Jer. 42:6 - Bhaibheri Rakachena muChindau

⁶ Kunyazwi zvakanaka nokuti zvakashata, tinozopurutana izwi raMambo Mwari, Mwari wedu, uwo wetinokutuma kwaari, kuti zvitinakire, apo petinozopurutana izwi raMambo Mwari, Mwari wedu.”

Jer. 42:6 Iomraidhean Croise

Nduyo 128:2

Unozodya michero yomushando wenyara dzako; unozodakara, zvinozonaka kwouri.

Nduyo 78:36

Asi vakamutunhumadza ngemiromo yavo; vakamunyepera ngorurumi rwavo.

EKISEDHUSI 24:7

Zvino wakatora tsamba yechitenderano, akaidzidza mukuzwa kwevanhu; navo vakati, “Zveshe zvaakaereketa Mambo Mwari tinozozviita, techipurutana.”

Isa. 3:10

Ronzai kunevakarurama, kuti zvinozovanakira, ngokuti vanozodya michero yezviito zvavo.

Jer. 22:15

Zvino kuita mambo here ngokuita misidhari yakawanda? Baba ako avazi kudya nokumwa here, nokutonga kwakanaka, nokuita zvakarurama? Zvino zvakanaka kwaari.

Jer. 43:4

Ndizvo Johanani mukororo waKarea nadzo dzeshe nduna dzehondo nevanhu veshe avazi kupurutana izwi raMambo Mwari, rokuti vagare munyika yaJudha.

Jer. 7:23

Asi mupango uyu ndakavapanga ndechiti, ‘Purutanai izwi rangu, neni ndinozoita Mwari wenyu, nemwi munozoita vanhu vangu; muhambe kwega munjira yendinomupanga ndiyo, kuti zvimunakire.’

Varoma 7:13

Ndizvo izvo zviri zvakanaka zvakaita rufu kwendiri here? Haiwa! Asi ndikwo kushaisha, kunounza rufu kwendiri kubudikidza ngeicho chakanaka, kuitira kuti kushaisha kuoneke kuti kushaisha, ngokubudikidza ngezvironzo kuite kwakanyanyisisa kushata.

Varoma 7:7

Ndizvo tinozotinyi? Mupango kushaisha here? Haiwa! Asi kudai waiya usiri mupango ndaizodai ndisikazi kuzia kushaisha. Ngokuti ndaizodai ndisikazi kuzia kuemura kudai mupango usikazi kuti, “Usazoemura.”

Varoma 8:7

Ngokuti mupinimidzo wezvenyama kuambana naMwari; ngokuti aupfairi Mupango waMwari, ngegwinyiso aungakoni;

Dhuto. 5:27

Kwedzera iwewe pasinde, uzwe zveshe zvaanozoereketa Mambo Mwari, Mwari wedu. Unozotironzera zveshe zvaanoereketa Mambo Mwari, Mwari wedu, kwouri; nesu tinozozvizwa nokuzviita.”

Dhuto. 5:29

A kudai kungaapo mukati mwavo mwoyo wokunditya, nokungwarira mukuwo weshe mipango yangu yeshe, kuti zvinake kwavari, nokuvana vavo kunoti mhera nariini!

Dhuto. 5:33

Munozohamba ngenjira dzeshe dzaakamupanga Mambo Mwari, Mwari wenyu, kuti mupone, kuti zvinake kwomuri, kuti muwanzwe mazuva enyu muri munyika yomunozogara nhaka yayo.

Josh. 24:24

Vanhu vakati kunaJoshua, “Tinozoshandira Mambo Mwari, Mwari wedu, tipurutane izwi rake.”