Jer. 5:24 - Bhaibheri Rakachena muChindau

²⁴ Avaronzi mumwoyo mwavo kuti, ‘Ngatitye Mambo Mwari, Mwari wedu, uwo unonaisa mvura, yeshe yokutanga neyokuteerera ngenguva yayo; unotiemesera mavhiki okukukura.’

Jer. 5:24 Iomraidhean Croise

Gen. 8:22

Apo nyika ichindoripo mukuwo wokukusha nokukukura, kutonhora nokupisha, chirimo nechando, masikati nousiku azvizokoreri.”

1 Madzi. 17:1

Zvino Erija muThishibhe uwo waiya weThishibhe muGireadhi wakati kunaAhabhi, “Kudai ngezvaanopona Mambo Mwari, Mwari waIsuraeri, wendinoema pamberi pake, akuzoapo beto nokuti mvura makore aya, ngepabanze peizwi rangu.”

Jobe 29:23

Navo vakandigarira kudai ngokugarira mvura yokunaya; vakabeura miromo yavo kudai ngemvura yokunaya kwokupedzisira.

Jobe 38:37

Ndiani unoungwaru ungaerenga uwandu hwemakore? Nokuti ndiani ungadurura nyede dzemvura dzomudenga,

Jobe 5:10

Uwo unonaisa mvura padera penyika, nokunaisa mvura padera peminda;

Nduyo 147:8

Uwo unofukidza matenga ngemakore, unonasirira nyika mvura yokunaya, unomerisa mwenje padera pemitunhu.

Nduyo 65:9

Unohambira nyika, wechidiridzira, unoivhundirisa kakurutu; rwizi rwaMwari rwakazara ngemvura; unovapa vanhu zviyo, ngokuti ndizvo zvewainasirira.

Isa. 64:7

Akuna naumwe unodaidza zina rako, nokudzimusirira mukati mwake kuti akubate; ngokuti wafisha hope yako kubva kwetiri nokutipedza ngendaa yezvishaishi zvedu.

Jer. 10:13

Naapo anoereketa izwi rake, kuripo kutinhira kwemvura mudenga, naye unoita kuti mhute ipwititike kubva kumagumo enyika. Unoita mheni nemvura nokubudisa dutu kubva mudura rake.

Jer. 14:22

Chiripo here chimwari chemadzinza pakati pezvimwari zvisina shwiro chingakona kunaisa mvura? Nokuti matenga angadzasa mvura here? Andiwepi here, Mambo Mwari, Mwari wedu? Taisa gonda redu peuri, ngokuti ndiwe unoita izvi zveshe.

Jer. 2:19

Kushata kwako kwemene kunozokuorora, nokupetuka sure kwako kunozokuitira ndaa. Zia nokuona kuti chiro chakashata nechinovava kweuri kusiya Mambo Mwari, Mwari wako; kutyisa kwangu akurimwopi mukati mwako,” unoronza Mambo Mwari wehondo.

Jer. 3:3

Ndizvo mvura yarambidzwa kunaya, akuzi kuapo mvura yokupedzisira; asi waiya nehope yehure, wakaramba kutsverudzwa.

Jer. 5:22

Amundityi here?” Unoronza Mambo Mwari; “Amuhuti here pamberi pangu? Ndakaisa jecha kuti riite muganu woruandhle, ngechironzo chemhera nariini, kuti rusazoudarika; kunyazwi mafungu arwo anorichaya aanyisi, kunyazwi anotinhira, aakoni kudarika.

Jer. 50:5

Vanozobvunza njira yeZioni nehope dzakaringireyo, vanozouya vechidzibatanidza pachavo munaMambo Mwari ngechitenderano chemhera nariini chisikazoriyarikanwi.

Hos. 3:5

Ngesure kweizvi vaIsuraeri vanozohwirira nokutsvaka Mambo Mwari, Mwari wavo, naDhavhidha mambo wavo; vanozomutya Mambo Mwari nokunaka kwake ngemazuva okugumisira.

Hos. 6:1

“Uyai, ngatihwirire kunaMambo Mwari; ngokuti ndiye wakabaura, ndiyezve unozotirapa; wakachaya, ndiye unozotisunga.

Joeri 2:23

O vana veZioni, dakarai, mudakadzwe munaMambo Mwari, Mwari wenyu; ngokuti wapa mvura yokutanga ngendaa yenyu, wadurura pashi mvura yakawandisa ngendaa yenyu, mvura yokutanga nemvura yokuteera, kudai ngekaretu.

Amo. 4:7

Neni ndakabata mvura kubva kwemuri, apo kuchine mwedzi mitatu yokucheka; ndakaita kuti inaye padera pedhorobha rimwe, ndikaita kuti isanaya padera pedhorobha rimweni; yakanaya padera pemunda umwe, nepamunda apo peisikazi kunaya wakazeketera.

Zek. 10:1

Kumbirai mvura kubva kunaMambo Mwari ngomukuwo wemvura yokuteera, kunaMambo Mwari uwo unoita makore anotinhira, uwo unopa mvura yokupfunha kwevari, unomupa mwenje murubaya kumunhu weshe.

Mateu 5:45

kuti muite vana vaBaba enyu ari mudenga; ngokuti iye unoita kuti zuva rake ribude padera pevakashata nevakanaka, nokunaisa mvura padera pevakarurama nevasikazi kururama.

Zvak. 14:17

asi aazi kusiya asina uchapupu pachake, echiita zvakanaka, echimupa mvura inonaya kubva mudenga, nokukukura zviyo zvakawanda, echizadza mwoyo yenyu ngezvokudya nokudakara.”

Dhuto. 28:12

Mambo Mwari unozomubeurira upfumi hwake hwakanaka, denga kuti rinayise mvura padera penyika ngenguva kwayo, nokufumisa mushando weshe wenyara dzenyu. Nemwi munozokweretesa madzinza akawanda, asi imwimwi amuzokwereti.

Jakobe 5:7

Ndizvo sengererai, hama, metsa kuuya kwaMambo. Wonai murimi unogarira michero inomutengo mukuru yenyika, echisengerera, metsa iashire mvura yokuamba neyokugumisira.

Chakapangijihwa 11:6

Vane simba rokukonya denga, kuti isazonaya mvura ngamazuva okuprofeta kwavo, navo vane simba padera pemvura kuitsandudza kuti iite ngazi, nokuita kuti nyika igumirwe ngemadambudziko eshe, panguva dzeshe dzevanoda.