Jer. 50:9 - Bhaibheri Rakachena muChindau

⁹ Ngokuti, ringira, ndinozomirudza hondo, nokuiunza kuti irwise neBhabhuroni, chikwata chemadzinza makurutu anobva kunyika yedera; navo vanozofora pachavo kurwisa, kubva apo rinozotorwa. Misee yavo yakadai ngemisee yengwazi iyo isikapetuki isikazi kufura.

Jer. 50:9 Iomraidhean Croise

2 Sam. 1:22

Kubva kungazi yevakaurawa, kubva kumafuta engwazi, uta hwaJonathani auzi kupetuka, nokuti shoti yaSauri yakapetuka isina chiro.

Sor. 3:8

veshe vakabata shoti, ngwazi dzokurwa, veshe vaneshoti dzavo panhunji dzavo ngendaa yokutya usiku.

Isa. 21:2

Chioniso chinosvipisa mwoyo chinoronzwa kwendiri; mupiri unopira, muparadzi unoparadza. Kwira, O Eramu, tendenedza ngehondo, O Medhia; kweshe kufemerika kwaakaunza ndinokupedzisa.

Isa. 41:25

Ndamirudza umwe wedera, naye wauya; umwe kubva kumabvazuva, unodaidza ngezina rangu. Unozotsika padera pevatongi kudai ngokutsika dhaka, kudai ngomuumbi unokanya dongo.

Jer. 15:14

Ndinozokuita kuti ushandire magaa ako kunyika yousikazii, ngokuti muushungu hwangu muriro wabaswa, unozopisha mhera nariini.”

Jer. 25:14

Ngokuti madzinza akawanda nemadzimambo makuru anozovasunga muuhloko, neni ndinozovaunzidzira kudai ngezviito zvavo, nokudai ngemishando yenyara dzavo.”

Jer. 25:26

madzimambo eshe enyika dzedera, dzokuretu nedzepasinde, imweni neimweni, noumambo hweshe hwenyika huri padera pehope yenyika. Nesure kwavo mambo weSheshakhi unozomwa.

Jer. 50:14

“Emai mundau dzenyu kutendenedza Bhabhuroni kurwa naro, imwimwi mweshe vakwanyi vouta; rifurei, musaposha, ngokuti rakashaishira Mambo Mwari.

Jer. 50:21

“Endai munyika yeMerathaimu, murwe nayo, murwise vagari vomuPhekodhi; muparadze, muuraye nowokugumisira wavo; muite zveshe kudai ngezvendakamupanga.

Jer. 50:26

Uyai murwe naro kubva kumarutii aro eshe, beurai matura aro; muriunganidze kudai ngemirwi yezviyo, muparadze yaamho; musarisiira nachimwe charo.

Jer. 50:29

“Unganidzai vanofura ngeuta kurwa neBhabhuroni, veshe vanokwanya. Akai matende kuritendenedza; musatendera naumwe kuti apokonyoke. Riunzidzirei kudai ngomushando waro; kudai ngezverakaita, itaiwo kudaro kweriri, ngokuti rakadzikudza pamberi paMambo Mwari, Wakachena waIsuraeri.

Jer. 50:3

“Ngokuti dera kunouya dzinza koorwa naro, rinozoita kuti nyika yaro iite matongo, akuna naumwe unozogaramwo; zveshe vanhu nemhuka zvinozotizira kuretu.”

Jer. 51:11

“Rodzerai misee! Zadzai chikomwe! Mambo Mwari wamusa mweya wemadzimambo evaMedhe, ngokuti biningidzo rezano rake ngeBhabhuroni kuriparadza; ngokuti ndikwo kuunzidzira kwaMambo Mwari kuunzidzira ngendaa yetemperi rake.