Jer. 44:3 - Bhaibheri Rakachena muChindau

³ ngendaa yokushata kwavo kwevakaita kunditsenesa, ngokuti vakaenda koopisha mutombo unegwema nokudira zvimwari zvimweni zvevasikazii, ivo nokuti imwimwi, nokuti madzibaba enyu.

Jer. 44:3 Iomraidhean Croise

Neh. 9:33

Wakaita wakarurama munazvo zveshe zvakatigumira, ngokuti iwewe wakaita ngokugondeka nesu takaita ngokushata.

Isa. 3:8

Ngokuti Jerusarema rapumhunwa, Judha rawa, ngokuti kuereketa kwavo nezviito zvavo zvinorwisana naMambo Mwari, zvechiphikisana nouthende hwokuwapo kwake.

Jer. 11:17

Mambo Mwari wehondo, uwo wakakusima, wakaronza zvakashata ndiwe, ngendaa yokushaisha kwemhatso yaIsuraeri neyaJudha kwevakaita, vakamusa ushungu hwangu ngokupisha mutombo kunaBhaari.”

Jer. 16:10

Naapo wooronzera vanhu ava mazwi aya eshe, navo vanoti kwouri, ‘Ngenyi Mambo Mwari aronza uku kushata kukuru kweshe tisu? Chiinyi kushata kwedu? Chiinyi chishaishi chedu chetashaisha kunaMambo Mwari, Mwari wedu?’

Jer. 22:9

Navo vanozopingura vechiti, ‘Ngokuti vakasiya chitenderano chaMambo Mwari, Mwari wavo, navo vakadira nokushandira zvimwari zvimweni.’ ”

Jer. 29:19

ngokuti avazi kupurutana mazwi angu,’ unoronza Mambo Mwari, ‘Apo pendakaangira kutumira kwemuri varanda vangu vaprofeti, asi amuzi kupurutana,’ unoronza Mambo Mwari.

Jer. 32:30

Ngokuti vanhu vaIsuraeri nevanhu vaJudha avana chevakaita, asi vakaita zvakashata zvega pamberi pangu kubvira muutsva hwavo; vanhu vaIsuraeri avana chevakaita, asi vakanditsenesa kwega ngemishando yenyara dzavo, unoronza Mambo Mwari.

Jer. 44:23

Indaa yokuti mwakapisha mutombo unegwema, nendaa yokuti mwakashaisha kunaMambo Mwari, amuzi kupurutana izwi raMambo Mwari nokuti kuhamba mumipango yake nomuzviemeso zvake nokuti mumitemo yake; ndizvo kushata uku kwawira padera penyu kudai ngezvezvakaita nyamashi.”

Jer. 44:8

Ngenyi mwechindinyangadza kumusa ushungu hwangu ngemishando yenyara dzenyu, ngokupisha mutombo unegwema kunezvimwari zvimweni munyika yeEgipite, iyo kwemwakaenda koogara? Munozogurwa nokuitwa chiro chinotukwa nokushoorwa pakati pemadzinza eshe enyika here?

Jer. 5:19

“Naapo vanhu vako vanozoti, ‘Ngenyi Mambo Mwari, Mwari wedu, echiita zviro zveshe izvi kwetiri?’ Ngouwo mukuwo unozoti kwevari, ‘Kudai ngezvemwakandisiya nokudira zvimwari zvipara munyika yenyu, ngokudaro munozoshandira vapara munyika isiri yenyu akadi.’ ”

Jer. 5:29

“Andizovaorori ngeizvi here?” Unoronza Mambo Mwari. “Mweya wangu auzoshunguriri here dzinza rakadai?

Jer. 7:19

Ndini here wevanomusira ushungu? Avadziitiri here kukangaidzwa kwavo?” Unoronza Mambo Mwari.

Chi. 1:8

Jerusarema rakashaisha kakurutu, ndizvo raita chishekedzo; avo veshe vairiremeredza vorishoora, ngokuti vaona utitinini hwaro; iro pacharo rinogwimba nokufuratira.

Chi. 4:13

Indaa yezvishaishi zvavaprofeti varo, nokushata kwevapristi varo, vakaparadza ngazi yevakarurama mukati mwaro.

Ezek. 9:9

Wakati kwendiri, “Kushata kwemhatso yaIsuraeri neyokwaJudha kwakakura yaamho; nyika yakazara ngokuparadzwa kwengazi nedhorobha rakazara ngokusikarurama, ngokuti vanoti, ‘Mambo Mwari wasiya nyika, naMambo Mwari aaoni akadi.’

Dha. 9:5

takashaisha, takapauka, tikaita zvakashata, takamukira, ngokusiya mipango yako nokubva kuzvitongero zvako.

Dhuto. 13:6

Kudai mukoma wako, mukororo wamai ako, nokuti mukororo wako, nokuti mwanasikana wako, nokuti mukadzi wepaditi rako, nokuti shamwari yako echimuonga ngokufishika, echiti, “Ngatiende, tidire zvimwari zvimweni,” zvomusikazi kuzia, imwimwi nokuti madzibaba enyu,

Dhuto. 29:25

Naapo vanhu vanozoti, “Ngokuti vakasiya chitenderano naMambo Mwari, Mwari wemadzibaba avo, chaakaita navo apo akavabudisa kubva munyika yeEgipite.

Dhuto. 29:26

Vakapetuka kooshandira zvimwari zvimweni nokuzvidira, zvimwari zvevasaizia nezvaasikazi kupa kwavari.

Dhuto. 32:17

Vakapira mibairo kunemadhimoni, haiwa kunaMwari, kuzvimwari zvevasaizia, kuzvimwari zvitsva zvichaamba kubuda, zvisaityiwa ngemadzibaba enyu.

Vahebheru 3:16

Ndiani avo vakazwa, vakamumukira? Andivopi veshe here vakabudiswa Egipite ndiMosi?