Jer. 5:3 - Bhaibheri Rakachena muChindau

³ O Mambo Mwari, madziso ako aatsvaki gwinyiso here? Wavachaya, asi avazi kuzwa kurwadziwa; iwewe wavapedza, asi vakaramba kupangwa. Vakaita kuti hope dzavo dzikonze kupinda buwe; varamba kupetuka sure.

Jer. 5:3 Iomraidhean Croise

Gen. 19:34

Mangwani mangwanani wedangwe wakati kuno mudoko, “Wona, ndakaatana usiku hwezuro nababa angu; ngatiite kuti vamwe vhini usiku hunozve; upotere iwewe uatane navo, kuti tingwarire rudzi rwababa edu.”

1 Madzi. 13:33

Ngesure kweizvi Jerobhoamu aazi kutenderuka kubva kunjira dzake dzakashata, asi wakaangira kuemesa vanhu vari pashi kuita vapristi vendau dzakakwirira; kunyazwi ngouri uwo waida kuita mupristi, waimuemesa kuita mupristi wendau dzakakwirira.

2 Madzi. 1:13

Mambo wakatumazve ngokwechitatu nduna nevanhu vayo makumi mashanu. Ndizvo nduna yechitatu yemakumi mashanu yakakwira, yakawa ngemabvi ayo pamberi paErija, yakakumbira kwaari yechiti, “A, munhu waMwari, ndinokupota kuti kupona kwangu, nokweava makumi mashanu kuoneke kunemutengo mukuru mukuona kwako.

2 MaKro. 16:9

Ngokuti madziso aMambo Mwari anoringira apo naapo kupotya nyika yeshe, kugwinyisa avo vanemwoyo yakaperera kwaari. Ndizvo muizvi waita ngoupenzi; ngokuti kubvira zvino munozorwa hondo.”

2 MaKro. 28:22

Munguva yokutambudzika kwake wakaangira kupauka kubva kunaMambo Mwari, uyu mambo Ahazi.

Nduyo 51:6

Ringira, unodisisa gwinyiso ngomukati; ndizvo ndidzidzise ungwaru mumwoyo wangu mwakafishika.

Nduyo 51:8

Ndiite kuti ndizwe kudakara nokudakadzwa; magodo owakapwanya adakare.

Nduyo 55:20

Mungani wangu wakatambanudza nyara dzake padera peshamwari; wakagura chitenderano chake,

Mazwi 21:29

Munhu wakashata unokonzisa hope yake, asi wakarurama unokarakadza njira dzake.

Mazwi 22:12

Madziso aMambo Mwari anogara akarinda kuzia, asi unoparadza mazwi ouwo usikagondeki.

Mazwi 23:35

Unozoti, “Vakandichaya, asi andizi kuremadzwa; vakandichaya, asi andizi kuzvizwa. Ndinozomuka riini? Ndinozotsvakazve kumwa rimweni.”

Mazwi 27:22

Kunyazwi ungatwa benzi nekoroni muduri ngomutwo, asi upenzi hwaro ahuzobudi.

Isa. 26:11

O Mambo Mwari, nyara yako yakamirudzwa mudenga, asi avaioni. Ita kuti vaone kugwinyisira kwako ngendaa yevanhu vako, vatsveruke. Muriro wewakanasirira magaa ako ngauapedze.

Isa. 42:25

Ndizvo wakadurura padera pake kupisha kwoushungu hwokutseneka kwake, nokutyisa kwehondo; zvakamuisa mumuriro unobaka kumarutii eshe, asi aazi kuzwisisa; nawo wakamupisha, asi aazi kuzviisa mumwoyo mwake.

Isa. 48:4

Ngokuti ndinozia kuti uri wakakonza, nomutsipa wako unemurunda wakagwinya kudai ngesimbi, nehuma yako yakadai ngethusi,

Isa. 9:13

Vanhu avazi kutenderukira kwaari uwo wakavachaya, nokuti kutsvaka Mambo Mwari wehondo.

Jer. 15:7

Ndavatsera ngorutsero pamisiwo yenyika; ndaita kuti vafirwe ngevanhu, ndaparadza vanhu vangu; avazi kutenderuka kubva kunjira dzavo.

Jer. 17:23

Asi avazi kupurutana, nokuti kukotamisa nzee dzavo, vakaomesa mitsipa yavo, kuti vasazwa, nokuti kuashira kudzidziswa.

Jer. 19:15

“Izvi ndizvo zvinoronza Mambo Mwari wehondo, Mwari waIsuraeri: Ringira, ndinounza padera pedhorobha iri, nepadera pemaguta aro eshe, kushata kweshe kwendakaronza kweriri, ngokuti vakakonzisa mitsipa yavo, kuramba kuti vasazwa mazwi angu.”

Jer. 2:30

Ndakachayira pasina chiro vana venyu; avazi kuashira kupangwa. Shoti yenyu yemene ndiyo yakauraya vaprofeti venyu kudai ngemhondoro inokara.

