Jer. 5:5 - Bhaibheri Rakachena muChindau

⁵ Ngandiende kuvakuru, ndierekete navo; ngegwinyiso vanozia njira yaMambo Mwari, mupango waMwari wavo.” Asi ava veshe vakatodzana vakagura joka, vakadambura zvisungo.

Jer. 5:5 Iomraidhean Croise

2 MaKro. 36:14

Veshe vapristi vakuru, nevanhuwo vaiya vasikagondeki kakurutu ngokuteera zveshe zvinyangadzo zvemadzinza asikadiri Mwari; navo vakasvipisa mhatso yaMambo Mwari iyo yaaiya akachenesa muJerusarema.

EKISEDHUSI 32:25

Naapo Mosi aona kuti vanhu vaiya vapauka, ngokuti Aroni wakavatendera kupauka kuti vatsverudzwe pakati pemagaa avo,

Isa. 1:23

Vatongi venyu vanoita mbengo nokuita vangani vemambavha. Veshe vanoda bata muromo, vanoteera kuthuswa. Avatongi zvakanaka ndaa dzenherera, nendaa dzeshirikadzi adziuyi pamberi pavo.

Jer. 2:20

Ngokuti ngomukuwo wekare wakagura joka rako, muzvisungo zvako; newe wakati, “Andidi kukushandira! Padera pezvitunhu zveshe, nepashi pemiti yeshe yakasvipirika wakaatapo, wechiita uhure.

Jer. 2:31

Nemwi, O mubarirwana, wonai izwi raMambo Mwari. Ndaita rubaya kunaIsuraeri here nokuti ndaita nyika yechidima? Ngenyi zvino vanhu vangu vechironza kuti, takasunhurika, atizouyizve kwouri?

Jer. 30:14

Vadikani vako veshe vakuriyarwa; avakutsvaki; ngokuti ndakakuremadza ngebonje regaa, kuororwa kwouwo usina nyasha, ngendaa youwandu hwokushata kwako, ngokuti zvishaishi zvako zvakawandisa.

Jer. 6:13

“Ngokuti kubvira pamudoko kuguma pane wakakurisa wavo, veshe vanokarira kuuyirwa ngezvisina shwiro; nokubvira pamuprofeti nepamupristi, umwe ngaumwe unoita ngokuchengedzera.

Jer. 8:7

Kunyazwi usore unozia mukuwo wawo wakaemeswa; nenjia, konjana nemherepere dzinozia mukuwo wokuuya kwadzo; asi vanhu vangu avazii chiemeso chaMambo Mwari.

Jer. 9:3

“Vanokunga rurumi rwavo kudai ngouta kufura manyepo: haiwa ngegwinyiso revanonyisa ndiro munyika. Ngokuti vanobva mukushata kuenda mukushata, navo avandizii,” unoronza Mambo Mwari.

Ezek. 11:2

Wakati kwendiri, “Mukororo womunhu, ava ndivo vanhu vanoronga zvakashata naavo vanopanga zvakashata mudhorobha iri.

Amo. 4:1

Izwai izwi iri, imwimwi n'ombe dzeBhashani, muri padera poMutunhu weSamaria, avo vanotambudza varombo, vanopwanya vanotama, vanoti kuvamuna vavo, “Unzai chiro, timwe!”

Amo. 6:1

Ihehe kwevari vanogarisika muZioni, neavo vanozwa kungwaririka paMutunhu weSamaria, vakuru vokutanga vemadzinza avo kwevari vanoenda vemhatso yaIsuraeri!

Mik. 3:11

Vakuru varo vanotonga ngokutengerwa, vapristi varo vanodzidzisa ngomusharo, vaprofeti varo vanoprofeta ngokuona mare; asi vanotseama kunaMambo Mwari vechiti, “Ngegwinyiso Mambo Mwari unesu! Akuna kushata kungatigumira.”

Mar. 2:7

Ngokuti miromo yomupristi ngaingwarire kuzia, nevanhu vanosisira kutsvaka kudzidziswa kubva kumuromo wake, ngokuti mutumwa waMambo Mwari wehondo.

Ruka 18:24

Jesu echimuringira wakati, “A, kukonzanyi kwezvakaita kuneavo vane upfumi kuti vapotere muumambo hwaMwari!

Ruka 19:14

Asi vanhu vomunyika yake vakamunyenya, vakatuma vatumwa sure kwake vechiti, ‘Atidi kuti munhu uyu atonge padera pedu.’