Jer. 44:8 - Bhaibheri Rakachena muChindau

⁸ Ngenyi mwechindinyangadza kumusa ushungu hwangu ngemishando yenyara dzenyu, ngokupisha mutombo unegwema kunezvimwari zvimweni munyika yeEgipite, iyo kwemwakaenda koogara? Munozogurwa nokuitwa chiro chinotukwa nokushoorwa pakati pemadzinza eshe enyika here?

Jer. 44:8 Iomraidhean Croise

2 MaKro. 7:20

zvino ndinozomubvita ngenzinde kubva kunyika yangu, yendakamupa; nemhatso iyi yendakachenesa ngendaa yezina rangu, ndinozoirasha kubva mukuona kwangu, ndinozoiita chisana nechinayi pakati pemadzinza eshe.

Isa. 19:1

Izwi guru ngendaa yeEgipite. Ringirai, Mambo Mwari unogadha padera pegore rinohambisa, naye unouya Egipite; miedzaniso yokudira yeEgipite inozohuta ngokuapo kwake, nemwoyo yevaEgipite inozonyunguruka mukati mwavo.

Isa. 3:8

Ngokuti Jerusarema rapumhunwa, Judha rawa, ngokuti kuereketa kwavo nezviito zvavo zvinorwisana naMambo Mwari, zvechiphikisana nouthende hwokuwapo kwake.

Isa. 65:15

Munozosiya zina renyu kunevakatsanangurwa vangu kuti riite chituko, naMambo Mwari, Mwari, unozomuuraya, asi varanda vake vanozodaidzwa ngezina rimweni.

Jer. 11:12

Zvino madhorobha aJudha nevagari veJerusarema vanozoenda, vanozodaidzira kuzvimwari zvevanopira midiro yomutombo wokupisha unegwema rakanaka, asi azvizovaponesi akadi ngomukuwo wokutambudzika.

Jer. 11:17

Mambo Mwari wehondo, uwo wakakusima, wakaronza zvakashata ndiwe, ngendaa yokushaisha kwemhatso yaIsuraeri neyaJudha kwevakaita, vakamusa ushungu hwangu ngokupisha mutombo kunaBhaari.”

Jer. 18:16

vechiita kuti nyika yavo ityise chiro chinoridzirwa murudzi mhera nariini. Veshe vanopinda ngepasinde payo vanotyiswa vechidzungudza masoro avo.

Jer. 24:9

Ndinozovaita chiro chinotyisa nechakashata kuumambo hwenyika dzeshe kuti vatsverudzwe, kuita chishekedzo, nokutsvinyirwa, nokutukwa kundau dzeshe kwendinozovaisa.

Jer. 26:6

zvino ndinozoita kuti mhatso iyi idai ngeShiro, neni ndinozoita kuti dhorobha iri riite chituko kumadzinza eshe enyika.’ ”

Jer. 29:18

Ndinozovateera ngeshoti, ngenzara nenhenda, nokuvaita chiro chinotyisa kuumambo hweshe hwenyika, kuti vaite vakatukwa, nechishamiso, nevanoridzirwa murudzi, nevanotsverudzwa, pakati pemadzinza eshe endakavadzingira kwaari,

Jer. 32:30

Ngokuti vanhu vaIsuraeri nevanhu vaJudha avana chevakaita, asi vakaita zvakashata zvega pamberi pangu kubvira muutsva hwavo; vanhu vaIsuraeri avana chevakaita, asi vakanditsenesa kwega ngemishando yenyara dzavo, unoronza Mambo Mwari.

Jer. 42:18

“Ngokuti izvi ndizvo zvinoronza Mambo Mwari wehondo, Mwari waIsuraeri: ‘Kudai ngokutseneka kwangu noushungu hwangu zvakadururwa padera pevagari veJerusarema, ndizvo ushungu hwangu hunozodururwa padera penyu, apo pomunozoenda Egipite. Munozoita chiro chakadai ngemahundi nechishamiso, nokuita vakatukwa nevanoshoorwa. Amuchazoonizve ndau iyi.’ ”

Jer. 44:12

Ndinozotora veshe vakasara vaJudha, avo vakadziemesera kuenda kunyika yeEgipite koogareyo, navo vanozourawa veshe, nokuwa munyika yeEgipite; vanozowa ngeshoti, ngenzara; vanozofa kubvira pamudoko metsa pamukuru, vanozofa ngeshoti nenzara; vanozoita chiro chinotukwa, chinoshamisa, chinoshoorwa, nechinotsverudza.

Jer. 44:3

ngendaa yokushata kwavo kwevakaita kunditsenesa, ngokuti vakaenda koopisha mutombo unegwema nokudira zvimwari zvimweni zvevasikazii, ivo nokuti imwimwi, nokuti madzibaba enyu.

Jer. 44:7

“Neizvi ndizvo zvinoronza Mambo Mwari, Mwari wehondo, Mwari waIsuraeri: ‘Ngenyi mwechidziitira kuremadzwa kwakakura kudaro pachenyu, kugura vamuna, vakadzi, vana nechiya, kubva pakati paJudha mwechisara pachenyu musina naumwe unosara?

Jer. 7:9

Munozoba, kuuraya, kuomba, nokupika ngemanyepo, nokupishira midiro kunaBhaari mutombo unegwema rakanaka, nokuteera zvimwari zvimweni zvomusikazi kuzia,

Ezek. 33:11

Ereketa kwevari uti, ‘Kudai ngezvendinopona, unoronza Mambo Mwari, Mwari, andina kudakara ngorufu rwowakashata, asi kuti wakashata atenderuke kubva munjira yake, apone; tenderuka, tenderuka kubva munjira yako yakashata; ngokuti unoda kufa ngenyi, O mhatso yaIsuraeri?’

Ezek. 9:6

Muuraye vanhu vakuru nevadoko, veshe vasikana nevana vadoko, nevakadzi, asi musakwedzera pasinde pomunhu nokuti ngouri waiswa chioniso. Mutangire pandau yangu yakachena.” Ndizvo vakatanga ngevasharuka vaiya pamberi pemhatso.

Hos. 4:13

Vanopira midiro padera pemitunhu, nokupisha mutombo unegwema padera pezvimitunhu, pashi pemiti yemiokhi, miphopura, nemiterebhinethi, ngokuti bvute rayo rakanaka. Ndizvo vanasikana venyu vanozohura nevazakazi venyu vanozoomba.

HABHAKUKI 1:16

Ndizvo vanopira mudiro kuchitaa chavo, nokupisha mutombo unegwema rakanaka kuchitaa chavo; ngokuti kubudikidza ndicho chikoaniswa chavo chinokudzwa, nokudya kwavo kunowanda.

Dhuto. 32:25

Kubanze mumapato shoti richavauraya, nokutyisa kuri mukati mwemhatso, nazvo zvinozopedza veshe majaha, nemhandara, nevachaamwa pamwepo nevakuru vachena imvi.”

Vahebheru 3:16

Ndiani avo vakazwa, vakamumukira? Andivopi veshe here vakabudiswa Egipite ndiMosi?