Jer. 48:47 - Bhaibheri Rakachena muChindau

⁴⁷ Asi ngamazuva okugumisira ndinozopetudzazve vakabatwa veMoabhi,” unoronza Mambo Mwari. Uku ndikwo kutongwa kweMoabhi.

Jer. 48:47 Iomraidhean Croise

Jobe 19:25

Ngokuti ndinozia kuti muripiri wangu unopona, naye pakugumisira unozoema padera penyika.

Isa. 18:7

Ngomukuwo uwo zvipo zvinozounzwa kunaMambo Mwari wehondo kubva kune vanhu vakareba nokuserera, kubva kuvanhu vanotyisa vari pasinde nevari kuretu, dzinza rinesimba nokunyisa, nyika yavo inogurwa migano ngendwizi, kuMutunhu Zioni, kundau yezina raMambo Mwari wehondo.

Isa. 23:18

Zvokutengesa zvaro nokuthuswa kwaro zvinozopirwa kunaMambo Mwari; kuuyirwa kwaro akuzongwarirwi nokuti kuunganidzwa; asi zvokutengesa zvaro zvinozobudisa kudya kwakawandisa nezvokusimira zvakanaka zvaavo vanogara pamberi paMambo Mwari.

Isa. 25:11

Kunyazwi akanyatambanudza nyara dzake pakati pavo, kudai ngomuhlambiri unotambanudza nyara dzake kuhlambira, kudzikudza kwake kunozodzaswa pashi, kunyazwi echiedza ngenyara dzake.

Isa. 45:20

“Unganidzanai pachenyu muuye pamwepo, kwedzeranayi pasinde, imwimwi mwakapokonyoka kubva mumadzinza! Avana ruziyo avo vanotwara peshe miedzaniso yavo yemiti, vechiangira kukumbira kunechimwari chisikakoni kuponesa.

Jer. 12:14

Izvi ndizvo zvinoronza Mambo Mwari ngevaakirwana vangu veshe vakashata, avo vanogwama nhaka yendakaita kuti vanhu vangu Isuraeri vaigare: “Ringira, ndinozovabvita kubva munyika yavo, nokubvita mhatso yaJudha kubva pakati pavo.

Jer. 12:15

Naapo ndapedza kubvita ndinozovaitirazve nyasha nokuvaunzazve, umwe ngaumwe kunhaka yake nokunyika yake.

Jer. 23:20

Ushungu hwaMambo Mwari ahuzopetuki, metsa aita nokupedza zvaakapinimidza mumwoyo mwake. Mumazuva okugumisira munozonasa kuzvizwisisa.

Jer. 30:24

Ushungu hwaMambo Mwari hunotyisa ahuzopetuki sure, metsa azviita nokuzvipedza zvaakaemesa mumwoyo mwake. Mumazuva okugumisira munozozvizwisisa.

Jer. 46:26

Ndinozovapira munyara dzaavo vanotsvaka kuvauraya, kunamambo Nebhukhadhineza weBhabhuroni nevatongi vake. Ngesure kweizvi Egipite inozogarwa kudai ngekaretu,” unoronza Mambo Mwari.

Jer. 49:39

“Asi mumazuva okugumisira ndinozohwirinza vakabatwa vaEramu,” unoronza Mambo Mwari.

Jer. 49:6

“Asi ngesure kweizvi ndinozopetudzazve vakabatwa veAmoni,” unoronza Mambo Mwari.

Ezek. 38:8

Ngesure kwemazuva mazhinji unozokokwa; mumakore mazhinji anouya uchapamba nyika yakasunhurwa kubva muhondo, nyika apo paiungana vanhu vaibva kumadzinza mazhinji pamitunhu yaIsuraeri, iyo yaiya yakatoparadzwa; vanhu vayo vakabudiswa kubva kumadzinza nazvino vanogara mukungwaririka, pamwepo veshe.

Dha. 10:14

Zvino ndauyira kukudetsera kuti uzwisise zvinozoitika kuvanhu vako ngamazuva okugumisira. Ngokuti chiripo ngepamberi chioniso chemazuva awo.”

Dha. 11:41

Unozopotera munyika inouthende, nemakumi emakumi emazana anozoparadzwa; asi idzi dzinozopona kubva kunyara yake, Edhomu, Moabhi, norupande rukuru rwevaAmoni.

Dha. 2:28

asi uripo Mwari mudenga uwo unoonisa zvakafishika, naye wazvionisa kunamambo Nebhukhadhineza chinozoitika kumazuva okugumisira. Hope dzako, nezvioniso zvesoro rako pamubhedhi wako, ndizvo izvi.

Hos. 3:5

Ngesure kweizvi vaIsuraeri vanozohwirira nokutsvaka Mambo Mwari, Mwari wavo, naDhavhidha mambo wavo; vanozomutya Mambo Mwari nokunaka kwake ngemazuva okugumisira.

Zvi. 24:14

Ndizvo zvino, ndinohwirira kuvanhu vangu; ngandikuronzere icho chinozoitwa ngaava vanhu kunevanhu vako ngemazuva okugumisira.”

Dhuto. 31:29

Ngokuti ndinozia kuti ngesure kwokufa kwangu munozodzisvipisa yaamho, mwechikunukuka kubva munjira yendakamupanga. Kushata kunozomugumira kumazuva okugumisira, ngokuti munozoita zvakashata mukuona kwaMambo Mwari, kumumusira ushungu ngendaa yemishando yenyara dzenyu.”

Dhuto. 4:30

Naapo muri mukutambudzika, neizvi zviro zveshe zvinozouya padera penyu ngemazuva achauya, munozopetuka kunaMambo Mwari, Mwari wenyu, mwechizopurutana izwi rake.