Jer. 5:31 - Bhaibheri Rakachena muChindau

³¹ Vaprofeti vanoprofeta manyepo nevapristi vanotonga vechipangwa ngevaprofeti; navanhu vangu vanoda kuti zvidaro; asi munozoitenyi kumagumo azvo?”

Jer. 5:31 Iomraidhean Croise

1 Madzi. 22:6

Zvino mambo waIsuraeri wakaunganidza vaprofeti pamwepo, vaida kukwana mazana marongomuna (400), wakati kwevari, “Ndingaenda here koorwa neRamothigireadhi, nokuti ndirekere?” Vakati, “Kwirayo, ngokuti Mambo Mwari unozoripira munyara yamambo.”

Mazwi 17:4

Uwo unoita zvakashata unopurutana kumiromo yakashata; nomunyepi unopurutana kunorurumi rwakashata.

Isa. 10:3

Munozoitenyi ngezuva rokuororwa, mukati mwokuparadzwa kunozobva kuretu? Munozotizira kunaani koodetserwa? Munozosiya pari upfumi hwenyu?

Isa. 20:6

Muzuva iro vagari vomurutii rwerwizi vanozoti, ‘Ringirai, izvi ndizvo zvaitika mwevari avo vetaigonda nemwevari kwetakatizira, kudetserwa nokununurwa kubva kunamambo weAsiria! Neisusu tinozoita mapokonyokerenyi?’ ”

Isa. 33:14

Vashaishi vari muZioni vanotya; kuhuta kwavabata vasikadi Mwari. “Ndiani pakati pedu ungakona kugara nomuriro unopisha kusikaperi? Ndiani pakati pedu ungakona kugara nomuriro unobaka mhera nariini?”

Isa. 43:27

Baba ako vokutanga vakashaisha, navadudziri vako vakashaisha pamberi pangu.

Isa. 47:7

Wakati, “Ndinozoita vahosi mhera nariini;” ndizvo auzi kuisa izvi zviro mumwoyo mwako, nokuti auzi kupinimidza magumisiro azvo.

Jer. 12:4

Nyika inozobonda mukuwo wakadini nezvinokura zvakasvipira zvemarubaya zveshe zvinozofota mukuwo wakadini? Ngendaa yokushata kweavo vanogaremwo mhuka neshiri zvapedzwa, ngokuti vanoti, ‘Aazooni magumo edu.’

Jer. 14:14

Zvino Mambo Mwari wakati kwendiri, “Vaprofeti vanoprofeta zvokunyepa ngezina rangu. Andizi kuvatuma, nokuti kuvapanga nokuti kuereketa kwevari. Vanoprofeta kwomuri chioniso nokufembera zvokunyepa, nechisina shwiro, nokuchengedzera kwemwoyo yavo.

Jer. 26:7

Vapristi nevaprofeti nevanhu veshe vakazwa Jeremia echiereketa aya mazwi mumhatso mwaMambo Mwari.

Chi. 1:9

Tsvina yaro iri munezvokufuka zvaro; aripinimidzi ngemagumisiro aro; kuwa kwaro pashi kunoshamisa, pasina naumwe muembedzeri. “O Mambo Mwari, ringira kutambudzika kwangu, ngokuti gaa ranyisa.”

Chi. 2:14

Vaprofeti vako vakuonera zvioniso zvokunyepa nezvinopaukisa zvisina shwiro nezvoupenzi; avazi kubudisa kushaisha kwako, kuti vabvise uhloko hwako; asi vakuonera zvioniso zvokunyepa nezvokupaukisa.

Chi. 4:13

Indaa yezvishaishi zvavaprofeti varo, nokushata kwevapristi varo, vakaparadza ngazi yevakarurama mukati mwaro.

Chi. 4:18

Vakateera tsoka dzedu, nesu atizi kukona kuhamba mumapato edu; magumo edu akwedzera pasinde; mazuva edu akaerengwa, ngokuti kupera kwedu kwaguma.

Ezek. 13:10

Ngokuti, mugwinyiso vakapaukisa vanhu vangu vechiti, ‘Kunyarara,’ apo paiya pasina kunyarara; ngokuti apo vanhu vaaka rukumbati rusikazi kugwinya ava vaprofeti vanoruseta ngesuko,

Ezek. 13:6

Vaona zvinochengedzera nokuprofeta manyepo, vechironza kuti, ‘Mambo Mwari unoronza izvi,’ apo Mambo Mwari asikazi kuvatuma; asi vanogarira kuitika kweizwi ravo.

Ezek. 22:14

Kutsunga kwako kunogara kuripo here, nokuti nyara dzako dzingagwinya here, mumazuva endinozoshanda kwouri? Inini Mambo Mwari ndaereketa, neni ndinozochiita.

Hos. 4:9

Kunozodai ngevanhu, kudai ngomupristi; ndinozovaorora ngendaa yenjira dzavo, ndechizovapa misharo yezviito zvavo.

Hos. 6:10

Mumhatso yaIsuraeri ndaona chiro chakashata yaamho; kuripo kuhura kunaEfuremu, Isuraeri wasvipiswa.

Hos. 9:5

Munozoitenyi ngezuva redhiri rakaemeswa, nezuva redhiri raMambo Mwari?

Mik. 2:11

Kudai munhu aizohambahamba echiereketa manyepo asina shwiro echiti, “Ndinozochumaira kwomuri ngevhini nezvokumwa zvinoradzisa;” ndiye unozoita muchumairi wevanhu ava.

Mik. 2:6

“Musachumaira” ndizvo izvo zvevanochumaira. “Apana unosisira kuchumaira zviro zvakadaro; zvitsverudzo azvizotinyisi.”

Mik. 3:11

Vakuru varo vanotonga ngokutengerwa, vapristi varo vanodzidzisa ngomusharo, vaprofeti varo vanoprofeta ngokuona mare; asi vanotseama kunaMambo Mwari vechiti, “Ngegwinyiso Mambo Mwari unesu! Akuna kushata kungatigumira.”

Zef. 3:4

Vaprofeti varo avana ndaa nezviro, vanhu vasikagondeki; vapristi varo vasvipisa ndau yakacheneswa, vagura mupango.

Dhuto. 32:20

Wakati, “Ndinozofisha hope yangu kubva kwavari, ndinozoona kuti magumo avo anozoita akadini; ngokuti vari mubarirwana unopauka, vana vasina kugondeka mukati mwavo.

Dhuto. 32:29

Kudai vaiya vakangwara, vaizonasa kuzwisisa ichi, vaizopinimidza ngemagumo avo!