Jer. 5:6 - Bhaibheri Rakachena muChindau

⁶ Ndiyo ndaa mhondoro inobva mugwasha inozovauraya, negava romushango rinozovaparadza. Khamba rinohwarira madhorobha avo; weshe unobudamwo unozobaurwa kuita zvigurwa, ngokuti zvishaishi zvavo zvakawanda, nokuhwirira kwavo sure kwakanyanya.

Jer. 5:6 Iomraidhean Croise

2 MaKro. 36:14

Veshe vapristi vakuru, nevanhuwo vaiya vasikagondeki kakurutu ngokuteera zveshe zvinyangadzo zvemadzinza asikadiri Mwari; navo vakasvipisa mhatso yaMambo Mwari iyo yaaiya akachenesa muJerusarema.

Ezura 10:10

Zvino Ezura mupristi wakamiruka echiti kwevari, “Mwakapauka ngokuroora vakadzi vapara, ndizvo mwakatutsira kushaisha kwavaIsuraeri.

Ezura 9:6

Ndakati, “A Mwari wangu, ndatsveruka kakurutu nokutsveruka kuti ndimirudze hope yangu kwouri, Mwari wangu, ngokuti zvishaishi zvedu zvakwira kudarika padera pemasoro edu, nokushaisha kwedu kwakura kuguma kumatenga.

Jobe 10:16

Kushinga kudai ngemhondoro iwewe unondivhima; unophindazve kuita mishamiso kundirwisa.

Nduyo 104:20

Iwewe unoita chidima kuti uapo usiku, apo mhuka dzeshe dzomugwasha dzinobuda dzechigwezva.

Nduyo 80:13

Nguruve inobva mugwasha inouvhuruvhurudza, nemhuka dzomushango dzinoudya.

Isa. 1:23

Vatongi venyu vanoita mbengo nokuita vangani vemambavha. Veshe vanoda bata muromo, vanoteera kuthuswa. Avatongi zvakanaka ndaa dzenherera, nendaa dzeshirikadzi adziuyi pamberi pavo.

Isa. 59:12

Ngokuti zvishaishi zvedu zvawanda pamberi pako, nezvishaishi zvedu zvinotiitira ndaa. Zvishaishi zvedu ngegwinyiso zvinesu, nesu tinozia zvishaishi zvedu:

Jer. 14:7

O Mambo Mwari, kunyazwi zvishaishi zvedu zvinopupura tisu kutiitire ndaa, chiita ngendaa yezina rako; ngokuti takahwirira sure kazhinji, takashaisha kwouri.

Jer. 2:15

Mhondoro dzamubhongera, dzabhonga kakurutu. Vakachakata nyika yake; madhorobha ake aamatongo, asina unogaramwo.

Jer. 2:17

Auzi kudziunzira izvi padera pako here, ngokusiya Mambo Mwari, Mwari wako, apo akakutungamirira munjira?

Jer. 2:19

Kushata kwako kwemene kunozokuorora, nokupetuka sure kwako kunozokuitira ndaa. Zia nokuona kuti chiro chakashata nechinovava kweuri kusiya Mambo Mwari, Mwari wako; kutyisa kwangu akurimwopi mukati mwako,” unoronza Mambo Mwari wehondo.

Jer. 2:31

Nemwi, O mubarirwana, wonai izwi raMambo Mwari. Ndaita rubaya kunaIsuraeri here nokuti ndaita nyika yechidima? Ngenyi zvino vanhu vangu vechironza kuti, takasunhurika, atizouyizve kwouri?

Jer. 25:38

Kudai ngemhondoro wakasiya ndau yake yokuhwara; ngokuti nyika yavo yaamatongo ngendaa yokutyisa kweshoti, nendaa yokutyisa kwoushungu hwake.

Jer. 30:14

Vadikani vako veshe vakuriyarwa; avakutsvaki; ngokuti ndakakuremadza ngebonje regaa, kuororwa kwouwo usina nyasha, ngendaa youwandu hwokushata kwako, ngokuti zvishaishi zvako zvakawandisa.

Jer. 30:15

Unochema ngenyi ngendaa yokuremadzwa kwako? Kurwadziwa kwako akurapiki. Ngokuti kushaisha kwako kwakakura, ngokuti zvishaishi zvako zvanyanya kuwanda, ndizvo ndaita izvi kwouri.

