Jer. 42:18 - Bhaibheri Rakachena muChindau

¹⁸ “Ngokuti izvi ndizvo zvinoronza Mambo Mwari wehondo, Mwari waIsuraeri: ‘Kudai ngokutseneka kwangu noushungu hwangu zvakadururwa padera pevagari veJerusarema, ndizvo ushungu hwangu hunozodururwa padera penyu, apo pomunozoenda Egipite. Munozoita chiro chakadai ngemahundi nechishamiso, nokuita vakatukwa nevanoshoorwa. Amuchazoonizve ndau iyi.’ ”

Jer. 42:18 Iomraidhean Croise

2 MaKro. 34:25

Ngokuti vakandisiya vakapishira mitombo inegwema rakanaka kunezvimwari zvimweni, ndizvo vandimusira ushungu ngemishando yeshe yenyara dzavo; ndizvo ushungu hwangu hunozodururwa padera pendau iyi, nahwo ahuzodzimwi.’

Isa. 30:3

Ndizvo kungwarira kwaFaro kunozoita kutsveruka kwenyu, nokuhwara kwenyu mubvute reEgipite kukangaidzwa kwenyu.

Isa. 65:15

Munozosiya zina renyu kunevakatsanangurwa vangu kuti riite chituko, naMambo Mwari, Mwari, unozomuuraya, asi varanda vake vanozodaidzwa ngezina rimweni.

Jer. 18:16

vechiita kuti nyika yavo ityise chiro chinoridzirwa murudzi mhera nariini. Veshe vanopinda ngepasinde payo vanotyiswa vechidzungudza masoro avo.

Jer. 22:27

Asi avachazohwiriri kunyika yevaidisa kuhwirira.

Jer. 23:40

Ndinozounza padera penyu chituko chemhera nariini, nokutsverudzwa kusikaperi, izvo zvisikazoriyarikanwi.”

Jer. 24:9

Ndinozovaita chiro chinotyisa nechakashata kuumambo hwenyika dzeshe kuti vatsverudzwe, kuita chishekedzo, nokutsvinyirwa, nokutukwa kundau dzeshe kwendinozovaisa.

Jer. 25:9

ringira, ndinozotumira kumadzinza eshe edera, kunyazwi naNebhukhadhineza mambo weBhabhuroni, muranda wangu, neni ndinozovaunza kuti varwise iyi nyika, nevagari vayo, nemadzinza eshe aya akaitendenedza; ndinozovaparadza yaamho nokuvaita chishamiso chinotyisa, chinoridzirwa murudzi nokuita matongo mhera nariini,” unoronza Mambo Mwari.

Jer. 26:6

zvino ndinozoita kuti mhatso iyi idai ngeShiro, neni ndinozoita kuti dhorobha iri riite chituko kumadzinza eshe enyika.’ ”

Jer. 29:18

Ndinozovateera ngeshoti, ngenzara nenhenda, nokuvaita chiro chinotyisa kuumambo hweshe hwenyika, kuti vaite vakatukwa, nechishamiso, nevanoridzirwa murudzi, nevanotsverudzwa, pakati pemadzinza eshe endakavadzingira kwaari,

Jer. 29:22

Ngendaa yavo izwi rechituko rinozoamba kushandiswa ngevoubatwa veshe vanobva kwaJudha, vari muBhabhuroni, rokuti, ‘Mambo Mwari ngaakuite kudai ndiZedhekia naAhabhi, avo vaakapisha ngomuriro mambo weBhabhuroni,’

Jer. 33:5

VaKharadhea vanouya koorwa nokuazadza ngemiiri yakafa, yeavo vendichauraya mukutseneka kwangu nomuushungu hwangu, ngokuti ndafisha hope yangu kubva kudhorobha iri, ngendaa yokushata kwavo kweshe.

Jer. 44:12

Ndinozotora veshe vakasara vaJudha, avo vakadziemesera kuenda kunyika yeEgipite koogareyo, navo vanozourawa veshe, nokuwa munyika yeEgipite; vanozowa ngeshoti, ngenzara; vanozofa kubvira pamudoko metsa pamukuru, vanozofa ngeshoti nenzara; vanozoita chiro chinotukwa, chinoshamisa, chinoshoorwa, nechinotsverudza.

Jer. 44:22

Naapo Mambo Mwari asikachakoni kuringira kushata kwezviito zvenyu, zvinyangadzo zvemwakaita; ndizvo nyika yenyu yakaita dongo nokuparadzwa neyakatukwa, isina unogaramwo, kudai ngezveyakaita nyamashi.

Jer. 44:6

Ndizvo ushungu hwangu nokunyangadzwa kwangu zvakadururwa, zvikabaka mumadhorobha aJudha nomumapato eJerusarema; nawo akaparadzwa akaita matongo, kudai ngezvaakaita nyamashi.

