Jer. 5:4 - Bhaibheri Rakachena muChindau

⁴ Zvino ndakati, “Ava ndivo vega varombo, mapenzi; ngokuti avazii njira yaMambo Mwari, mupango waMwari wavo.

Jer. 5:4 Iomraidhean Croise

Isa. 27:11

Naapo matai aoma, anogurwa; vakadzi vanouya nokubasa muriro ndiwo. Ngokuti ava vanhu vasina kuzwisisa; ndizvo uwo wakavaita aazovazwiri urombo, nouwo wakavasika aazovaitiri nyasha.

Isa. 29:12

Nokuti kudai yechipuwa kwaari usikakoni kufunda vechiti, “Funda ichi, ndapota,” unoti, “Andikoni kufunda.”

Jer. 10:8

Asi veshe mabungumupee nemapenzi. Chidzidzo chinoitwa ngemiedzaniso achinaki kupinda chemuti.

Jer. 4:22

Ngokuti vanhu vangu mapenzi, avazi kundizia; vakadai ngevana vane upenzi, avazwisisi. Ingwazi mukuita zvakashata, avazii kuita zvakanaka.

Jer. 7:8

Ringirai, munogonda mazwi okunyepa asikadetseri chiro.

Jer. 8:7

Kunyazwi usore unozia mukuwo wawo wakaemeswa; nenjia, konjana nemherepere dzinozia mukuwo wokuuya kwadzo; asi vanhu vangu avazii chiemeso chaMambo Mwari.

Jer. 9:3

“Vanokunga rurumi rwavo kudai ngouta kufura manyepo: haiwa ngegwinyiso revanonyisa ndiro munyika. Ngokuti vanobva mukushata kuenda mukushata, navo avandizii,” unoronza Mambo Mwari.

Hos. 4:6

Vanhu vangu vanoparadzwa ngendaa yokutama kuzia; ngokuti waramba kuzia, ndizvo ndinokuramba, kuti usaita mupristi kwendiri. Newe wariyarwa mipango yaMwari wako, neniwo ndinozoriyarwa vana vako.

Mateu 11:5

Mapofu anoona, nezvirema zvinohamba, nevanemapere vanomhodyoswa, nemadziiranzee vanozwa, nevakafa vanomuswa, nevarombo vane vhangeri rinochumairwa kwavari.