Jer. 50:5 - Bhaibheri Rakachena muChindau

⁵ Vanozobvunza njira yeZioni nehope dzakaringireyo, vanozouya vechidzibatanidza pachavo munaMambo Mwari ngechitenderano chemhera nariini chisikazoriyarikanwi.

Jer. 50:5 Iomraidhean Croise

Jer. 32:40

Ndinozoita chitenderano chemhera nariini navo, kuvaitira zvakanaka, andichazovafuratiri, asi ndinozoisa kutyisa kwangu mumwoyo mwavo kuti vasazobva kwendiri.

Isa. 55:3

Kotamisira nzee yako, uuye kwendiri; purutana, kuti mweya wako upone. Ndinozoita chitenderano newe chemhera nariini, nyasha dzangu dzinorudo, rudo rwegwinyiso rwakagondiswa Dhavhidha.

Isa. 35:8

Inozoapo njira yakapamhama, nayo inozodaidzwa kuti, “Njira yakachena;” vakasvipiswa avazohambi ndiyo, asi inozoita yevanhu vaMwari; haiwa vahambi nokuti mapenzi, avazorashikiswi ndiyo.

Jer. 6:16

Izvi ndizvo zvinoronza Mambo Mwari, “Emai pamhararano penjira, muringire, mubvunzise ngenjira dzekare, paiya nenjira yakanaka, muhambe mweiri, nemwi muone zororo kumweya yenyu.” Asi vakati, “Atizohambi mweiri.”

Gen. 17:7

Ndinozogwinyisa chitenderano changu pakati pangu newe, nemibarirwana yako inouya sure kwako, nemibarirwana yavo kuti chiite chitenderano chemhera nariini, ndiite Mwari kwouri nokumibarirwana yako inouya sure kwako.

2 VaK. 8:5

Navo vakaita ichi, chisicho chetaikarira; asi kutanga vakadzipira ngokwavo kunaMambo nokwetirizve ngokuda kwaMwari.

Zvak. 11:23

Naapo aguma nokuona nyasha dzaMwari, wakadakara; akavapanga veshe kuti varambe vakagondeka munaMambo ngomwoyo unogwinyisira.

Johani 7:17

kunyazwi ndiani unoda kuita kuda kwaMwari, unozozia kuti chidzidziso chinobva kunaMwari here nokuti ndinodziereketera pachangu.

Nduyo 84:7

Vanoenda kubva pasimba kuenda pasimba; Mwari wezvimwari unozooneka muZioni.

1 Madzi. 19:14

Wakati, “Ndaiya ndechishandira yaamho Mambo Mwari, Mwari wehondo; ngokuti vana vaIsuraeri vakarasha chitenderano chako, vakaputsira pashi maarita ako, vakauraya vaprofeti vako. Inini, inini ndega ndini ndasara; navo vanotsvaka kupona kwangu, kundiuraya.”

1 Madzi. 19:10

Wakati, “Ndaiya ndechishandira yaamho Mambo Mwari, Mwari wehondo; ngokuti vana vaIsuraeri vakarasha chitenderano chako, vakaputsira pashi maarita ako, vakauraya vaprofeti vako ngeshoti. Inini, inini ndega ndini ndasara; navo vanotsvaka kundiuraya.”

2 Sam. 23:5

Mhatso yangu aizi kudaro kunaMwari here? Ngokuti wakaita chitenderano neni chinoti mhera nariini, chakaemeswa muzviro zveshe zvinegwinyiso. Ngokuti urwo ndirwo ruponeso rwangu nokudisisa kwangu kweshe, aazi kuita kuti zviitike here?

Jer. 3:18

Mumazuva awo vemhatso yaJudha vanozobatana pamwepo nevemhatso yaIsuraeri, navo vanozobuda pamwepo kubva munyika yedera kuenda kunyika yendakapa madzibaba enyu kuita nhaka yavo.”

Jer. 31:6

Ngokuti rinozoapo zuva apo varindi pevanozodaidza vari munyika yezvimitunhu yaEfuremu vechiti, ‘Uyai, tikwire Zioni, kunaMambo Mwari, Mwari wedu.’ ”

Jer. 31:21

Emesa zvioniso zvepato pachako, udziitire pachako sika dzechioniso mupato; ukarakadze zvakanaka mapato makuru, pato iro rowakahamba ndiro. Petuka, O mhandwe Isuraeri, petuka kumadhorobha ako aya.

Ezek. 16:61

Zvino iwewe unozokarakadza ngenjira dzako, utsveruke apo unozoashira vanun'una vako, veshe pamwepo vakuru vako, nevadoko vako, nokuvapa kwouri kuita vanasikana, asi haiwa ngendaa yechitenderano chendakaita newe.

Ezek. 37:22

Ndinozovaita dzinza rimwe munyika padera pemitunhu yaIsuraeri; namambo umwe ndiye unozoita mambo wavo veshe. Avachazoiti madzinza mairi, avachazoparadzaniswi kuita umambo huiri nariini.

Hos. 1:11

Vanhu vaJudha nevanhu vaIsuraeri vanozounganidzwa pamwepo, navo vanozodziemesera soro rimwe; vanozokwira kubva kunyika iyi, ngokuti zuva raJezireeri rinozoita guru.

Hos. 3:5

Ngesure kweizvi vaIsuraeri vanozohwirira nokutsvaka Mambo Mwari, Mwari wavo, naDhavhidha mambo wavo; vanozomutya Mambo Mwari nokunaka kwake ngemazuva okugumisira.

Hos. 6:1

“Uyai, ngatihwirire kunaMambo Mwari; ngokuti ndiye wakabaura, ndiyezve unozotirapa; wakachaya, ndiye unozotisunga.