Jer. 47:3 - Bhaibheri Rakachena muChindau

³ Pabope retsoka rokuhamba kwemahachi ake akagwinya, pakurira kwokuhambiswa kwengoro dzake, nepakutinhira kwemavhiri, madzibaba aazoringiri sure kunevana vavo, ngendaa yokupera simba kwenyara dzavo,

Jer. 47:3 Iomraidhean Croise

Isa. 5:28

Misee yavo yakapinza, nembita dzavo dzeshe dzakakungwa; makumbo emahachi avo anoringirika akadai ngebuwe rinokonza rinemiara, nemavhiri awo akadai ngechipupuri.

Jer. 46:9

Kwedzerai, O mahachi, mburumbukai, O ngoro! Ngwazi ngadzibude mberi: vaEthiopia nevaRibhia avo vanokona kubata chihlangu, navaRidhia ngwazi dzokukandira misee ngeuta.’ ”

Jer. 50:42

Vanofura ngeuta nemikhondo, vanoushungu, avana nyasha. Bope ravo rinoungumira kudai ngoruandhle, vanogadha mahachi, veshe vakadzinasirira umwe ngaumwe, kudai ngengwazi dzinoenda koorwa, kurwa newe, O mwanasikana weBhabhuroni.

Jer. 8:16

Kupheza kwemahachi kunozwika kubva Dhani; nyika yeshe inozungunyika ngebope rokupheza kwemikono yemahachi awo anesimba. Anouya kooparadza nyika nezveshe zviri mukati mwayo, dhorobha naavo vanogaramwo.”

Ezek. 23:24

Vanozouya kurwa newe, vanendonga dzokurwa, ngoro dzehondo, nengoro dzokutwara zviro nehondo yevanhu; vanozodziemesa kurwa newe, kubva kumarutii eshe vanezvokuvhika ndizvo, zvihlangu, nezviquoko, neni ndinozoemesa kutonga kwevari, navo vanozokutonga kudai ngezvitongero zvavo.

Nah. 2:4

Mujaho wengoro unorumbiswa mumapato, dzinorumba mberi nesure ngemumapato akapamhama; kuoneka kwadzo kwakadai ngemasasi, dzinozokasira kudai ngemheni.

Nah. 2:8

Ninevhe rakadai ngegandwa remvura, iro mvura yaro inoerera kuenda kuretu. Vanodaidzira kuti, “Emai, emai;” asi akuna naumwe unoringira sure.

Chakapangijihwa 9:9

dzaiya nemagwamba akadai ngechihlangu chepaditi chesimbi, nokutinhira kwemaphaphiro adzo kwakadai ngokutinhira kwengoro dzokurwa hondo, dzinokweiwa ngemahachi akawanda echirumba kuenda koorwa.

Vato. 5:22

Zvino madondova emahachi akatinhirisa nyika ngendaa yokurumba kwawo, kurumba kwemahachi avo anesimba.