Jer. 44:5 - Bhaibheri Rakachena muChindau

⁵ Asi avazi kupurutana nokuti kukotamisa nzee dzavo, kuti vatenderuke kubva mukushata kwavo nokurekera kupisha mutombo unegwema kunezvimwari zvimweni.

Jer. 44:5 Iomraidhean Croise

2 MaKro. 36:16

Asi vakaangira kuitira jee varanda vaMwari, vakashoora izwi rake, vakatuka vaprofeti vake, metsa ushungu hwaMambo Mwari hwabaka kunavanhu vake kakurutu, apana naumwe wakapokonyoka.

Neh. 9:30

Makore mazhinji wakavaitira nyasha, ukavanyowedza ngoMweya wako kubudikidza ngevaprofeti vako; asi vakaramba kupurutana. Ndizvo wakavapira munyara dzevanhu venyika idzo.

Isa. 48:18

O kudai mwaipurutana mipango yangu! Zvino kunyarara kwenyu kwaizodai ngerwizi, nokururama kwenyu kwaizodai ngemafungo oruandhle.

Isa. 48:4

Ngokuti ndinozia kuti uri wakakonza, nomutsipa wako unemurunda wakagwinya kudai ngesimbi, nehuma yako yakadai ngethusi,

Jer. 11:10

Vahwirira mukushata kwemadzibaba avo ekaretu, avo vakaramba kupurutana mazwi angu; vakateera zvimwari zvimweni kuzvidira; vemhatso yaIsuraeri nevemhatso yaJudha vagura chitenderano changu chendakasunga nemadzibaba avo.

Jer. 11:13

Ngokuti kudai ngouwandu hwemadhorobha enyu zvakawandawo kudaro zvimwari zvenyu, O Judha; kudai ngouwandu hwemapato eJerusarema akawandawo kudaro emwakaemesa anotsverudza maarita okupishira mutombo kunaBhaari.’

Jer. 11:17

Mambo Mwari wehondo, uwo wakakusima, wakaronza zvakashata ndiwe, ngendaa yokushaisha kwemhatso yaIsuraeri neyaJudha kwevakaita, vakamusa ushungu hwangu ngokupisha mutombo kunaBhaari.”

Jer. 11:8

Asi avazi kupurutana nokuti kuteya nzee dzavo, asi vakahamba umwe ngaumwe mumupinimidzo womwoyo wake wakashata. Ndizvo ndakaunza padera pavo mazwi eshe echitenderano endakavapa kuti vaite, asi avazi kuaita.”

Jer. 13:10

Ava vanhu vakashata vanoramba kuzwa mazwi angu, vanohamba ngemisikazwa mumipinimidzo yomwoyo yavo, vechiteera zvimwari zvimweni kuzvishandira nokuzvidira, ndivo vanozodai ngebhande iri risikachadetseri chiro.

Jer. 19:13

Mhatso dzeJerusarema nemhatso dzemadzimambo aJudha dzinozosvipiswa, kudai ngendau yeThofethi, mhatso dzeshe dzevakapishira padera padzo mutombo kuhondo dzeshe dzomudenga, vakadurura midiro yavo yokumwa kunezvimwari zvimweni.’ ”

Jer. 43:4

Ndizvo Johanani mukororo waKarea nadzo dzeshe nduna dzehondo nevanhu veshe avazi kupurutana izwi raMambo Mwari, rokuti vagare munyika yaJudha.

Jer. 7:24

Asi avazi kupurutana nokuti kukotamisa nzee dzavo, asi vakahamba mukuona kwemipinimidzo yemwoyo yavo yakashata, vakahwirira sure, avazi kuenda mberi.

Dha. 9:6

Atizi kupurutana kuvaranda vako vaprofeti, avo vakaereketa ngezina rako kumadzimambo edu, vatongi vedu, nemadzibaba edu, nokwevari vanhu veshe venyika.

Hos. 11:2

Kuvadaidza kazhinji kwendakaita, vakapinda kuenda kuretu kubva kwendiri; vakaangira kupira mibairo kumaBhaari, vakapisha mitombo inegwema rakanaka kumiedzaniso yakatsetswa.