Jer. 5:21 - Bhaibheri Rakachena muChindau

²¹ “Izwai izvi, O vanhu mapenzi, musina kuzwisisa, munemadziso, asi amuoni, munenzee, asi amuzwi.

Jer. 5:21 Iomraidhean Croise

Nduyo 94:8

Zwisisai, imwimwi mabungumupee evanhu; mapenzi, munozongwara riini?

Mazwi 17:16

Ngenyi benzi rinomutengo munyara wokutenga ungwaru, apo asina ungwaru hwokudzidza?

Isa. 27:11

Naapo matai aoma, anogurwa; vakadzi vanouya nokubasa muriro ndiwo. Ngokuti ava vanhu vasina kuzwisisa; ndizvo uwo wakavaita aazovazwiri urombo, nouwo wakavasika aazovaitiri nyasha.

Isa. 43:8

Unzai vanhu mapofu, asi vane madziso, madziiranzee, asi vane nzee.

Isa. 44:18

Avazii nokuti kuzwisisa; ngokuti vakapofomadza madziso avo kuti vasaona, nokuti vasakona kuzwisisa.

Jer. 10:8

Asi veshe mabungumupee nemapenzi. Chidzidzo chinoitwa ngemiedzaniso achinaki kupinda chemuti.

Jer. 4:22

Ngokuti vanhu vangu mapenzi, avazi kundizia; vakadai ngevana vane upenzi, avazwisisi. Ingwazi mukuita zvakashata, avazii kuita zvakanaka.

Jer. 5:20

Ronza izvi mumhatso yaJakobe, udaidzire muJudha wechiti,

Jer. 5:4

Zvino ndakati, “Ava ndivo vega varombo, mapenzi; ngokuti avazii njira yaMambo Mwari, mupango waMwari wavo.

Jer. 6:10

“Ndingazoereketa nokunyowedza kunaani, kuti vangazwa? Ringira, nzee dzavo dzakatsiira, avakoni kupurutana. Izwi raMambo Mwari riri chitsverudzo kwevari; avadakari ndiro.

Jer. 7:13

Zvino,” Mambo Mwari unoronza, “Ngokuti mwakaita izvi zviro zveshe, naapo pendakaereketa kwomuri ngokusikarekera, amuzi kundipurutana, naapo pendakamudaidza amuzi kupingura,

Jer. 8:7

Kunyazwi usore unozia mukuwo wawo wakaemeswa; nenjia, konjana nemherepere dzinozia mukuwo wokuuya kwadzo; asi vanhu vangu avazii chiemeso chaMambo Mwari.

Ezek. 12:2

“Mukororo womunhu, unogara pakati pemhatso inomukira, avo vanemadziso okuona, asi avaoni, vanenzee dzokuzwa, asi avazwi, ngokuti imhatso inomukira.

Hos. 7:11

Efuremu waita kudai ngenjiya, benzi, risina mwoyo; vanodaidza Egipite, vanoenda kuAsiria.

Zek. 7:11

“Asi vakaramba kupurutana, vakafuratira pfudzi risikapurutani, vakatsiira nzee dzavo, kuti vasazozwa.

Marku 4:12

kuti vechiona vangaona vasikaonesesi, vechizwa vangazwa vasikazwisisi, kuti pamweni vangatenderuka, nokushaisha kurekererwe kwavari.”

Marku 8:18

Munemadziso musikaoni here, munenzee musikazwi here? Amucherechedzi here?

Johani 12:40

“Uwo wakapofomadza madziso avo, wakakonzisa mwoyo yavo, kuti vasazoona ngemadziso avo, vazwisise ngomwoyo yavo, vatenderuke neni ndivaponese.”

Zvak. 28:26

“echiti, ‘Enda kuneava vanhu wechiti, ngegwinyiso munozozwa, asi musikazwisisi; ngegwinyiso munozoona, asi musikaonesisi.

Varoma 1:20

Ngokuti kubvira pakusikwa kwenyika zviro zvake zvisikaoneki, zvechiziikanwa kudai ngezviro zvakasikwa, zvinoti, simba rake remhera nariini noUmwari hwake, zvinonasa kuoneka. Ndizvo avachaiti vasina ndaa;

Varoma 11:8

Kudai ngezvakanyorwa kuti, “Mwari wakavapa mweya wokukangaidzwa, wakavapa madziso okuti vasaona nenzee dzokuti vasazwa, metsa kuguma kuneiri zuva.”

Dhuto. 29:3

zviedzo zvikuru zvakaonwa ngemadziso enyu, zvioniso, neiyi minana mikuru.

Dhuto. 29:4

Asi Mambo Mwari metsa nyamashi aazi kumupa mwoyo wokunasa kuzwisisa, nokuti madziso okuona, nokuti nzee dzokuzwa.

Dhuto. 32:6

Ndiyo njira here yomunoripira Mambo Mwari ndiyo, imwimwi vanhu mapenzi nevasina kungwara? Andiye here baba wenyu uwo wakamusika, uwo wakamuita nokumugwinyisa?