Jer. 42:22 - Bhaibheri Rakachena muChindau

²² Nasai kuzia zvino kuti munozofa ngeshoti, ngenzara, ngedenda, kundau iyo yomunoda kuenda.”

Jer. 42:22 Iomraidhean Croise

Isa. 30:3

Ndizvo kungwarira kwaFaro kunozoita kutsveruka kwenyu, nokuhwara kwenyu mubvute reEgipite kukangaidzwa kwenyu.

Jer. 24:10

Ndinozotumira shoti, nzara nenhenda pakati pavo, metsa vapedzwe kubva kunyika yendakavapa namadzibaba avo.’ ”

Jer. 42:17

Vanhu veshe vadziemesera kuenda muEgipite koogaremwo vanozofa ngeshoti, ngenzara, ngedenda; akuna naumwe wavo unozosara nokuti kupona kubva kudambudziko rendinozounza padera pavo.’

Jer. 43:11

Unozouya, echiparadza nyika yeEgipite, echipa avo vakaemeserwa kufa ngenhenda, kuti vafe ngenhenda; naavo vakaemeserwa ubatwa, kuti vapotere muubatwa; naavo vakaemeserwa kuurawa ngeshoti, kushoti.

Jer. 44:12

Ndinozotora veshe vakasara vaJudha, avo vakadziemesera kuenda kunyika yeEgipite koogareyo, navo vanozourawa veshe, nokuwa munyika yeEgipite; vanozowa ngeshoti, ngenzara; vanozofa kubvira pamudoko metsa pamukuru, vanozofa ngeshoti nenzara; vanozoita chiro chinotukwa, chinoshamisa, chinoshoorwa, nechinotsverudza.

Ezek. 33:27

“Ronza izvi kwevari, uti, ‘Izvi ndizvo zvinoronza Mambo Mwari, Mwari: Kudai ngezvendinopona, ngegwinyiso avo vari mundau dzakaparadzwa vanozowa ngeshoti, naavo vari murubaya, ndinozovapira kuti vadyiwe ngezvikara, naavo vari mumakamba nomumapako vanozofa ngenhenda.

Ezek. 6:11

“Izvi ndizvo zvinoronza Mambo Mwari, Mwari: Chaya ngenyara yako, utsike ngetsoka yako wechiti, ‘Ihehe ngendaa yezveshe zvakashata zvinonyangadza zvemhatso yaIsuraeri!’ Ngokuti vanozowa ngeshoti, ngenzara nenhenda.

Ezek. 6:12

Uwo uri kuretu unozofa ngenhenda, nouwo uri pasinde unozourawa ngeshoti, nouwo unosara nokukombwa unozofa ngenzara. Ngokudaro ndinozopedza ushungu hwangu hunotyisa padera pavo.

Hos. 9:6

Ngokuti, kunyazwi kudai vatiza ngendaa yokuparadzwa, Egipite rinozovaunganidza, Mempfisi rinozovaika. Rukato ruchavatorera zviro zvavo zvinomutengo mukurutu zvesirivha; minzwa inozoapo mumatende avo.