Jer. 48:13 - Bhaibheri Rakachena muChindau

¹³ Zvino Moabhi rinozotsveruka ngendaa yeKhemoshi, kudai ngevemhatso yaIsuraeri vakatsveruka ngendaa yeBhetheri gonda ravo.

Jer. 48:13 Iomraidhean Croise

1 Madzi. 11:33

Ngokuti wakandisiya, akadira Ashithorethi chimwari chevaSidhoni, neKhemoshi, chimwari chevaMoabhi, naMirikhomu, chimwari chevana vaAmoni, aazi kuhamba ngenjira dzangu, echiita izvo zvakarurama mukuona kwangu, nokungwarira zviemeso zvangu nemipango yangu, kudai ngezvaakaita Dhavhidha baba ake.

1 Madzi. 11:7

Zvino Soromoni wakaaka ndau yakakwirira yokudira Khemoshi, chinyangadzo cheMoabhi, neyaMorekhi chinyangadzo chevana vaAmoni, pamutunhu uri ngokumabvazuva kweJerusarema.

1 Madzi. 18:40

Erija wakati kwevari, “Batai vaprofeti vaBhaari, musarekera naumwe wavo kuti apone.” Zvino vakavabata; naErija wakavaunza kurwizi rinozwi Kishoni, wakavaurayapo.

2 MaKro. 25:15

Ndizvo ushungu hwaMambo Mwari hwakabaka kunaAmazia, wakatuma muprofeti kwaari, uwo wakati kwaari, “Wakatsvaka ngenyi zvimwari zvevanhu, zvisikazi kukona kurwira vanhu vazvo kubva kunyara yako?”

Isa. 16:12

Naapo Moabhi paanodzionisa pachake, apo paanodzitambudza pachake padera pendau yakakwirira, apo paanouya kundau yake yakacheneswa kookumbira, aazonyisi akadi.

Isa. 2:20

Ngeiro zuva vanhu vanozorasha kunhuta nokuzviremwaremwa miedzaniso yavo yokudira yesirivha, nemiedzaniso yavo yokudira yomukore, yevakadziitira pachavo kudira,

Isa. 45:16

Veshe vavo vanozotsverudzwa nokukangaidzwa, vaiti vemiedzaniso yokudira vanopinda mukukangaidzwa pamwepo.

Isa. 45:20

“Unganidzanai pachenyu muuye pamwepo, kwedzeranayi pasinde, imwimwi mwakapokonyoka kubva mumadzinza! Avana ruziyo avo vanotwara peshe miedzaniso yavo yemiti, vechiangira kukumbira kunechimwari chisikakoni kuponesa.

Jer. 48:12

“Ndizvo, ngegwinyiso nguva inouya,” unoronza Mambo Mwari, “Apo ndinozotuma kweriri vanodurura navo vanozodurura zvidziyo zvaro, nokuputsa kuita zvigurwa majomeya.

Jer. 48:39

“Raputswa ngenjiranyi! Raita maboorerenyi! Moabhi raita makunukukirenyi mushana waro mukutsverudzwa! Ndizvo Moabhi raitwa chishekedzo nechinotyisa kuvaakirwana varo.”

Jer. 48:46

Hezvo kwouri, O Moabhi! Vanhu veKhemoshi vapera, ngokuti vakororo vako vabatwa muuhloko nevanasikana vako vaizwa hloko.

Jer. 48:7

Ngegwinyiso ngokuti mwakagonda kumishando yenyu nokupfuma yenyu, nemwi muchabatwa; Khemoshi unozoenda muubatwa, nevapristi vake, pamwepo nevatongi vake.

Vato. 11:24

Auzogari here nhaka yenyika younopuwa ngechimwari chako Khemoshi kuti uigare nhaka? Isusu atisisiriwo here kugara nhaka yeizvo zveshe zvaakanyisa Mambo Mwari, Mwari wedu, kuita zvedu?