Jer. 44:8

Ngenyi mwechindinyangadza kumusa ushungu hwangu ngemishando yenyara dzenyu, ngokupisha mutombo unegwema kunezvimwari zvimweni munyika yeEgipite, iyo kwemwakaenda koogara? Munozogurwa nokuitwa chiro chinotukwa nokushoorwa pakati pemadzinza eshe enyika here?

Jer. 6:11

Asi ndakazara ngoushungu hwaMambo Mwari; ndaremba ngokunyararira.” “Udurure padera pevana vari mumapato omudhorobha, nepadera pembungano yemajaha, ari pamwepo; veshe mwamuna nomukadzi vanozotorwa, musharuka pamwepo neharahwa.

Jer. 7:20

Ndizvo izvi zvinoronza Mambo Mwari, Mwari kuti, “Ringirirai, kunyangadzwa kwangu noushungu hwangu zvinozodururwa padera peiyi ndau, padera pevanhu nepadera pemhuka, padera pemiti yomushango napadera pemichero yemavhu; hunozobaka, auzodzimwi.”

Chi. 2:4

Wakwanya uta hwake kudai ngegaa, nenyara yake yokumudyo yakamirudzwa kudai ngegaa; wauraya veshe avo vadakadzi vemadziso edu mutende remwanasikana weZioni; wadurura ushungu hwake kudai ngomuriro.

Chi. 2:6

Waputsira pashi matumba ake kudai ngomunda; waparadza ndau yake yemishongano; Mambo Mwari waparadza muZioni mishongano yemadhiri nemaSabatha nomuushungu hwake hunotyisa washoora mambo nevapristi.

Chi. 4:11

Mambo Mwari wakapedza mushando woushungu hwake; wakadurura ushungu hwake hunotyisa, akabasira muriro muZioni, uwo wakapedza matsikiro aro.

Ezek. 20:34

Ndinozomubudisa kubva kumadzinza, nokumuunganidza kubva kunyika dzeshe kwemwakaparadzirwa, ngenyara inesimba, nomuoko wakatambanudzwa, noushungu hwakadururwa;

Ezek. 22:22

Kudai ngesirivha inonyunguruka mukati mwechoto, ngokudaro imwimwi munozonyunguruswa mukati mwacho; nemwi munozozia kuti inini Mambo Mwari ndadurura ushungu hwangu padera penyu.’ ”

Dha. 9:11

VaIsuraeri veshe vakagura mupango wako, ngokupauka, vakaramba kuti vasazopurutana izwi rako. Ndizvo chituko chakadururwa padera pedu, nokupika ukwo kwakanyorwa mumipango yaMosi, muranda waMwari, ngokuti takamushaishira.

Dha. 9:27

Unogwinyisa chitenderano nevazhinji vhiki rimwe, nepakati pevhiki unozoita kuti mubairo nomudiro zvirekwe; nomukuwo wouwandu hwezvinonyangadza kunozouya uwo unoparadza, metsa kugume zvakaperera, neizvo zvakaemeserwa, ushungu hunozodururwa padera pomuparadzi.”

Hos. 7:16

Vanohwirira asi haiwa kuno UwoUripadera-pazveshe; vakadai ngouta hwakashata; vatongi vavo vanozowa ngeshoti ngendaa youshungu hworurumi rwavo. Ichi chinozoita kushoorwa kwavo munyika mweEgipite.”

Nah. 1:6

Ndiani ungakona kuema pamberi poushungu hwake? Ndiani ungakona kugara mukupisha kwoushungu hwake? Ushungu hwake hunodururwa kudai ngomuriro, nokubudikidza ndiye mapuwe anopwanyika kuita zvigurwa.

Zek. 8:13

Kudai ngezvemwakaita chituko pakati pevemadzinza, O mhatso yaJudha nemhatso yaIsuraeri, ngokudaro ndinozomuponesa nemwi munozoita chifumiso. Musatya, asi nyara dzenyu ngadzigwinye.”

Zvi. 5:27

Naapo amuita kuti amwe mvura iyo, kunozoitika kuti kudai akadzisvipisa pachake, akaita usikazi kugondeka kunemwamuna wake, mvura iyo inounza chituko inozopotera mukati mwake, nokuita kuvava kunorwadza, nendani yake inozobvidza, nembumbu yake inozoputa, nomukadzi unozoita chituko pakati pevanhu vake.

Chakapangijihwa 14:10

iye unozomwa vhini roushungu hwaMwari, rinodururwa risikazi kubvengedzwa mutsani youshungu hwake, naye unozotambudzwa ngomuriro nesurufa pamberi pengirosi dzakachena nepamberi peGwai.