Jer. 50:3 - Bhaibheri Rakachena muChindau

³ “Ngokuti dera kunouya dzinza koorwa naro, rinozoita kuti nyika yaro iite matongo, akuna naumwe unozogaramwo; zveshe vanhu nemhuka zvinozotizira kuretu.”

Jer. 50:3 Iomraidhean Croise

Gen. 6:7

Ndizvo Mambo Mwari wakati, “Ndinozoparadza vanhu vendakasika padera penyika, zveshe, vanhu, zvikara, zvinogwezva neshiri dzomumweya; ngokuti zvinondirwadza mwoyo kuti ndakazviita.”

EKISEDHUSI 12:12

Ngokuti ndichahamba pakati penyika yeEgipite ngouhwo usiku, ndichauraya matangwe eshe omunyika yeEgipite, eshe evanhu neemhuka; neni ndinozotonga zvimwari zveshe zveEgipite. Ndini Mambo Mwari.

Isa. 41:25

Ndamirudza umwe wedera, naye wauya; umwe kubva kumabvazuva, unodaidza ngezina rangu. Unozotsika padera pevatongi kudai ngokutsika dhaka, kudai ngomuumbi unokanya dongo.

Isa. 45:1

Izvi ndizvo zvinoronza Mambo Mwari kunaSairusi, wakadzodzwa wake, uwo wendabata nyara yake yokumudyo, kuti anyise madzinza pamberi pake, nokusunhura zvokusimira zvoumambo, kubeura misiwo iri pamberi pake, nemisiwo yokupinda mudhorobha aizokonywi.

Jer. 21:6

Ndinozochaya vagari veiri dhorobha, zveshe vanhu nemhuka; zvinozofa ngenhenda huru.’

Jer. 50:9

Ngokuti, ringira, ndinozomirudza hondo, nokuiunza kuti irwise neBhabhuroni, chikwata chemadzinza makurutu anobva kunyika yedera; navo vanozofora pachavo kurwisa, kubva apo rinozotorwa. Misee yavo yakadai ngemisee yengwazi iyo isikapetuki isikazi kufura.

Jer. 51:11

“Rodzerai misee! Zadzai chikomwe! Mambo Mwari wamusa mweya wemadzimambo evaMedhe, ngokuti biningidzo rezano rake ngeBhabhuroni kuriparadza; ngokuti ndikwo kuunzidzira kwaMambo Mwari kuunzidzira ngendaa yetemperi rake.

Jer. 51:48

Zvino denga nenyika nazvo zveshe zviri mukati mwazvo zvinozoemba ngokudakara padera peBhabhuroni; ngokuti vaparadzi vanozouya koorirwisa vechibva dera,” unoronza Mambo Mwari.

Jer. 51:62

newe unozoti, ‘O Mambo Mwari, iwewe pachako wakaereketa ngendaa yeiyi ndau, kuti uchaiparadza, kuti kusazoapo naumwe unosara kweiri, munhu nokuti mhuka, asi kuti inozoita matongo mhera nariini.’

Jer. 7:20

Ndizvo izvi zvinoronza Mambo Mwari, Mwari kuti, “Ringirirai, kunyangadzwa kwangu noushungu hwangu zvinozodururwa padera peiyi ndau, padera pevanhu nepadera pemhuka, padera pemiti yomushango napadera pemichero yemavhu; hunozobaka, auzodzimwi.”

Jer. 9:10

“Ndinozochema nokubonda ngendaa yemitunhu, nokutsumba ngendaa yemafuro omushango, ngokuti aparadzwa kuti pasaanomunhu ungahamba ndimwo, nokurira kwen'ombe akuzwiki; zveshe shiri dzomudenga nemhuka zvakatiza, zvaenda.”

Jer. 9:11

“Ndinozoita kuti Jerusarema riite murwi wematongo, nebako rezvikara zvinotyisa; ndinozoita kuti madhorobha aJudha aite rubaya, pasina unogaremwo.”

Zef. 1:3

“Ndinozotsvaira kupedza vanhu nezvikara; ndinozotsvaira kupedza shiri dzomudenga nehove dzomuruandhle. Ndinozoita kuti vakashata vapumhunwe; ndinozogura vanhu kubva kuhope yenyika,” unoronza Mambo Mwari.