Jer. 5:17 - Bhaibheri Rakachena muChindau

¹⁷ Vanozodya zvakakukurwa zvako nechingwa chako, vanozodya vakororo vako nevanasikana vako; navo vanozodya makwai ako nen'ombe dzako; vanozodya mavhini ako nemaonde ako; vanozoparadza ngeshoti madhorobha ako akashosherwa, ounogonda ndiwo.

Jer. 5:17 Iomraidhean Croise

Isa. 62:8

Mambo Mwari wapika ngenyara yake yokumudyo nomuoko wake wesimba: “Chokwadi andichazopi zviyo zvako kuita kudya kwemagaa ako, nevapara avachazomwi vhini idzva, rewakadzishandira.

Isa. 62:9

Asi vakazviunganidza ndivo vanozozvidya, navo vechikudza Mambo Mwari; naavo vakariunganidza ndivo vanozorimwa mumaruwanze emhatso yangu yakacheneswa.”

Isa. 65:22

Avazoaki kuti umweni agaremwo; avazosimi kuti umweni adye; ngokuti kudai ngemazuva omuti, ndizvo zvinozoitawo mazuva evanhu vangu, nevakatsanangurwa vangu vanozogara mukuwo wakareba vechidakara ngomushando wenyara dzavo.

Jer. 1:15

Ngokuti, ringira, ndinodaidza marudzi eshe oumambo hwedera,” unoronza Mambo Mwari; “Navo vanozouya, vanozoemesa umwe ngaumwe dendemaro rake pamisiwo yeJerusarema, nepamarukumbati eshe aro anoritendenedza, nokumadhorobha eshe aJudha.

Jer. 25:37

nougaro hwokunyarara hwakaparadzwa ngendaa yokutyisa kwoushungu hwaMambo Mwari.

Jer. 4:26

Ndakaringira, wona, ndau yakavundira yakaita rubaya nemadhorobha ayo eshe akapwanyirwa pashi pamberi paMambo Mwari, pamberi peushungu hwake hunotyisa.

Jer. 4:7

Mhondoro yabuda kubva mugwasha; muparadzi wemadzinza wabuda munjira kuuya; wabuda kubva kundau yake kuti aparadze nyika yenyu; madhorobha enyu anozoita matongo asina unogaramwo.

Jer. 5:18

Asi kunyazwi mumazuva awo, andizomupedzi mweshe,” unoronza Mambo Mwari.

Jer. 50:17

“VaIsuraeri vakadai ngegwai rinovhimwa rinorumbirirwa ngemhondoro. Pakutanga mambo weAsiria wakavadya, nepakugumisira Nebhukhadhineza mambo weBhabhuroni wakatsenga magodo avo.”

Jer. 50:7

Veshe vakavaona vakavadya; nemagaa avo akati, ‘Atina ndaa, ngokuti vakashaishira Mambo Mwari, mafuro egwinyiso, Mambo Mwari, gonda remadzibaba avo.’

Jer. 8:13

“Naapo ndechida kuvaunganidza pamwepo,” unoronza Mambo Mwari: “Akuzoapo mavhini pamuvhini, nokuti maonde pamuonde, shakani rinozofota; neizvo zvendakavapa zvinozoparara kubva kwevari.”

Jer. 8:16

Kupheza kwemahachi kunozwika kubva Dhani; nyika yeshe inozungunyika ngebope rokupheza kwemikono yemahachi awo anesimba. Anouya kooparadza nyika nezveshe zviri mukati mwayo, dhorobha naavo vanogaramwo.”

Chi. 2:12

Vanochema kumadzimai avo vechiti, “Zviripari zvokudya nevhini?” Apo vanodemera kudai ngevakaremadzwa mumapato edhorobha, apo mweya yavo yaidururwa pamaditi paanamai vavo.

Chi. 2:2

Mambo Mwari wakaparadza asikakunguriri ugaro hweshe hwaJakobe, muushungu hwake wakandira pashi marukumbati emwanasikana waJudha; wadzasa pashi pamavhu mukutsverudza umambo nevatongi vahwo.

Ezek. 36:4

ndizvo, O mitunhu yaIsuraeri, izwanyi izwi raMambo Mwari, Mwari: Izvi ndizvo zvinoronza Mambo Mwari kumitunhu nokuzvimitunhu, nokumikova nokumapani, nokundau dzakaita matongo akaparadzwa, nokumadhorobha akasiiwa, akaita kuti apambwe nokuita chishekedzo kumadzinza awo akasara akatendenedza;

Hos. 2:12

Ndinozohwanda mivhini yake nemionde yake, yaakaereketa ndiyo kuti, “Iyi mithuso yangu yendakapuwa ngezvigango zvangu.” Ndinozoiita gwasha, nemhuka dzomushango dzinozoidya.

Hos. 8:14

Isuraeri wariyarwa Muiti wake, akaaka ngome; naJudha wawanza madhorobha akashosherwa; asi ndinozotumira muriro padera pemadhorobha ake, nawo unozopedza ngome dzake.”

Joeri 2:3

Muriro unopedza pamberi pavo; ngesure kwavo murazvu unopisha. Pamberi pavo nyika inodai ngomunda weEdheni, asi ngesure kwavo shango risikagarwi; akuna chinovatiza.

Revhi 26:16

ininiwo ndinozoita izvi kwomuri: ndinozoemesa kuti zviuye padera penyu kutyiswa, norufuba, nomutsarara inozopedza madziso enyu, nokudzerera kwomwoyo. Munozokusha mbeu dzenyu nhando ngokuti magaa enyu anozodzidya.

Zef. 3:6

“Ndauraya madzinza; masvingo awo aita matongo; ndaita kuti mapato awo aite shango, kuti pasaa naumwe unohamba ndiwo; madhorobha awo aparadzwa, amuna munhu, amuna nounogaramwo.

Mar. 1:4

Kudai Edhomu rechiti, “Taputsirwa pashi, asi tinozoakisa matongo,” unoronza Mambo Mwari wehondo: “Vangaaka, asi ndinozoputsira pashi, metsa vadaidzwa kuti, ‘Nyika yokushaisha,’ ‘Vanhu vaanonyangadzwa ndivo Mambo Mwari mhera nariini.’ ”

Dhuto. 28:33

Mirimwa yenyika yako, nemishando yako yeshe zvinozodyiwa ngedzinza rousikazii; newe unozotambudzwa wechitsikwatsikwa pashi nguva dzeshe,