Jer. 49:2 - Bhaibheri Rakachena muChindau

² Ndizvo, ringira, mazuva anouya,” unoronza Mambo Mwari, “Apo pendinozoridza kuti mhere yokurwa hondo nedhorobha reRabha revaAmoni; rinozoita murwi wezvakaparadzwa, nemaguta aro anozopishwa ngomuriro; naapo Isuraeri unozotora nhaka kubva kuneavo vakamutorera nhaka,” unoronza Mambo Mwari.

Jer. 49:2 Iomraidhean Croise

2 Sam. 11:1

Muchirimo, ngomukuwo waanoenda madzimambo koorwa, Dhavhidha wakatuma Joabhi, nevaranda vake naye, pamwepo navaIsuraeri veshe; vakaparadza vana vaAmoni, vakakomba Rabha. Asi Dhavhidha wakasara muJerusarema.

Nduyo 48:11

Mutunhu Zioni ngaudakare, vanasikana vaJudha ngavadakare ngendaa yokutonga kwako.

Nduyo 97:8

Zioni rinozwa, naro rinodakadzwa, nemadhorobha aJudha anodakadzwa, ngendaa yokutonga kwako, A Mambo Mwari.

Isa. 11:14

Asi vanozojatira padera pevaFiristia ngokumabirirazuva; pamwepo vanozovachakata vanhu vokumabvazuva. Vanozotambanudza nyara yavo padera peEdhomu neMoabhi, nevanhu veAmoni vanozovapurutana.

Isa. 17:1

Izwi guru ngendaa yeDhamasekusi. “Ringirai, Dhamasekusi rinozoemeswa kuti risachaita dhorobha, naro rinozoita murwi wematongo.

Jer. 4:19

Ndarwadziwa, mwoyo wangu! Ndarwadziwa, mwoyo wangu! Ndinorwadziwa mumwoyo wangu; mwoyo wangu unochema mukati mwangu; andikoni kunyarara, ngokuti mweya wangu wazwa kuridzwa kwegwama, nokurira kwemhere yehondo.

Jer. 49:1

Izvi ndizvo zvinoronza Mambo Mwari ngendaa yaAmoni: “Isuraeri aana vakororo here? Aana vanogara nhaka yake here? Ngenyi zvino Mirikhomu echigara nhaka yaGadhi, nevanhu vake vechigara nhaka mumadhorobha ake?

Ezek. 21:20

Tara pato reshoti kuti igume Rabha revaAmoni, nokuti Judha nomuJerusarema rakashosherwa.

Ezek. 21:25

Asi iwewe O wakashata mambo waIsuraeri uwo zuva rako raguma, nguva yokuororwa kwokupedzisira,

Amo. 1:14

Ndizvo ndinozobasa muriro padera perukumbati rweRabha, nawo unozopedza ngome dzaro, ngokudaidzira ngezuva rehondo, ngedutu guru ngezuva rechipupuri.

Obh. 1:19

Avo vokubani vanozotora Mutunhu waIsau, naavo vomubani Shefera nyika yevaFiristia; vanozotora nyika yaEfuremu nenyika yeSamaria; Bhenjamini unozotora Gireadhi.

Zvi. 10:9

Naapo mwechienda koorwa hondo munyika yenyu namagaa avo vanomutambudza, naapo munozoridzisa magwama, kuti muzocherechedzwa pamberi paMambo Mwari, Mwari wenyu, nemwi munozoponeswa kubva kumagaa enyu.

Zvi. 21:25

VaIsuraeri vakatora madhorobha eshe aya; vaIsuraeri vakagara mumadhorobha eshe evaAmori, muHeshibhoni nenharaunda yaro yeshe.

Dhuto. 13:16

Munozounganidza zveshe zvakachakatwa zvaro pakati pemapato aro, munozopisha dhorobha iro ngomuriro, nazvo zveshe zvakachakatwa zvaro, kusasara nachimwe, ngepamusoro paMambo Mwari, Mwari wenyu, kuita mudiro wokupisha zveshe kunaMambo Mwari, Mwari wenyu. Rinozoita matongo mhera nariini; arichazoakwizve.

Dhuto. 3:11

(Ngokuti kwega Ogi mambo weBhashani waiya asara ari weavo vakasara vari veRefaimu; penyai mubhedhi wake waiya wesimbi; aurimwo here muRabha revana vaAmoni? Kureba kwawo kwaiya mamitha marongomuna, nokufara kwawo kwaiya mamitha mairi kudai ngechipimo chaishandiswa nguveyo.)

Josh. 17:11

Manase wakapuwa muIsakha nomuAsha Bhethisheani nemaguta aro, neIbhireamu nemaguta aro, nevagari veDhori, nemaguta aro, neveEnidhori nemaguta aro, nevagari veTaanakhi nemaguta aro, nevagari veMegidho nemaguta aro, (dhorobha rechitatu riri Nafathi.)

Josh. 17:16

Vana vaJosefa vakati, “Nyika yemitunhu aitikwani: vaKhenani veshe vanogara munyika yebani vanengoro dzesimbi, veshe veBhethisheani nemaguta aro, naavo vanogara muBani raJezireeri.”