Jer. 48:10 - Bhaibheri Rakachena muChindau

¹⁰ Ngaatukwe uwo unorekeredza mushando waMambo Mwari, ngaatukwe uwo unokonyera shoti kubva kungazi.

Jer. 48:10 Iomraidhean Croise

1 Madzi. 20:39

Naapo mambo echipinda, wakadaidzira kunamambo echiti, “Muranda wako wakaenda koorwa; ringira, munhu wakapauka parutii wakaunza munhu kwendiri echiti, ‘Ngwarira uyu munhu, kudai echizotamika, naapo kupona kwako kunozodai ngokwake, nokuti unozoripa ngetarenta resirivha.’

1 Madzi. 20:40

Naapo inini muranda wako ndaiya ndechibatika apo naapo, wakaenda.” Mambo waIsuraeri wakati kwaari, “Ndizvo kutongwa kwako kunozodaro, ngokuti iwewe wemene wakachigura.”

1 Madzi. 20:42

Zvino wakati kwaari, “Unoronza izvi Mambo Mwari: Ngokuti iwewe wakarekera munhu kubva munyara dzako, wendakaemesera kuti aurawe, ndizvo kupona kwako kunozowa pandau yake, nevanhu vako vanozowa pandau yavanhu vake.”

2 Madzi. 13:19

Zvino munhu waMwari wakamutsenekera, akati, “Waisisira kudai wafura kashanu nokuti katanhatu; zvino waizodai wafura vaAramu metsa uvapedze; asi zvino unozofura vaAramu katatu kega.”

Jer. 11:3

Unozoti kwevari, izvi ndizvo zvinoronza Mambo Mwari, Mwari waIsuraeri: Ngaatukwe munhu uwo usikapurutani mazwi echitenderano ichi,

Jer. 47:6

A shoti yaMambo Mwari! Unozonyarara metsa riini? Hwirira mumakara ako; zorora unyarare.

Jer. 47:7

Ungaita manyararirenyi, apo Mambo Mwari akupanga kurwisa Ashikeroni, nemahumbikumbi oruandhle? Apo paakakuemesera.”

Jer. 50:25

Mambo Mwari wabeura ugaro hwendonga dzake dzokurwa, wabudisa ndonga dzoushungu hwake; ngokuti Mambo Mwari, Mwari wehondo, unawo mushando wokuita munyika yevaKharadhea.

Jer. 50:27

Urayai mikono yaro yeshe; ngaidzake koourawa. Ihehe kwevari! Zuva ravo raguma, mukuwo wokuunzidzirwa kwavo.

Josh. 10:19

Musagara apo, asi rumbirirai magaa enyu, muvauraye vari sure. Musavatendera kuti vapotere mumadhorobha avo, ngokuti Mambo Mwari, Mwari wenyu wavapira munyara dzenyu.”

Vato. 5:23

Tukai imwimwi Merozi, inoronza ngirosi yaMambo Mwari, vatukenyi imwimwi kakurutu vagari vayo; ngokuti avazi kuuya kudetsera Mambo Mwari, kudetsera Mambo Mwari kurwa nengwazi.

1 Sam. 15:3

Enda zvino urwise Amareki, nokuparadza yaamho zveshe zvevanazvo; usakungurira naumwe, asi uraya veshe, vamuna nevakadzi, vana, chiya nevachabva kubarwa, n'ombe nemakwai, makamera nezvimbongora.’ ”

1 Sam. 15:9

Sauri nevanhu vehondo vakaponesa Agagi, makwai akanaka, n'ombe dzakanaka nedzakakora, nevana vemakwai, neizvo zveshe zvaiya zvakanaka, vasikazi kuuraya zveshe; asi izvo zvaiya zvakaonda nokushooreka, zveshe vakazviparadza yaamho.