Jer. 48:40 - Bhaibheri Rakachena muChindau

⁴⁰ Ngokuti izvi ndizvo zvinoronza Mambo Mwari: “Ringira, unozombururuka kudai ngegodzi, nokutambanudza maphaphiro ake kurwa neMoabhi.

Jer. 48:40 Iomraidhean Croise

Mazwi 30:19

Njira yegodzi mudenga, njira yenyoka padera peruware, njira yengarava pakati poruandhle, nenjira yemwamuna nemhandwe.

Isa. 11:14

Asi vanozojatira padera pevaFiristia ngokumabirirazuva; pamwepo vanozovachakata vanhu vokumabvazuva. Vanozotambanudza nyara yavo padera peEdhomu neMoabhi, nevanhu veAmoni vanozovapurutana.

Isa. 8:8

inozokukukuzva kupinda ngomuJudha, kudai ngendambi nokudururwa kubva padera; inozoguma nokumutsipa; nokutambanudzwa kwemaphaphiro ake kunozozadza kupamhama kwenyika yako, iwewe Imanueri.”

Jer. 4:13

Ringira, unouya kudai ngemakore, nengoro dzake dzinodai ngechipupuri; mahachi ake anorumbisa kupinda madorambudzi. Ihehe kwetiri, ngokuti taparadzwa.

Jer. 49:22

Ringira, unozokwira echimbururuka kudai ngegodzi, nokutambanudza maphaphiro ake padera peBhozira, nomwoyo yengwazi dzeEdhomu inozodai ngomwoyo womukadzi uri mukurwadziwa kwake ngokubereka ngeiro zuva.”

Chi. 4:19

Varumbiriri vedu vaikasira kupinda makodzi omudenga; vakatirumbirira padera pemitunhu, vakatihwarira mushango.

Ezek. 17:3

wechiti, ‘Izvi ndizvo zvinoronza Mambo Mwari: Godzi guru rinemaphaphiro makuru, akareba, akazara ngemanhenga, rinemaara akawanda, rakaguma Rhebanoni. Rakatora padera pemusedhare,

Dha. 7:4

Chokutanga chaiya chakadai ngemhondoro, chinemaphaphiro egodzi. Zvino ndakaringira, maphaphiro acho akatapurwa, nacho chakamirudzwa kubva pamavhu, chakaemeswa ngetsoka mbiri kudai ngomunhu, nomwoyo womunhu wakapuwa kwechiri.

Hos. 8:1

“Isa gwama pamuromo wako! Umwe wakadai ngegodzi uri padera pemhatso yaMambo Mwari, ngokuti vagura chitenderano changu nokupauka kubva kumupango wangu.

HABHAKUKI 1:8

Mahachi avo anokasira kurumba kupinda makhamba, anopinda kutyisa kune matika emadeekoni; mahachi avo anorumbirira. Vanhu vavo vanogadha mahachi vanobva kuretu; vagadhi vemahachi vanombururuka kudai ngegodzi rinokasira kuenda koodya.

Dhuto. 28:49

Mambo Mwari unozounza dzinza rinobva kuretu kurwisana nemwi, rinobva kumagumo enyika, rinokasira kudai ngokumbururuka kwegodzi, iro dzinza ndimi yaro amuzoizwi;