Jer. 5:15 - Bhaibheri Rakachena muChindau

¹⁵ “Ringira, ndinounza padera pako dzinza rinobva kuretu, O mhatso yaIsuraeri” unoronza Mambo Mwari. “Idzinza rinogara, riri dzinza rekaretu, dzinza rousikazii rurumi rwaro, auzwi cherinoereketa.

Jer. 5:15 Iomraidhean Croise

Gen. 11:7

Uyai, ngatidzake pashi, tikangaidze ndimi yavo, kuti vasazwana umwe noumweni mukuereketa kwavo.”

Nduyo 81:5

Wakachiemesa kunaJosefa kuita chapupu, apo paakabuda koorwa neEgipite. Ndinozwa izwi rendisikazi kumbozia:

Isa. 28:11

Ngegwinyiso ngomuromo unokakama norurumi rwomupara unozoereketa kuvanhu ava,

Isa. 29:3

Nokudai ndiDhavhidha neni ndinozokutendenedza, ndinozokutsiira ngemarukumbati, nokukuemesera rukumbati.

Isa. 29:6

unozohambirwa ndiMambo Mwari wehondo nokutinhira nokuzungunyika kwenyika, nebope gurutu nomubvumo, neguwe nomurazvu womuriro unopisha kakurutu.

Isa. 33:19

Auchazooni vanhu vanodada, vanhu vanendimi dzokuereketa kwomusikakoni kuzwa, vanhu vanokakamira ndimi dzomusikazwi.

Isa. 39:3

Zvino muprofeti Isaya wakauya kunamambo Hezekia, akati kwaari, “Ava vanhu vatinyi? Vauya kwouri vechibva kuri?” Hezekia wakati, “Vauya kwendiri vechibva kunyika iri kuretu, nyika yeBhabhuroni.”

Isa. 5:26

Unozomirudza mujeki kumadzinza ari kuretu, unozoridza kweya kwevari vari kumagumo enyika; ringira, vaapano vanorumba nokukasira.

Isa. 5:7

Ngokuti munda wemivhini waMambo wehondo imhatso yaIsuraeri, nevanhu vaJudha muti wake unodakadza; naye wakakarira kuona kutonga kwakanaka, asi wakaona kuparadza ngazi; kuona kururama, asi wakaona kuchema.

Jer. 1:15

Ngokuti, ringira, ndinodaidza marudzi eshe oumambo hwedera,” unoronza Mambo Mwari; “Navo vanozouya, vanozoemesa umwe ngaumwe dendemaro rake pamisiwo yeJerusarema, nepamarukumbati eshe aro anoritendenedza, nokumadhorobha eshe aJudha.

Jer. 2:26

“Kudai ngembavha inotsverudzwa apo yabatwa, ndizvo mhatso yaIsuraeri inotsverudzwa; ivo, madzimambo avo, vatongi vavo, vapristi vavo nevaprofeti vavo,

Jer. 25:9

ringira, ndinozotumira kumadzinza eshe edera, kunyazwi naNebhukhadhineza mambo weBhabhuroni, muranda wangu, neni ndinozovaunza kuti varwise iyi nyika, nevagari vayo, nemadzinza eshe aya akaitendenedza; ndinozovaparadza yaamho nokuvaita chishamiso chinotyisa, chinoridzirwa murudzi nokuita matongo mhera nariini,” unoronza Mambo Mwari.

Jer. 4:16

“Ronzerai madzinza, ‘Aya ari pano!’ Ringirai, daidzirai kuneJerusarema kuti magaa anouya anobva munyika irikuretu, anoridza mhere kurwisana nemadhorobha aJudha.

Jer. 5:11

Ngokuti mhatso yaIsuraeri nemhatso yaJudha vakaita ngokusikagondeka kwendiri,” unoronza Mambo Mwari.

Jer. 6:22

Izvi ndizvo zvinoronza Mambo Mwari, “Ringira, vanhu vanouya kubva kunyika yedera, dzinza guru rinomuswa kubva kumarupande arikure enyika.

Jer. 9:26

Egipite, Judha, Edhomu, vana vaAmoni, Moabhi, naavo veshe vanoparwa masoro avo, naavo vanogara murubaya. Ngokuti madzinza aya eshe aazi kuchekwa, nemhatso yeshe yaIsuraeri aizi kuchekwa mumwoyo.”

Ezek. 18:31

Rasha kubva kwouri kweshe kushaisha kwako, kwewakandishaishira; udziitire mwoyo mutsva nomweya mutsva. Ngenyi wechizofa, O mhatso yaIsuraeri?

Dha. 1:4

majaha, vasina chakashata kwevari, vakanaka, ngwazi muungwaru hweshe, vakazara ngokuzia nokuzwisisa zvinouya, ngwazi dzokuema mungome yamambo, kuti vadzidziswe dzidziso nendimi yevaKharadhea.

Dha. 7:7

Ngesure kweizvi ndakaona muzvioniso zvousiku, ringira, chikara chechirongomuna, chinotyisa, chakagwinya kakurutu. Chaiya nemazino makuru esimbi; chakadya kupwanya kuita zvigurwa, nokutsikatsika zvakasara ngetsoka dzacho. Nacho chaiya chakasiyana nezvikara zveshe zvakatanga pamberi pacho; chaiya nenyanga gumi.

Amo. 6:14

“Ngegwinyiso, ndinozomumirudzira dzinza kurwa nemwi, O mhatso yaIsuraeri, unoronza Mambo Mwari, Mwari wehondo; vanozomutambudza kubvira Rebhohamathi kuguma kumukova weArabha.”

HABHAKUKI 3:16

Ndinozwa, ndani yangu inohuta, miromo yangu inohuta ngeizwi. Kuora kwakapotera mumagodo angu, kuhamba kwangu kunohuta pashi pangu. Ndinogarira mukunyarara zuva rokutambudzika pakuuya kwaro padera pevanhu vanotirwisa.

1 VaK. 14:21

Kwakanyorwa muMipango kuti, “Ngevanhu vendimi dzimweni, ngemiromo yevenyika mukanza ndinozoereketa kuneava vanhu; kunyazwi zvakadaro, avazondizwi”, unoronza Mambo Mwari.

Dhuto. 28:33

Mirimwa yenyika yako, nemishando yako yeshe zvinozodyiwa ngedzinza rousikazii; newe unozotambudzwa wechitsikwatsikwa pashi nguva dzeshe,

Dhuto. 28:49

Mambo Mwari unozounza dzinza rinobva kuretu kurwisana nemwi, rinobva kumagumo enyika, rinokasira kudai ngokumbururuka kwegodzi, iro dzinza ndimi yaro amuzoizwi;