Jer. 44:4 - Bhaibheri Rakachena muChindau

⁴ Asi ndakaangira kumutumira varanda vangu veshe vaprofeti ndechiti, ‘Ndinomupota kuti musaita ichi chiro chinonyangadza chendinonyenya.’

Jer. 44:4 Iomraidhean Croise

2 MaKro. 36:15

Mambo Mwari, Mwari wemadzibaba avo, wakaangira kutumira izwi kwevari ngavaranda vake nguva dzeshe, ngokuti waiya nenyasha kuvanhu vake nendau yake yokugara.

Neh. 9:30

Makore mazhinji wakavaitira nyasha, ukavanyowedza ngoMweya wako kubudikidza ngevaprofeti vako; asi vakaramba kupurutana. Ndizvo wakavapira munyara dzevanhu venyika idzo.

Neh. 9:34

Madzimambo edu, vakuru vedu, vapristi vedu, madzibaba edu, avazi kungwarira nokuti kupurutana mipango yako, nenyowedzo dzako, dzewakaita kwevari.

Jer. 16:18

Kutanga ndinozohwirinzira kairi kushata kwavo nokushaisha kwavo; ngokuti vasvipisa nyika yangu ngemiiri yakafa yezviro zvinonyenyisa nezvinonyangadza zvemiedzaniso yavo, nokuzadza nhaka yangu ngezvinonyangadza zvavo.”

Jer. 26:5

nokupurutana kumazwi evaranda vangu vaprofeti, vendinotuma kwomuri ngokukasira, kunyazwi imwimwi amuzi kupurutana,

Jer. 29:19

ngokuti avazi kupurutana mazwi angu,’ unoronza Mambo Mwari, ‘Apo pendakaangira kutumira kwemuri varanda vangu vaprofeti, asi amuzi kupurutana,’ unoronza Mambo Mwari.

Jer. 32:33

Vakandifuratira, avazi kundiringira; kunyazwi ndakaangira kuvadzidzisa, asi avazi kupurutana nokuashira kudzidziswa.

Jer. 32:34

Vakaisa zvinyangadzo zvavo mumhatso inodaidzwa ngezina rangu kuisvipisa.

Jer. 32:35

Vakaaka ndau dzakakwirira dzaBhaari mubani romukororo waHinomu, pekupira vakororo nevanasikana vavo kuita mudiro kunaMorekhi, kunyazwi andizi kuvapanga, nokuti kutongopinimidza kuti vaite kunyangadza uku, kuita kuti Judha ashaishe.

Jer. 35:15

Ndatumira kwomuri veshe varanda vangu vaprofeti, ndechiangira kuvatumira ndechiti, tenderukai zvino munhu weshe kubva kunjira yake yakashata, munasirise zviito zvenyu, murekere kuteera zvimwari zvimweni kuzvidira, nemwi zvino munozogara muiyi nyika yendakamupa, imwimwi nemadzibaba enyu.’ ” Asi amuzi kutenda kuzwa nokuti kundipurutana.

Jer. 35:17

“Ndizvo izvi zvinoronza Mambo Mwari, Mwari wehondo, Mwari waIsuraeri: Ringirai, ndinozounza padera paJudha, nepadera paavo veshe vagari veJerusarema kushata kweshe kwendakaronza kwevari; ngokuti ndakaereketa kwevari, navo avazi kupurutana, ndakadaidza kwevari, navo avazi kupingura.”

Jer. 7:13

Zvino,” Mambo Mwari unoronza, “Ngokuti mwakaita izvi zviro zveshe, naapo pendakaereketa kwomuri ngokusikarekera, amuzi kundipurutana, naapo pendakamudaidza amuzi kupingura,

Jer. 7:17

Auoni here izvo zvevanoita mumadhorobha aJudha nomumapato eJerusarema?

Jer. 7:18

Vana vanotheza huni, madzibaba anobasa muriro nevakadzi vanokanya hlama kuita zvingwa kunavahosi vomudenga; navo vanodurura midiro yokumwa kunezvimwari zvimweni, kumusa ushungu hwangu.

Jer. 7:25

Kubvira zuva revakabuda madzibaba enyu kubva munyika yeEgipite metsa nyamashi, ndakatumira ngokuangira varanda vangu veshe, vaprofeti, kwevari mazuva eshe;

Ezek. 16:36

Izvi ndizvo zvinoronza Mambo Mwari, Mwari: Ngokuti kuemura kwako kwakadururwa, noutitinini hwako hwakaoneka mukuhura kwako nevadikani vako; ngendaa yezveshe zvemiedzaniso zvako zvinonyangadza, nendaa yengazi yevana vako, yowakapa kwevari,

Ezek. 16:47

Iwewe auzi kuhamba ngenjira dzavo kwega, nokuita kudai ngezvinyangadzo zvavo; mukamukuwo kadoko, iwewe waiya wapinda kushata kupinda ivo ngenjira dzako dzeshe.

Ezek. 18:31

Rasha kubva kwouri kweshe kushaisha kwako, kwewakandishaishira; udziitire mwoyo mutsva nomweya mutsva. Ngenyi wechizofa, O mhatso yaIsuraeri?

Ezek. 8:10

Ndizvo ndakapoteremwo, ndikaringira; ndakaonapo zvakanyorwa parukumbati kurutendenedza miemo yeshe yezviro zvinotamanda neyemhuka dzinonyangadza, nemiedzaniso yeshe yokudira yemhatso yaIsuraeri.

Dha. 9:6

Atizi kupurutana kuvaranda vako vaprofeti, avo vakaereketa ngezina rako kumadzimambo edu, vatongi vedu, nemadzibaba edu, nokwevari vanhu veshe venyika.

Zek. 7:7

“Awo andiwopi mazwi aakadaidzira Mambo Mwari ngevaprofeti vokutanga, apo Jerusarema richine vanhu nouthende, pamwepo nemadhorobha aro akaritendenedza, naapo vanhu vachakagara mubani nemarutii emitunhu here?”

1 Pet. 4:3

Ngokuti mwakapedza mukuwo wakakwana mukuita izvo zvaidiwa kuitwa ngevemadzinza, kuhamba mukushata, kuemura, kudhakwa ngevhini, kutamba zvakashata, madhiri okumwa nokudira miedzaniso kunonyangadza.