Jer. 3:3

Ndizvo mvura yarambidzwa kunaya, akuzi kuapo mvura yokupedzisira; asi waiya nehope yehure, wakaramba kutsverudzwa.

Jer. 32:19

mukuru mukupanga, nesimba mukushanda, uwo madziso ake akabeuka kunjira dzeshe dzevakororo vevanhu; kupa veshe umwe ngaumwe kudai ngenjira dzake nokudai ngemichero yezviito zvake.

Jer. 35:13

“Izvi ndizvo zvinoronza Mambo Mwari wehondo, Mwari waIsuraeri: Enda, wooronza kuvanhu vaJudha nevagari vomuJerusarema kuti, ‘Amukoni kudzidza here chidzidzo nokupurutana mazwi angu?’ Unoronza Mambo Mwari.

Jer. 44:10

Avazi kuonisa kupfaiswa nokuti kutya metsa nanyamashi, nokuti kupurutana mipango yangu nokuti zviemeso zvangu, zvendakaisa pamberi penyu nepamberi pemadzibaba enyu.’

Jer. 7:26

asi avazi kupurutana nokuti kukotamisa nzee kwendiri, asi vakakonzisa mitsipa yavo. Vakaita zvakashata kupinda madzibaba avo.

Jer. 7:28

Unozoti kwevari, ‘Iri ndiro dzinza risikazikupurutana izwi raMambo Mwari, Mwari waro, naro arizi kuashira kupangirwa; gwinyiso rapera, ragurwa kubva kumiromo yaro.’

Jer. 8:5

Zvino ngenyi ava vanhu veJerusarema vechihwirira sure mikuwo yeshe? Vanobatisisa kuchengedzera, vanoramba kupetuka.

Ezek. 2:4

Mibarirwana inemusikazwa inemwoyo yakaoma. Ndinokutuma kwevari, newe unozoti kwevari, ‘Izvi ndizvo zvinoronza Mambo Mwari, Mwari.’

Ezek. 24:13

Asi apo pendakakuchenesa mutsvina yokuemura kwenyama, auzi kusukika kubva mutsvina yako; auchazosukwizve nakamwe, metsa ndapedza ushungu hwangu padera pako.

Dha. 9:13

Kudai ngezvezvakanyorwa mumipango yaMosi, kweshe kushata uku kwauya padera pedu. Atizi kukumbira nyasha kunaMambo Mwari, Mwari wedu, kuti titenderuke kubva mukushata kwedu, tizwisise gwinyiso rako.

Revhi 26:23

“Kudai musikazopangwi ndini ngeizvi, asi mwechihamba mwechitsvatsvana neni,

Amo. 4:10

“Ndakatumira nhenda pakati penyu kudai ngezvakaitika muEgipite; majaha enyu ndakaauraya ngeshoti, ndikamutorera mahachi enyu; ndakaita kuti kunuhwa kwemakamba enyu kugume kumiro dzenyu; asi amuzi kupetuka kwendiri, unoronza Mambo Mwari.

Amo. 4:11

Ndakariga pashi vamweni venyu, kudai ngeapo Mwari paakarigira pashi Sodhoma neGomora, nemwi mwaiya mwakadai ngechitsa chinobviswa pachoto chomuriro; asi amuzi kupetuka kwendiri, unoronza Mambo Mwari.

Amo. 4:6

Ndakamupa kusukika kwemazino mumadhorobha enyu eshe, nokutamika kwechingwa kundau dzenyu dzeshe, asi amuzi kupetuka kwendiri, unoronza Mambo Mwari.

Amo. 4:8

Ndizvo madhorobha mairi nokuti matatu akahamba kuenda kudhorobha rimwe koomwa mvura, nawo aazi kuguta; asi amuzi kupetuka kwendiri, unoronza Mambo Mwari.

Amo. 4:9

Ndakamuchaya ngokufota nechirotarota: apo minda yenyu neminda yenyu yemivhini, nemionde yenyu, nemiorivhi yenyu yakabereka kakurutu, machonja akaidya; asi amuzi kupetuka kwendiri, unoronza Mambo Mwari.

Zef. 3:7

Ndakati, ‘Ngegwinyiso rinozonditya, rinozoashira kupangwa; arizokoreri kuona zveshe zvendaunza padera paro.’ Asi vakapinda kudisa kuita zviito zvavo zveshe kuti zvisvipiswe.

Varoma 2:2

Tinozia kuti kutonga kwaMwari kunegwinyiso kunowira padera paavo vanoita zviro zvakadaro.

Vahebheru 12:9

Ngepabanze peizvi, taiya nemadzibaba edu ngokwenyama aitiorora, nesu takavaremeredza. Atingapindi kuda kudzipfaisa kwakapindisisa kukuru kunaBaba emweya kuti tipone here?