Jer. 50:4 - Bhaibheri Rakachena muChindau

⁴ “Mumazuva awo nomunguva iyo,” unoronza Mambo Mwari, “Vanhu vaIsuraeri vanozouya, ivo nevanhu vaJudha pamwepo, vanozouya vechichema, apo vechitsvaka Mambo Mwari, Mwari wavo.

Jer. 50:4 Iomraidhean Croise

2 MaKro. 7:14

kudai vanhu vangu vanodaidzwa ngezina rangu vechizodzipfaisa ngokwavo, vakumbire, vatsvake hope yangu, vechitenderuka kubva kunjira dzavo dzakashata; zvino ndinozozwa ndiri mudenga, ndinozorekerera kushaisha kwavo, ndiponese nyika yavo.

Nduyo 105:4

Tsvakai Mambo Mwari nesimba rake; tsvakai hope yake ngokusikareki.

Isa. 14:1

Asi Mambo Mwari unozoitira Jakobe nyasha, uchazotsanangurazve Isuraeri, nokuvaisa munyika mwavo; nevapara vanozobatana navo, vanozodzibatanidza pachavo kumhatso yaJakobe.

Isa. 45:19

Andizi kuereketa mukufishika, munyika yechidima; andizi kuronza kurudzi rwaJakobe kuti, mukukangaidzwa nditsvakenyi. Inini Mambo Mwari ndinoereketa gwinyiso, ndinodaidzira zvakarurama.

Isa. 55:6

Tsvaka Mambo Mwari achaoneka, mudaidze achipasinde.

Isa. 63:4

Ngokuti zuva rokuunzidzira raiya mumwoyo mwangu, negore romushando wangu wokuripira raguma.

Jer. 31:31

“Ringira, ngegwinyiso mazuva anouya,” unoronza Mambo Mwari, “Apo pendinozoita chitenderano chitsva nemhatso yaIsuraeri, nemhatso yaJudha,

Jer. 33:15

Mumazuva awo, nouwo mukuwo ndinozoita kuti Dai rokururama rikure kunaDhavhidha; naye unozotonga zvakanaka, nokururamisa munyika iyi.

Jer. 41:6

NaIshumaeri mukororo waNethania wakabuda kubva Mizipha kooshongana navo, echichema apo paaiuya. Naapo ashongana navo, wakati kwevari, “Uyai kunaGedharia mukororo waAhikamu.”

Ezek. 16:61

Zvino iwewe unozokarakadza ngenjira dzako, utsveruke apo unozoashira vanun'una vako, veshe pamwepo vakuru vako, nevadoko vako, nokuvapa kwouri kuita vanasikana, asi haiwa ngendaa yechitenderano chendakaita newe.

Ezek. 39:25

“Ndizvo izvi ndizvo zvinoronza Mambo Mwari, Mwari: Zvino ndinozopetudza upfumi hwaJakobe, nokuitira nyasha vemhatso yeshe yaIsuraeri; ndinozoita ndurumwa ngendaa yezina rangu rakachena.

Hos. 1:11

Vanhu vaJudha nevanhu vaIsuraeri vanozounganidzwa pamwepo, navo vanozodziemesera soro rimwe; vanozokwira kubva kunyika iyi, ngokuti zuva raJezireeri rinozoita guru.

Hos. 11:10

“Vanozoteera Mambo Mwari, uwo unobhonga kudai ngemhondoro; apo yechibhonga, vana vake vanozouya vechihuta vechibva kumabirirazuva.

Hos. 3:5

Ngesure kweizvi vaIsuraeri vanozohwirira nokutsvaka Mambo Mwari, Mwari wavo, naDhavhidha mambo wavo; vanozomutya Mambo Mwari nokunaka kwake ngemazuva okugumisira.

Hos. 6:1

“Uyai, ngatihwirire kunaMambo Mwari; ngokuti ndiye wakabaura, ndiyezve unozotirapa; wakachaya, ndiye unozotisunga.

Joeri 2:12

“Asi kunyazwi nazvino,” unoronza Mambo Mwari, “Petukai kwendiri ngomwoyo wenyu weshe, ngokuera kudya, ngokuchema nokubonda.”

Zek. 12:10

“Neni ndinozodurura padera pemhatso yaDhavhidha, nepadera pevagari veJerusarema, mweya wenyasha nowokupota, kuitira kuti apo vooringira umwe uwo wevakabaya, vanozobonda ngendaa yake, kudai ngounobondera mukororo wake umwe ega, nokumuchema kakurutu, kudai ngounochema mwana wake wedangwe.

Jakobe 4:9

Boorerai, tsumbai nokuchema. Kusheka kwenyu ngakutsanduke kuita kutsumba, nokudakara kwenyu kuita kudzimbirwa.