Jer. 47:7 - Bhaibheri Rakachena muChindau

⁷ Ungaita manyararirenyi, apo Mambo Mwari akupanga kurwisa Ashikeroni, nemahumbikumbi oruandhle? Apo paakakuemesera.”

Jer. 47:7 Iomraidhean Croise

Isa. 10:6

Ndinomutuma koorwisa dzinza risikadi Mwari nokuvanhu voushungu hwangu ndinomupanga, kutora zvinochakatwa nokutora zvakabvukwa nokuvatsika tsika pashi kudai ngematope omumapato.

Isa. 13:3

Inini pachangu ndapanga vakacheneswa vangu, ndadaidza ngwazi dzangu dzendinodada ndidzo kuti dziunzidzire ngendaa yokutseneka kwangu.

Isa. 37:26

Amuzi kuzwa here karetu njira yendakazviita ndiyo? Ndakazvironga kubvira mazuva ekaretu izvo zvendakaita kuti zviitike kuti iwewe uite unoparadza madhorobha anemarukumbati, kuti aite mirwi yematongo,

Jer. 48:10

Ngaatukwe uwo unorekeredza mushando waMambo Mwari, ngaatukwe uwo unokonyera shoti kubva kungazi.

Ezek. 14:17

“Nokuti kudai ndechiunza shoti padera penyika iyo ndechiti, ‘Shoti ngaihambe kupinda ngomunyika;’ nokuuraya vanhu nemhuka kubva kweiri,

Ezek. 21:14

“Ndizvo iwewe, mukororo womunhu, profeta, uchaye nyara dzako pamwepo. Shoti ngaiwe kairi, katatu, ishoti yokuuraya; shoti yokuuraya kukuru, yakavatendenedza.

Ezek. 21:30

Ihwirinze mumakara ayo. Mundau yowakasikirwa, munyika yokubarwa kwako ndinozokutonga.

Ezek. 21:9

“Mukororo womunhu, profeta wechiti, ‘Izvi ndizvo zvinoronza Mambo Mwari, Mwari; uti: Shoti, shoti yarodzerwa, yangwizirwa.

Ezek. 25:16

ndizvo izvi ndizvo zvinoronza Mambo Mwari, Mwari: Ringira ndinozotambanudza nyara yangu kurwa nevaFiristia, kuuraya vaKherethi nokuparadza eshe mahumbikumbi oruandhle.

Amo. 3:6

Gwama ringaridzwa here mudhorobha, nevanhu vakarekera kutya? Zvakashata zvingagumira dhorobha here asi kuti Mambo Mwari azviita?

Mik. 6:9

Izwi raMambo Mwari rinodaidzira kudhorobha, (Ungwaru hwakanaka kutya zina rako): “Izwai, O dzinza, nembungano yedhorobha!

1 Sam. 15:3

Enda zvino urwise Amareki, nokuparadza yaamho zveshe zvevanazvo; usakungurira naumwe, asi uraya veshe, vamuna nevakadzi, vana, chiya nevachabva kubarwa, n'ombe nemakwai, makamera nezvimbongora.’ ”