Jer. 45:5 - Bhaibheri Rakachena muChindau

⁵ Newe unotsvaka zviro zvikuru kudziitira here? Usazvitsvaka; ngokuti, ringira, ndinounza kushata padera pevanhu veshe, unoronza Mambo Mwari; asi ndinozokupa kupona kwako kuti kuite kudai ngechiro chakachakatwa muhondo kundau dzeshe dzounoenda.’ ”

Jer. 45:5 Iomraidhean Croise

Gen. 6:12

Mwari wakaona nyika, ringira, yaiya yashata; ngokuti vanhu veshe vaiya vashaishira njira yavo padera penyika.

1 Madzi. 3:11

Mwari wakati kwaari, “Ngokuti wakumbira ichi chiro, usikazi kudzikumbirira kupona kwakareba, nokuti auzi kudzikumbirira upfumi, nokuti kukumbira kufa kwamagaa ako, asi wadzikumbirira ngokwako kungwara kuti uzie kutonga kwakarurama,

1 Madzi. 3:9

Ndizvo ipa kunomuranda wako mwoyo unokuzwisisa kuti nditonge vanhu vako, kuti ndikone kutsanangura pakati pezvakanaka nezvakashata; ngokuti ndiani ungakona kutonga vanhu vako ava vakadai kuwanda?”

2 Madzi. 5:26

Asi wakati kwaari, “Mwoyo wangu auzi kuenda newe here, apo munhu wakatomuka kubva mungoro yake kooshongana newe? Iyi ndiyo nguva here yokuashira mare, nokuashira zvokupfeka, nokuashira minda yemiorivhi, neminda yemivhini, makwai nekabi, nehloko dzevamuna nevakadzi?

Nduyo 131:1

A Mambo Mwari, mwoyo wangu audzikudzi, madziso angu aadzitunhumadzi; andiiti chidairirwa zviro zvikuru, nokuti muzviro zvendisikahaniri.

Isa. 66:16

Ngokuti ngomuriro Mambo Mwari unozotonga, neshoti yake padera pevanhu veshe, nevakaurawa ndiMambo Mwari vanozoita vazhinji.

Jer. 21:9

Uwo unogara mudhorobha iri unozofa ngeshoti, ngenzara, nenhenda; asi iye unozobuda, nokuwira kuvaKharadhea avo vari kumukomberedza, unozopona, unozoita kuti kupona kwake kuitwe mutengo wehondo.

Jer. 25:15

Ngokuti izvi ndizvo zvinoronza Mambo Mwari, Mwari waIsuraeri, kwendiri: “Tora tsani yevhini roushungu uhwu kubva munyara mwangu, uite kuti madzinza eshe endinokutuma kwaari aimwe.

Jer. 25:16

Vanozomwa nokuthethereka nokupenga, ngendaa yeshoti yendinozotumira pakati pavo.”

Jer. 25:26

madzimambo eshe enyika dzedera, dzokuretu nedzepasinde, imweni neimweni, noumambo hweshe hwenyika huri padera pehope yenyika. Nesure kwavo mambo weSheshakhi unozomwa.

Jer. 25:31

Nebope rinozoguma kumagumo enyika; ngokuti Mambo Mwari unendaa huru nemadzinza; unotonga vanhu veshe, unozopa vakashata kushoti, unoronza Mambo Mwari.’ ”

Jer. 38:2

“Izvi ndizvo zvinoronza Mambo Mwari: Avo vanogara mudhorobha iri vanozofa ngeshoti, ngenzara, nedenda: asi avo vanobuda kuenda kuvaKharadhea vanozopona; nokupona kwavo kunozoitwa kudai ngechakapambwa kuhondo, navo vanozopona.

Jer. 39:18

Ngokuti ngegwinyiso ndinozokuponesa, newe auzofi ngeshoti; asi kupona kwako kunozoitwa kudai ngechakapambwa kuhondo, ngokuti wakagonda mwendiri,’ ” unoronza Mambo Mwari.

Zef. 3:8

Ndizvo ndigarirenyi,” unoronza Mambo Mwari, “Metsa pazuva rendinozomiruka kuita uchapupu. Ngokuti kugura kwangu kuti ndiunganidze madzinza, kuti ndiunganidze umambo, kudurura padera pahwo ushungu hwangu, kweshe kupisha kwoushungu hwangu; ngokuti mumuriro wendurumwa dzangu nyika yeshe inozopedzwa.

Varoma 12:16

Garai mukunyarara umwe kunoumweni; musatsvaka zvine mbiri, asi mwechihamba pamwepo nevakapfaa; musadziita vakangwara mumipinimidzo yenyu.

Vahebheru 13:5

Kupona kwenyu ngakuite kusikakariri mare, itai vanogutiswa ngeizvo zvomunazvo; ngokuti wakati, “Anditongokurekeri nokuti kukusiya.”