Jer. 49:5 - Bhaibheri Rakachena muChindau

⁵ Ringira, ndichaunza kutyisa padera penyu,” unoronza Mambo Mwari, Mwari wehondo, “Kubva kune veshe vanomutendenedza; nemwi muchaparadzwa mweshe umwe ngaumwe; akuna naumwe unozounganidza avo vanopepesheka.

Jer. 49:5 Iomraidhean Croise

2 Madzi. 19:7

Inini pachangu ndinozoisa mweya mwaari, ndizvo unozozwa makuhwa, naye unozopetuka kunyika yake; ndinozoita kuti awe ngeshoti munyika yake.’ ”

Jobe 15:21

Bope rinotyisa riri munzee dzake; mukubudirira kwake unozogumirwa ngomuurayi.

Mazwi 28:1

Wakashata unotiza pasina wamurumbirira, asi vakarurama vanoshinga kudai ngemhondoro.

Isa. 16:3

“Pangai, ita kutonga kwakanaka; mumvuri wako ngauite kudai ngousiku pakati pemasikati; fishai avo vakadzingwa; musapira vanotiza.

Jer. 15:8

Shirikadzi dzavo dzawandisa kupinda jecha romuruandhle; ndaunzira vanamai vemajaha muparadzi masikati machena; ndaita kuti kurwadziwa nokutyiswa kuwire padera pavo ngokukasira, nokutyisa kudzake padera pedhorobha.

Jer. 16:16

“Zvino ndinodaidza vabati vehove vazhinji, unoronza Mambo Mwari, navo vanozodzibata; navo vapedza ndinozodaidza vavhimi vazhinji, navo vanozovhima kubva pamutunhu umwe ngaumwe nepachimutunhu chimwe ngachimwe nomumapako emapuwe.

Jer. 20:4

Ngokuti izvi ndizvo zvinoronza Mambo Mwari: ‘Ringira, ndinozokuita unodzityisa iwewe pachako nokuvangani vako veshe; navo vanozourawa ngeshoti yemagaa avo, iwewe wakaringira. Neni ndinozopa Judha weshe munyara yamambo weBhabhuroni; unozovatora vari vabatwa kuenda Bhabhuroni, unozovauraya ngeshoti.

Jer. 46:5

Ngenyi ndechivaona vechitya? Vawira sure. Ngwazi dzavo dzapwanyirwa pashi, dzatiza ngokukasira. Avaringiri sure; ngokuti kutya kwakavatendenedza,” unoronza Mambo Mwari.

Jer. 49:29

Torai matende avo, zvifuyo zvavo, machira omukati mwematende, nezvidziyo zvavo zveshe, mangamera avo; nokuchema kunozodaidzirwa kwevari, vechiti, ‘Kutyisa kuri kumarutii eshe.’

Jer. 6:25

Musaenda kumunda, nokuti kuhamba munjira; ngokuti gaa rine shoti, kutyisa kuri kumarupande eshe.”

Chi. 4:15

Vanhu vakadaidzira kwevari vechiti, “Ibvai, mwakasvipiswa! Endai! Endai! Musatigwama.” Ndizvo vakaita minzererekwa nevapepeshekwa; vemadzinza vakati pakati pavo, “Avachazogarimwo nariini.”

Amo. 4:3

Kubudikidza ngemaburi erukumbati munozobuda ngepakapwanyiwa, mweshe umwe ngaumwe ngeapo paari pamberi pake, nemwi munozokandirwa muHarmoni,” unoronza Mambo Mwari.

Josh. 2:9

naye wakati kwavari, “Ndinozia kuti Mambo Mwari wamupa iyi nyika, nokutyisa kwenyu kwawira padera pedu, nevagari veshe venyika vapera simba ngendaa yenyu.