Jer. 30:24

Ushungu hwaMambo Mwari hunotyisa ahuzopetuki sure, metsa azviita nokuzvipedza zvaakaemesa mumwoyo mwake. Mumazuva okugumisira munozozvizwisisa.

Jer. 4:7

Mhondoro yabuda kubva mugwasha; muparadzi wemadzinza wabuda munjira kuuya; wabuda kubva kundau yake kuti aparadze nyika yenyu; madhorobha enyu anozoita matongo asina unogaramwo.

Jer. 49:19

Ringira, unozokwira echiuya kudai ngemhondoro yechibva mugwasha reJorodhani kuuya koorwisa nyika yakasvipira; ndinozokasira kudzinga Edhomu kuenda kuretu kubva kweriri; neni ndinozoemesa padera payo kunyazwi ndiani uwo wendinotsanangura. Ngokuti ndiani wakadai ndini? Ndiani ungaphikisana neni? Ndiani muushi ungakona kuema pamberi pangu?

Jer. 8:5

Zvino ngenyi ava vanhu veJerusarema vechihwirira sure mikuwo yeshe? Vanobatisisa kuchengedzera, vanoramba kupetuka.

Jer. 8:7

Kunyazwi usore unozia mukuwo wawo wakaemeswa; nenjia, konjana nemherepere dzinozia mukuwo wokuuya kwadzo; asi vanhu vangu avazii chiemeso chaMambo Mwari.

Chi. 1:5

Magaa aro aita vatongi varo, mapandu aro anobudirira, ngokuti Mambo Mwari wakariita kuti ritambudzike ngendaa youwandu hwezvishaishi zvaro; vana varo vapinda muubatwa pamberi pemagaa.

Ezek. 16:25

Wakadziakira ndau yako yakakwirira dera kwepato reshe, ukasvipisa unaku hwako, ukafukurira mahasva ako kuneavo veshe vaipinda ndipo, nokuwandisa uhure hwako.

Ezek. 22:27

Vatongi varo vari mukati mwaro vakadai ngemakava anobvajura zvokudya, kuparadza ngazi nokuuraya vanhu kuti vaone kuuyirwa kusikagondeki.

Ezek. 23:19

Asi wakaangira kuwanzisa uhure hwake, echikarakadza ngemazuva outsva hwake, paakaita uhure navo munyika yeEgipite.

Dha. 7:4

Chokutanga chaiya chakadai ngemhondoro, chinemaphaphiro egodzi. Zvino ndakaringira, maphaphiro acho akatapurwa, nacho chakamirudzwa kubva pamavhu, chakaemeswa ngetsoka mbiri kudai ngomunhu, nomwoyo womunhu wakapuwa kwechiri.

Dha. 7:6

“Ngesure kweizvi, apo ndakaringira, ringira, chimweni chakadai ngekhamba, chinemaphaphiro marongomuna eshiri pamushana wacho, nechikara chaiya nemasoro marongomuna; nokutonga kwakapuwa kwechiri.

Hos. 5:14

Ngokuti ndinozodai ngemhondoro kunaEfuremu, nokudai ngemhondoro itsva kumhatso yaJudha. Inini ndemene, ndinozobaura nokuenda; ndinozotwara kuenda, akuna unozomuponesa.

HABHAKUKI 1:8

Mahachi avo anokasira kurumba kupinda makhamba, anopinda kutyisa kune matika emadeekoni; mahachi avo anorumbirira. Vanhu vavo vanogadha mahachi vanobva kuretu; vagadhi vemahachi vanombururuka kudai ngegodzi rinokasira kuenda koodya.

Zef. 3:3

Vakuru varo vari mukati mwaro imhondoro dzinobhonga; vatongi varo mathika emadeekoni asikasiyi chiro metsa nechimangwani.

Zvi. 32:14

Nazvino, imwimwi mibarirwana yevashaishi, mwamiruka pandau yemadzibaba enyu, kututsira ushungu hunotyisa hwaMambo Mwari kuvaIsuraeri!

Chakapangijihwa 13:2

Nechikara chendakaona chaiya chakadai ngekhamba, netsoka dzacho dzaiya dzakadai ngebheya, nomuromo wacho waiya wakadai ngowemhondoro. Kwechiri dragoni rakapa simba raro, chigaro choumambo hwaro nesimba rokutonga gurutu.