Jer. 47:2 - Bhaibheri Rakachena muChindau

² Izvi ndizvo zvinoronza Mambo Mwari, “Ringira, mvura inokwira yechibva dera, nayo inozoita ndambi inopopoma, inozokukuza nyika nazvo zveshe zviri mukati mwayo, dhorobha, naavo vanogara mukati mwaro. Vanhu vanozochema yaamho, nevagari venyika vanozoboorera.

Jer. 47:2 Iomraidhean Croise

Nduyo 24:1

Nyika ngeyaMambo Mwari, nazvo zveshe zvirimwo, nyika naavo vanogara mukati mwayo;

Nduyo 50:12

Kudai ndaiya nenzara, andisaizokuronzerapi, ngokuti nyika nazo zveshe zvirimwo ngezvangu.

Nduyo 96:11

Matenga ngaadakare, nenyika ngaidakadzwe; ruandhle ngaruungumire, nazvo zveshe zvirimwo;

Nduyo 98:7

Ruandhle ngaruungumire, nazvo zveshe zvirimwo; nyika, navo vanogaramwo.

Isa. 14:31

Boorera, O iwewe musiwo; chema, iwewe dhorobha; nyunguruka mukutya, iwewe nyika yeshe yeFiristia. Ngokuti chiushi chinobva dera; akuna unozopauka kubva pandau yake yaakaemeserwa.

Isa. 15:8

Ngokuti kuchema kwatendenedza migano yeMoabhi; kuboorera kwacho kwakaguma Egiraimu, nokuboorera kunoguma Bheerierimu.

Isa. 22:1

Izwi guru ngendaa yebani rechioniso. Unoronzenyi ngokukwira kwemwaita mweshe padera pemhatso,

Isa. 28:17

Neni ndinozoita kutonga kwakanaka musara, nokururama kuti kuite chipimo; matsanza anozotsvaira utiziro hwemanyepo, nemvura inozokukuza ndau yokuhwara.

Isa. 59:19

Ndizvo avo vari kumabirirazuva vanozotya zina raMambo Mwari, neavo vari kumabvazuva uthende hwake; ngokuti unozouya kudai ngerwizi rwazarisa, runosundwa ngomweya waMambo Mwari.

Jer. 1:14

Zvino Mambo Mwari wakati kwendiri, “Kushata kunozobva ngedera kuguma padera pevanhu veshe venyika.

Jer. 46:12

Madzinza akazwa ngokutsverudzwa kwako, nokuchema kwako kwakazadza nyika; ngokuti ngwazi dzapumhunwa ngengwazi, nadzo dzeshe dzawa pamwepo.

Jer. 46:13

Izwi iro raakaereketa Mambo Mwari kunaJeremia muprofeti, ngendaa yokuuya kwaNebhukhadhineza mambo weBhabhuroni, koorwisa nyika yeEgipite:

Jer. 46:20

Egipite rakadai ngetsiru rakanaka, asi mazimha anobva dera anomata padera paro.

Jer. 46:24

Mwanasikana weEgipite unozotsverudzwa; unozopirwa munyara yavanhu vedera.”

Jer. 48:39

“Raputswa ngenjiranyi! Raita maboorerenyi! Moabhi raita makunukukirenyi mushana waro mukutsverudzwa! Ndizvo Moabhi raitwa chishekedzo nechinotyisa kuvaakirwana varo.”

Jer. 6:22

Izvi ndizvo zvinoronza Mambo Mwari, “Ringira, vanhu vanouya kubva kunyika yedera, dzinza guru rinomuswa kubva kumarupande arikure enyika.

Jer. 8:16

Kupheza kwemahachi kunozwika kubva Dhani; nyika yeshe inozungunyika ngebope rokupheza kwemikono yemahachi awo anesimba. Anouya kooparadza nyika nezveshe zviri mukati mwayo, dhorobha naavo vanogaramwo.”

Dha. 11:22

Hondo dzinozokhukhuzwa yaamho nokugurwa pamberi pake, nomutongi wechitenderano naye.

Nah. 1:8

Kunyazwi mundambi inopopoma, unozopedza ndau yaro yaamho, naye unozorumbirira magaa ake muchidima.

1 VaK. 10:26

ngokuti, “Nyika ngeyaMambo Mwari, nazvo zveshe zvirimwo.”

1 VaK. 10:28

Asi kudai aripo munhu unozoti kwomuri, “Ichi chakapirwa kune miedzaniso yokudira,” musachidya, ngendaa youwo wachironza kwomuri, uye ngendaa yemhumba.

Jakobe 5:1

Uyai zvino, imwimwi makurudza, mucheme nokuboorera ngamadambudziko anozouya padera penyu.

Chakapangijihwa 17:1

Zvino imwe yengirosi nomwe dzaiya nemikheyo minomwe yakauya, ikati kwendiri, “Uya pano, ndinozokupangidzira kutongwa kwehure guru rinogara padera pemvura zhinji,

Chakapangijihwa 17:15

Nayo yakati kwendiri, “Mvura iyo yewakaona, apo pakagara hure, ndivo vanhu, zviunga, madzinza nendimi.