Jer. 42:4 - Bhaibheri Rakachena muChindau

⁴ Jeremia muprofeti wakati kwevari, “Ndamuzwa; ringirai, ndinozokumbira kunaMambo Mwari, Mwari wenyu, kudai ngamazwi enyu; kunyazwi chiinyi chaanozomupingura Mambo Mwari, ndinozochironza kwomuri; andizomufishiri chiro.”

Jer. 42:4 Iomraidhean Croise

Nduyo 40:10

Andizi kufisha kururama kwako kunoponesa mumwoyo mwangu, ndakateketesa ugondeki hwako noruponeso rwako; andizi kufisha nyasha dzako dzinorudo nokugondeka kwako mumushongano mukuru.

EKISEDHUSI 8:29

Mosi wakati, “Ringirai, ndinobuda kubva kwouri, ndinozokumbira kunaMambo Mwari kuti mitanda yenhunzi mangwani ibve kunaFaro, nokubva kune nduna dzake nokubva kune vanhu vake; asi kwega Faro asachatichengedzerazve ngokusikatendera vanhu kuti vaende koopira midiro kunaMambo Mwari.”

Jer. 23:28

Muprofeti unehope dzaakarota, ngaadzironze, asi nouwo unemazwi angu, ngaaerekete mazwi angu ngokugondeka. Kuri pari kuedzana kwezungu nezviyo?” Unoronza Mambo Mwari.

Jer. 23:35

Ndizvo izvi zvomunozoronza umwe kunoumwe pakati penyu, kuti, ‘Mambo Mwari wakapingura kutinyi?’ Nokuti, ‘Mambo Mwari wakaereketa kutinyi?’

Jer. 26:2

“Izvi ndizvo zvinoronza Mambo Mwari: Ema muruwanze rwemhatso yaMambo Mwari, uerekete kumadhorobha eshe aJudha, anouya koodira kumhatso yaMambo Mwari, uerekete kwevari mazwi eshe endinokupanga; usasiya narimwe izwi.

Ezek. 2:7

Unozoereketa mazwi angu kwevari, kunyazwi vanopurutana nokuti kuramba kupurutana, ngokuti imhatso inomukira.

Zvak. 20:20

Andizi kutya kuita kwomuri chiro chinomudetsera, ndechichumaira izwi kwomuri nokumudzidzisa pamhene, kubva kumhatso kuenda kumhatso,

Zvak. 20:27

ngokuti andizi kuumira kumuronzera kupanga kweshe kwaMwari.

Varoma 10:1

Hama, chidisiso chomwoyo wangu nokukumbira kwangu kunaMwari ngendaa yevaIsuraeri kuti vaponeswe.

1 Sam. 12:23

Ndizvo neniwo, Mwari asazotenda kuti ndishaishe kunaMambo Mwari ngokurekera kumukumbirira; neni ndinozomudzidzisa njira yakanaka neyakarurama.