Jer. 42:5 - Bhaibheri Rakachena muChindau

⁵ Naapo mukupingura kwavo vakati kunaJeremia, “Mambo Mwari ngaaite chapupu chegwinyiso nechinogondeka pakati pedu, kuti tikarekera kuita kudai ndizvo zveshe izvo zvaanozotitumira kubudikidza ndiwe Mambo Mwari, Mwari wako.

Jer. 42:5 Iomraidhean Croise

Gen. 31:50

Kudai wechizotambudza vanasikana vangu, nokuti wechizotora vakadzi vamweni ngokubanze kwevana vangu, kunyazwi akuna munhu uri pano nesu, wona, Mwari ndiye chapupu pakati pako neni.”

EKISEDHUSI 20:19

vakati kunaMosi, “Ereketa iwewe kwetiri, nesu tinozozwa; asi usatendera Mwari kuti aerekete kwetiri, kuti tisafa.”

EKISEDHUSI 20:7

“Usazoshandisa zina raMambo Mwari, Mwari wako ngenjira isina shwiro; ngokuti Mambo Mwari aazomuerengi kuti aana ndaa uwo unoshandisa zina rake ngenjira isina shwiro.

Jer. 42:20

Ngokuti imwimwi pachenyu mwakandituma kunaMambo Mwari, Mwari wenyu, mwechiti, Tikumbirire kunaMambo Mwari, Mwari wedu. Kunyazwi chiinyi chaanoronza Mambo Mwari wedu tironzere, nesu tinozochiita.

Jer. 43:2

Azaria mukororo waHoshaia naJohanani mukororo waKarea, nevanhu veshe vamweni vokudzikudza, vakati kunaJeremia, “Unotironzera manyepo. Mambo Mwari wedu aazi kukutuma kutironzera kuti, ‘Musaenda koogarayo Egipite,’

Jer. 43:4

Ndizvo Johanani mukororo waKarea nadzo dzeshe nduna dzehondo nevanhu veshe avazi kupurutana izwi raMambo Mwari, rokuti vagare munyika yaJudha.

Jer. 5:2

Kunyazwi vanoti, ‘Kudai ngezvaanopona Mambo Mwari,’ asi vanopika ngokunyepa.”

Mik. 1:2

Izwai, imwimwi vanhu mweshe; purutanai, O nyika, nazvo zveshe zvirimwo; Mambo Mwari, Mwari ngaapupure ndimwi.

Mar. 2:14

Munobvunza mwechiti, “Ngenyi asikaiti?” Ngokuti Mambo Mwari uri chapupu pakati pako nomukadzi woutsva hwako, uwo wousikazi kugondeka kwaari, kunyazwi mungani wako, nomukadzi wechitenderano chako.

Mar. 3:5

“Zvino ndinozokwedzera kwomuri kutonga; ndinozoita chapupu chinokasira kupupura kuitira ndaa vanoringidza, vanoomba, vanopika ngokunyepa, vanotambudza nokunyima musharo wevashandi, weshirikadzi, wenherera, naavo vanopaukisa vapara, vasikandityi,” unoronza Mambo Mwari wehondo.

Varoma 1:9

Ngokuti Mwari uwo wendinoshandira mumweya wangu muvhangeri roMukororo wake, ndiye chapupu changu, kuti ndinomukarakadza ngenguva dzeshe mumikumbiro yangu,

Chakapangijihwa 1:5

nokunobva kunaJesu Kristu uri chapupu chakagondeka, dangwe rokumuka kwevakafa, nomutongi wemadzimambo enyika. Kwaari uwo wakatida, akatisunhura kubva kuzvishaishi zvedu ngengazi yake,

Chakapangijihwa 3:14

“Nyorera ngirosi yechiara chiri muRaodhisia wechiti: ‘Aya ndiwo mazwi ouwo uri Ameni, chapupu chakagondeka chine gwinyiso, maambo ezvisikwa zvaMwari.’

Vato. 11:10

Nevakuru veGireadhi vakati kunaJefetha, “Mambo Mwari ngaaite chapupu pakati pedu, kudai tisikazoiti kudai ngokuronza kwemazwi ako.”

1 Sam. 12:5

Naye wakati kwevari, “Mambo Mwari unoita chapupu ndimwi, nowakadzodzwa wake uri chapupu nyamashi kuti amuzi kuona chiro munyara mwangu.” Navo vakapingura, “Ndiye uri chapupu.”

1 Sam. 20:42

Zvino Jonathani wakati kunaDhavhidha, “Enda hako mukunyarara, ngokuti kudai ngezvetakapikirana teshe ngezina raMambo Mwari techiti, ‘Mambo Mwari ngaapo pakati pangu neiwewe, nepakati pemibarirwana yangu neyako mhera nariini.’ ” Wakamiruka, akaenda; naJonathani wakaenda mudhorobha.