Jer. 49:8 - Bhaibheri Rakachena muChindau

⁸ Tizai, petukai, dzakai pashi, imwimwi vagari veDhedhani! Ngokuti ndinozounza kutambudzika kukuru kwaEsau padera pake, pamukuwo apo pendichamuorora.

Jer. 49:8 Iomraidhean Croise

Isa. 2:21

kupinda mumapako emapuwe, nokuti mundutwe dzemawere, kubva pakutyisa kwaMambo Mwari, kubva muuthende hwoumambo hwake, apo paanomiruka kutyisa nyika kakurutu.

Isa. 21:13

Izwi guru ngendaa yeArabhia. Munozogara mugwasha reArabhia, imwimwi zviunga zvinohamba zvevaDhedhani.

Isa. 34:5

Naapo shoti yangu yamwa yagutisa mumatenga, ringira, inozodzaka padera peEdhomu, padera pevanhu vendakatuka, kuita kutongwa kwavo.

Jer. 25:23

Dhedhani, Thema, Bhuzi, naavo veshe vanogunda masoro avo kumarutii,

Jer. 46:21

Kunyazwi varwiri varo vari pakati paro vakadai ngamakonyana akakodzwa muchibaya; navowo vakapetuka, vakatiza veshe pamwepo; avazi kuema, ngokuti zuva rokuororwa kwavo kukuru ravagumira; mukuwo wokuororwa kwavo.

Jer. 48:28

Budai mumadhorobha, mugare mumawere emapuwe, O vagari veMoabhi. Mudai ngenjia inoaka chisaki chayo kumarutii emawere.

Jer. 48:44

“Weshe unotiza kutyisa unozowira muhunza; nouwo unokwira kubuda muhunza unozobatwa mumurau. Ngokuti ndinozounza zviro izvi padera paro Moabhi, mugore rokuororwa kwaro,” unoronza Mambo Mwari.

Jer. 48:6

‘Tizai! Mudziponese; mudai ngepfiba riri murubaya.’

Jer. 49:30

Tizai, muende kuretu, muhware mundau dzakadzama, O vagari vomuHazori,” unoronza Mambo Mwari; “Ngokuti Nebhukhadhineza mambo weBhabhuroni waita bangano rokurwa nemwi nokumurongera mazano akashata.

Jer. 49:32

“Mangamera avo anozochakatwa, nen'ombe dzavo dzakawanda dzinozopambiwa. Inini ndinozovaparadzira kudutu reshe avo vakaparwa bvudzi pamarutii ehuma dzavo, neni ndinozounza kutambudzika kukuru kubva kumarupande eshe,” unoronza Mambo Mwari.

Jer. 50:27

Urayai mikono yaro yeshe; ngaidzake koourawa. Ihehe kwevari! Zuva ravo raguma, mukuwo wokuunzidzirwa kwavo.

Jer. 6:1

Tizai kuti mupone, O vana vaBhenjamini, kubva pakati peJerusarema! Muridze gwama muThekoa, mwechiemesa mujeki muBhethi-hakheremu; ngokuti kushata kunouya kubva dera, nokuparadzwa kukuru.

Ezek. 25:13

ndizvo izvi ndizvo zvinoronza Mambo Mwari, Mwari: Ndinozotambanudza nyara yangu kurwa nevaEdhomu, ndinozouraya kubva kweiri vanhu nemhuka, ndinozoiita matongo; kubvira Themani metsa Dhedhani vanozowa ngeshoti.

Mar. 1:3

asi ndanyenya Esau, ndaita kuti nyika yake yezvimitunhu iite matongo nenhaka yake kuita rubaya rwemakava.”

Mar. 1:4

Kudai Edhomu rechiti, “Taputsirwa pashi, asi tinozoakisa matongo,” unoronza Mambo Mwari wehondo: “Vangaaka, asi ndinozoputsira pashi, metsa vadaidzwa kuti, ‘Nyika yokushaisha,’ ‘Vanhu vaanonyangadzwa ndivo Mambo Mwari mhera nariini.’ ”

Chakapangijihwa 6:15

Zvino madzimambo enyika nevanhu vakuru, nduna huru dzehondo, makurudza nevakagwinya, veshe hloko nevakasunhurika, vakahwara mumapako nomumapuwe emitunhu,

Vato. 6:2

Nenyara yaMidhiani yakanyisa padera pevaIsuraeri; ngendaa yevaMidhiani vaIsuraeri vakadziitira ndau dzokuhwara mumitunhu, nomumapako, nendau dzakagwinya dzokuhwara.

1 Sam. 13:6

Naapo vanhu vaIsuraeri vaona kuti vaa mungozi (ngokuti vanhu vehondo vaiya vamanikidzwa), vanhu vakadzifisha mumapako nomumakwasha, pakati pemapuwe, mundau dzakakwirira nomumirindi.