Jer. 43:10 - Bhaibheri Rakachena muChindau

¹⁰ Unozoti kwevari, ‘Izvi ndizvo zvinoronza Mambo Mwari wehondo, Mwari waIsuraeri: Ringira, ndinozotumira vanhu kootora muranda wangu Nebhukhadhineza, mambo weBhabhuroni, ndinozoemesa dendemaro rake padera pemapuwe aya endatsira; naye unozoemesa tende rake roumambo padera pawo.

Jer. 43:10 Iomraidhean Croise

1 Madzi. 20:12

Naapo Bhenihadhadhi azwa aya mashoko, zvino waiya echimwa, iye namadzimambo mumatende, wakati kuvaranda vake, “Pakatirai zvokurwa.” Navo vakazvipakatira kurwisana namadhorobha.

1 Madzi. 20:16

Vakabuda masikati makuru, apo Bhenihadhadhi waiya echimwa aradza mumatende, iye namadzimambo makumi matatu namairi vaimudetsera.

Nduyo 18:11

Wadzifukidza ngechidima chakamutendenedza, chokufuka chake makore akakora akasvipa ngechidima chemvura.

Nduyo 27:5

Ngokuti ngezuva rokutambudzika unozondifisha pakasitika muugaro hwake; unozondifisha pakasitika mutende rake; unozondimirudza padera pebuwe.

Nduyo 31:20

Mukufishika kwehope yako unozovafisha kubva kumazano evanhu; unozovangwarira pakasitika mutende rako kubva kuhasha dzendimi.

Isa. 44:28

uwo unoti kuSairusi, ‘Muushi wangu, unozoita zveshe zvendinoda;’ uwo unoti ngeJerusarema, ‘Rinozoakiswa,’ nokutemperi kuti, ‘Madzeyo ako anozoiswa.’ ”

Isa. 45:1

Izvi ndizvo zvinoronza Mambo Mwari kunaSairusi, wakadzodzwa wake, uwo wendabata nyara yake yokumudyo, kuti anyise madzinza pamberi pake, nokusunhura zvokusimira zvoumambo, kubeura misiwo iri pamberi pake, nemisiwo yokupinda mudhorobha aizokonywi.

Jer. 1:15

Ngokuti, ringira, ndinodaidza marudzi eshe oumambo hwedera,” unoronza Mambo Mwari; “Navo vanozouya, vanozoemesa umwe ngaumwe dendemaro rake pamisiwo yeJerusarema, nepamarukumbati eshe aro anoritendenedza, nokumadhorobha eshe aJudha.

Jer. 43:9

“Tora mapuwe makuru ngenyara dzako, uatsire mumatope pandau yezvidhina, iri pokupotera mungome yaFaro muThafanehesi mukuona kwevanhu vaJudha.

Jer. 46:13

Izwi iro raakaereketa Mambo Mwari kunaJeremia muprofeti, ngendaa yokuuya kwaNebhukhadhineza mambo weBhabhuroni, koorwisa nyika yeEgipite:

Jer. 49:38

neni ndinozoemesa dendemaro rangu muEramu, nokuparadza mambo wavo nevatongi,” unoronza Mambo Mwari.

Ezek. 5:12

Rupande rumwe rwechitatu rwenyu runozofa ngenhenda nokuti kupedzwa ngenzara pakati penyu; norupande rumweni rwechitatu runozourawa ngokupinza kweshoti kumutendenedza, norumweni rupande rwechitatu ndinozoruparadzira kumadutu eshe, nokurumbirira ngeshoti yakashwamurwa sure kwavo.

Dha. 2:21

Unotsandudza mikuwo nenguva, unobvisa madzimambo, nokuemesa madzimambo; unopa ungwaru kunevakangwara nokuzia kwevari vanokuzwisisa.

Mateu 22:7

Naapo mambo azwa izvi wakatseneka, naye wakatuma hondo dzake, akavauraya avo vaurayi, akapisha dhorobha ravo.