusarema kuhondo; nedhorobha rinozotorwa, mhatso dzinozochakatwa, nevakadzi vanozobhinywa; norupande rwedhorobha runozoenda muuhloko, asi vakasara vevanhu avazourawi kubva mudhorobha.