Jer. 5:12 - Bhaibheri Rakachena muChindau

¹² Vakaereketa manyepo ndiMambo Mwari vechiti, “Aazoiti chiro. Kushata akuzouyi padera pedu, atizooni shoti nokuti nzara.”

Jer. 5:12 Iomraidhean Croise

2 MaKro. 36:16

Asi vakaangira kuitira jee varanda vaMwari, vakashoora izwi rake, vakatuka vaprofeti vake, metsa ushungu hwaMambo Mwari hwabaka kunavanhu vake kakurutu, apana naumwe wakapokonyoka.

Nduyo 10:6

Unopinimidza mumwoyo mwake, “Andizotsukunuswi; mumibarirwana yeshe andizooni dambudziko.”

Nduyo 14:1

Benzi rinoti mumwoyo mwaro, “Akuna Mwari.” Vakaora, vakaita mishando inonyangadza; akuna naumwe unoita zvakanaka.

Mazwi 30:9

nokuti ndigutiswe ndikurambe, ndironze kuti, ‘Ndiani Mambo Mwari?’ Nokuti ndinozoita murombo, nokuba, ndishandise zina raMwari wangu ngenjira isina shwiro.

Jer. 14:22

Chiripo here chimwari chemadzinza pakati pezvimwari zvisina shwiro chingakona kunaisa mvura? Nokuti matenga angadzasa mvura here? Andiwepi here, Mambo Mwari, Mwari wedu? Taisa gonda redu peuri, ngokuti ndiwe unoita izvi zveshe.

Jer. 2:6

Avazi kuronza kuti, uri pari Mambo Mwari uwo wakatikwidza kubva kunyika yeEgipite, wakatitungamira mushango, mukati mwenyika yakaomerwa nemarindi, munyika yakaoma, nechidima chikurutu, mukati mwenyika isikazi kuhambwa ngomunhu naumwe, isikagarwi ngomunhu?

Jer. 28:4

Ndinozopetudza kundau iyi Jekhonia mukororo waJehoiakimu mambo waJudha, pamwepo nevabatwa veshe vaJudha, avo vakatorwa kuenda Bhabhuroni, ngokuti ndinozogura joka ramambo weBhabhuroni,’ unoronza Mambo Mwari.”

Jer. 4:10

Zvino ndakati, “A Mambo Mwari, Mwari! Ngechokwadi kuchengedzeranyi kwakakura kudai kwewakaitira vanhu ava neJerusarema wechiti, ‘Zvinozomunakira’ kunyazwi shoti apo yaiswa pahuro.”

Jer. 43:1

Naapo Jeremia apedza kuereketa kunevanhu veshe mazwi aya eshe aMambo Mwari, Mwari wavo, awo Mambo Mwari, Mwari wavo aakamutuma nawo kwevari,

Jer. 5:31

Vaprofeti vanoprofeta manyepo nevapristi vanotonga vechipangwa ngevaprofeti; navanhu vangu vanoda kuti zvidaro; asi munozoitenyi kumagumo azvo?”

Jer. 6:14

Vakaporesa ronda revanhu vangu vasikapinimidzi vechiti, ‘Kunyarara, kunyarara,’ apo pasina kunyarara.

Ezek. 13:6

Vaona zvinochengedzera nokuprofeta manyepo, vechironza kuti, ‘Mambo Mwari unoronza izvi,’ apo Mambo Mwari asikazi kuvatuma; asi vanogarira kuitika kweizwi ravo.

Mik. 2:11

Kudai munhu aizohambahamba echiereketa manyepo asina shwiro echiti, “Ndinozochumaira kwomuri ngevhini nezvokumwa zvinoradzisa;” ndiye unozoita muchumairi wevanhu ava.

Mik. 3:11

Vakuru varo vanotonga ngokutengerwa, vapristi varo vanodzidzisa ngomusharo, vaprofeti varo vanoprofeta ngokuona mare; asi vanotseama kunaMambo Mwari vechiti, “Ngegwinyiso Mambo Mwari unesu! Akuna kushata kungatigumira.”

Dhuto. 29:19

Avo veshe vanozwa aya mazwi emhiko iyi, vechidzifumisa pachavo, vechipinimidza mumwoyo yavo, “Takangwaririka kunyazwi techihamba munjira dzedu dzemisikanzwa” (ndizvo vechiunza madambudziko panezveshe zvakaoma nezvakapfaa.)

1 Joh. 5:10

Iye unotenda Mukororo waMwari uneuchapupu mukati mwake. Iye usikatendi Mukororo waMwari unomuita munyepi, ngokuti aazi kutenda uchapupu hwaakapupura Mwari ngendaa yoMukororo wake.

1 Sam. 6:9

Mwechiringira kuti zvinokwira ngenjira inoenda kunyika yazvo kuBhethishemeshi, zvino ndiye wakaita izvi zvakashata zvikuru kwetiri; asi kuti zvisadaro, zvino tinozozia kuti aisiri nyara yake akadi yakatitambudza; zviro zvakandoitikawo hazvo kwetiri.”