Jer. 5:22 - Bhaibheri Rakachena muChindau

²² Amundityi here?” Unoronza Mambo Mwari; “Amuhuti here pamberi pangu? Ndakaisa jecha kuti riite muganu woruandhle, ngechironzo chemhera nariini, kuti rusazoudarika; kunyazwi mafungu arwo anorichaya aanyisi, kunyazwi anotinhira, aakoni kudarika.

Jer. 5:22 Iomraidhean Croise

Gen. 1:9

Mwari wakati, “Mvura iri pashi pedenga ngaiunganidzwe pandau imwe, mavhu akaoma ngaaoneke.” Zvakaitika kudaro.

1 Madzi. 13:28

Wakaenda, akaona muiri wakakandirwa munjira, mbongoro nemhondoro zvakaema pasinde pomuiri. Mhondoro aizi kudya muiri uwo, nokuti kuruma mbongoro.

Jobe 26:10

Watara dendenedzwa mvura padera pemvura, pamugano pakati pokujeka nechidima.

Jobe 37:24

Ndizvo vanhu vanomutya; aana ndaa nomunhu kunyazwi ngouri ngendaa youngwaru hwomwoyo wake.

Jobe 38:8

Nokuti ndiani wakakonya misiwo yoruandhle, apo rwechiputika kubva mundani?

Nduyo 104:9

Wakaemesa mugano kuti isadarika, kuti isachauyazve kumbonya nyika.

Nduyo 119:120

Muiri wangu unohuta ngokukutya; ndinotya zvitongero zvako.

Nduyo 33:7

Wakaunganidza mvura yoruandhle pamwepo kudai ngeiri mujomeya; unotutira ruandhle mukudzama kwemirindi.

Nduyo 46:3

kunyazwi mvura yawo yanyatinhiira, ikakupakupa, kunyazwi matunhu anyazungunyiswa nokututuma kwayo. Selah.

Nduyo 99:1

Mambo Mwari ndimambo; vanhu ngavahute! Unogara padera pemakherubhi; nyika ngaizungunyike!

Mazwi 8:29

apo paakaemesera ruandhle magumo arwo, kuti mvura isadarika kupanga kwake, apo paakaemesa madzeyo enyika,

Isa. 50:2

Ngenyi paiya pasina naumwe apo pendakagumapo? Ngenyi paiya pasina naumwe wokundipingura apo pendakadaidza? Nyara yangu yakafupiswa kuti aingakoni kuripira here? Nokuti andina simba rokusunhura here? Ringira, ngokukaraidza kwangu ndinoomesa ruandhle, ndinoita kuti ndwizi dziite rubaya; hove dzadzo dzinonuhwa, ngokuti apana mvura, nadzo dzinofa ngendaa yenyota.

Isa. 64:2

Kudai ngomuriro unopisha tsotso, nomuriro unoita kuti mvura yiire, kuitira kuti zina rako riziikanwe kumagaa ako, kuitira kuti madzinza ahute ngokuapo kwako!

Isa. 66:5

Izwai izwi raMambo Mwari, imwimwi munohuta ngeizwi rake: “Hama dzenyu idzo dzinomuzonda, nokumuramba ngendaa yezina yangu, vakati, ‘Ngaakudzwe Mambo Mwari, kuitira kuti tione kudakara kwenyu,’ asi ndivo vanozotsverudzwa.

Jer. 10:7

Ndiani usikakutyi, O mambo wemadzinza? Ngokuti kutyiwa ngokwako; pakati pavo veshe vakangwara vemadzinza, nomukati mwoumambo hwavo hweshe, akuna naumwe wakadai ndiwe.

Jer. 2:19

Kushata kwako kwemene kunozokuorora, nokupetuka sure kwako kunozokuitira ndaa. Zia nokuona kuti chiro chakashata nechinovava kweuri kusiya Mambo Mwari, Mwari wako; kutyisa kwangu akurimwopi mukati mwako,” unoronza Mambo Mwari wehondo.

Jer. 31:35

Izvi ndizvo zvinoronza Mambo Mwari, uwo unopa zuva kuti riite kujeka kwemasikati, nokuemesa mwedzi nenyeredzi kuita kujeka kwousiku, uwo unomusa ruandhle apo mafungu arwo anoungumira; Mambo Mwari wehondo, ndiro zina rake:

Dha. 6:26

Ndinoemesa chiemeso, kuti mukutonga kweshe kwoumambo hwangu vanhu ngavahute nokutya pamberi paMwari waDhanieri: “Ngokuti ndiMwari unopona, naye wakagwinya mhera nariini. Umambo hwake ndihwo husikaparadzwi, nokutonga kwake akuna magumo.

Amo. 4:12

Ndizvo izvi zvendinozoita kwouri, O Isuraeri; ngokuti ndinozoita ichi kwouri, nasirira kushongana naMwari wako, O Isuraeri!”

Amo. 9:6

ndiye unoaka makamera ake mudenga, nokuemesa matsikiro ake padera penyika; uwo unodaidza mvura yoruandhle echiidurura padera penyika, Mambo Mwari ndiro zina rake.

Jona 1:16

Zvino vanhu vakatya Mambo Mwari kakurutu, vakapira mubairo kunaMambo Mwari nokupika mhiko.

Nah. 1:4

Unokaraidza ruandhle nokuruomesa, naye unoomesa ndwizi dzeshe; Bhashani neKharmeri zvinofota, neruva reRebhanoni rinozeketera.

Mateu 10:28

Musatya avo vanouraya muiri, asi vasina simba rokuuraya mweya. Asi mutye uwo unesimba rokuparadza zveshe mweya nomuiri muGehena.

Marku 4:39

Naye wakamuka akakaraidza dutu, akati kuneruandhle, “Terama kuti chowee.” Nedutu rakaterama, kwaiyapo kunyarara kukurutu.

Ruka 12:5

Asi ndinomunyowedza ngouwo womunosisira kutya; mwechimutya uwo ngesure kwokuuraya, unesimba rokurasha mugehena, eya, ndinomuronzera mutyenyi uwo!

Dhuto. 28:58

Kudai musikangwaridziri kuita eshe mazwi emipango akanyorwa mubhuku iri, mutye zina iri rakachena nerinotyisa raMambo Mwari, Mwari wenyu,

Chakapangijihwa 15:4

Ndiani usikazomutyi nokukudza zina renyu, A Mambo? Ngokuti imwimwi mwega mwakachena. Madzinza eshe anozouya nokudira pamberi penyu ngokuti zviito zvenyu zvakarurama zvakaoniswa.”