Jer. 5:9 - Bhaibheri Rakachena muChindau

⁹ Andizovaorori ngeizvi here?” Unoronza Mambo Mwari. “Mweya wangu auzounzidziri here kudzinza rakadai ngeiri?

Jer. 5:9 Iomraidhean Croise

Mazwi 6:29

Ndizvo zvinoita uwo unoenda kumukadzi womuakirwana wake; nouwo unomugwama aazoiti usina ndaa.

Isa. 1:24

Ndizvo Mambo Mwari, Mambo Mwari wehondo, uwo Unesimba waIsuraeri, unoti, “A, ndinozodurura ushungu hwangu padera pemagaa angu nokudziunzidzira pamapandu angu.

Isa. 57:6

Chikoaniswa chenyu chiri pakati pemapuwe akaserera omubani; awo, awo, ndiwo chikoaniswa chenyu; kwaari mwadurura midiro yenyu yokumwa, mwaunza mudiro wezviyo. Ndingaashira kuembedzerwa ngeizvi here?

Jer. 23:2

Izvi ndizvo zvinoronza Mambo Mwari, Mwari waIsuraeri, ngendaa yevaushi vanousha vanhu vangu, “Ndimwi mwakaparadza zvifuyo zvangu nokuzvidzinga; amuzi kuzviringira. Ndizvo ndinozoringira padera penyu ngendaa yokushata kwezviito zvenyu,” unoronza Mambo Mwari.

Jer. 32:31

Dhorobha iri rakamusa kutsamwa kwangu noushungu hwangu kubvira pazuva revakaamba kuriaka metsa nyamashi, zvinoita kuti ndiribvise kubva pamberi pehope yangu,

Jer. 44:22

Naapo Mambo Mwari asikachakoni kuringira kushata kwezviito zvenyu, zvinyangadzo zvemwakaita; ndizvo nyika yenyu yakaita dongo nokuparadzwa neyakatukwa, isina unogaramwo, kudai ngezveyakaita nyamashi.

Jer. 5:10

Kwirai ngomumisara yemivhini mwechiriparadza yaamho asi musapedza reshe; dusai matai aro, ngokuti aasiri aMambo Mwari akadi.

Jer. 5:29

“Andizovaorori ngeizvi here?” Unoronza Mambo Mwari. “Mweya wangu auzoshunguriri here dzinza rakadai?

Jer. 6:11

Asi ndakazara ngoushungu hwaMambo Mwari; ndaremba ngokunyararira.” “Udurure padera pevana vari mumapato omudhorobha, nepadera pembungano yemajaha, ari pamwepo; veshe mwamuna nomukadzi vanozotorwa, musharuka pamwepo neharahwa.

Jer. 6:6

Ngokuti izvi ndizvo zvinoronza Mambo Mwari wehondo, “Temerai pashi miti yaro; mushoshere Jerusarema. Ndiro dhorobha; rinosisira kuororwa; amuna chiro chirimwo, asi kuripo kutambudza kukurutu pakati paro.

Jer. 9:8

Rurumi rwavo rwakadai ngomusee unouraya; runoereketa manyepo kubudikidza ngomuromo. Umwe ngaumwe unoereketa mazwi akanaka kumuakirwana wake, asi mumwoyo mwake unoronga kumuhwarira.

Jer. 9:9

Andizovaorori here ngendaa yeizvi zviro?” Unoronza Mambo Mwari. “Andizounzidziri here dzinza rakadai ngeiri?”

Chi. 3:42

Takapauka nokumukira; auzi kutirekerera.

Chi. 4:22

Kuororwa kwokushaisha kwako, O mwanasikana weZioni, kwapera, aachazomurekeri muri muuhloko; asi kushata kwako, O mwanasikana weEdhomu, unozoorora; unozofukura zvishaishi zvako.

Ezek. 7:9

Dziso rangu arizokukunguriri, andizokusvipiri mwoyo. Ndinozokuorora kudai ngenjira dzako, naapo zvinyangadzo zvako zvichagara mukati mwako. Zvino munozozia kuti inini ndini Mambo Mwari uwo unochaya.

Hos. 2:13

Ndinozomuorora ngendaa yemazuva emadhiri aBhaari, apo akapisha mitombo kwaari, naye akadzinemesa ngendandazi dzake dzomunzee nezvinemeso zvake, akateera zvigango zvake, akandiriyarwa inini, Mambo Mwari unoronza.

Hos. 8:13

Kunyazwi vanopira midiro yangu yakapinda kunaka, kunyazwi vanodya nyama, Mambo Mwari aavaashiri akadi. Zvino unozokarakadza kushata kwavo, nokuunzidzira kushaisha kwavo; vanozohwirira Egipite.

Revhi 18:25

Nenyika yakasvipiswa; ndizvo ndakaiorora ngendaa yechishaishi chayo, nenyika yemene yakarutsa vagari vayo.

Revhi 26:25

Ndinozomuunzira shoti inozounzidzira kupauka kwokubva muchitenderano changu; naapo munozoungana pamwepo mumadhorobha enyu, ndinozotuma denda pakati penyu; munozopirwa munyara dzemagaa enyu.

Nah. 1:2

Mwari unendurumwa, nounounzidzira ndiye Mambo Mwari; Mambo Mwari unounzidzira noushungu; Mambo Mwari unozounzidzira padera pemagaa ake, unongwarira ushungu hwake padera pemagaa ake.

Dhuto. 32:35

Kuunzidzira ngokwangu nokuthusa; tsoka dzavo dzinozotedzemuka ngomukuwo wakaemeswa; ngokuti zuva rokutambudzika kwavo riri pasinde, kuparadzwa kwavo kunouya ngokukasira.

Dhuto. 32:43

Kudzai, imwimwi matenga, vanhu vake mudirei nemwi mweshe zvimwari! Ngokuti iye unozounzidzira ngazi yevana vake, naye unozopa kuunzidzira kumagaa ake, naye unozochenesa nyika ngendaa yevanhu vake.”