Jer. 50:8 - Bhaibheri Rakachena muChindau

⁸ Tizai kubva muBhabhuroni, mubude kubva munyika yevaKharadhea, mudai ngemagotokoto anotungamirira mitanga.

Jer. 50:8 Iomraidhean Croise

Mazwi 30:31

kuhamba kwejongwe, gotokoto, namambo pamberi pehondo yake.

Isa. 48:20

Budai kubva Bhabhuroni, tizai kubva kuvaKharadhea, daidzirai izvi ngeizwi rokudakara, daidzirai, tumirai nokumagumo enyika; ronzai kuti, “Mambo Mwari waripira muranda wake Jakobe.”

Isa. 52:1

Muka, muka, pfeka simba rako, O Zioni! Pfeka machira ako akanaka, O Jerusarema, dhorobha rakachena; ngokuti kubvira zvinopano akuchazouyi kwouri usikazi kuchekwa nousikazi kusukika.

Isa. 52:11

Ibvai imwimwi, ibvai, budai kubanze kubvapo! Musagwama chiro chinosvipisa; budai kubva pakati paro; mudzichenese, imwimwi munotwara zvidziyo zvaMambo Mwari.

Jer. 51:45

Budai kubva mukati mwaro, vanhu vangu. Mudziponese kubva kuushungu hunotyisa hwaMambo Mwari umwe ngaumwe wenyu.

Jer. 51:6

Tizai mubude kubva pakati peBhabhuroni, nomunhu weshe ngaadziponese! Musaparadzwa ngendaa yokushata kwaro, ngokuti uyu mukuwo wokuunzidzira waMambo Mwari; unoriunzidzira zverakaita.

Zek. 2:11

Madzinza akawanda anozoshonganiswa munaMambo Mwari ngeiro zuva, navo vanozoita vanhu vangu; ndinozogara pakati pako, newe unozozia kuti Mambo Mwari wehondo wandituma kwouri.

Zvi. 16:26

Naye wakaereketa kunombungano echiti, “Ibvai, ndinomupota, mukati mwematende eava vanhu vakashata, musagwama chiro nachimwe chavo, kuti musazopedzwa muzvishaishi zvavo zveshe.”

2 VaK. 6:17

Ndizvo budai kubva pakati pavo, mudziparadzanise kubva kwavari, unoronza Mambo Mwari, musagwama chiro chakasvipiswa; naapo ndinozomuashira

Chakapangijihwa 18:4

Ndakazwa izwi rimweni rechibva mudenga rechiti, “Budai kubva kwaari, vanhu vangu, kuti musakoanisana naye muzvishaishi zvake, zve, kuti musazoashidzana naye madambudziko ake;