Jer. 42:10 - Bhaibheri Rakachena muChindau

¹⁰ ‘Kuti mwechizoangirira kwega kugara munyika iyi, zvino ndinozomuaka, andizomupwanyiri pashi; ndinozomusima, andizomubviti; ngokuti ndineurombo ngedambudziko rendakaunza padera penyu.

Jer. 42:10 Iomraidhean Croise

2 Sam. 24:16

Asi apo ngirosi yatambanudza nyara yayo padera peJerusarema kuti iriparadze, Mambo Mwari wakakunukuka kubva mukushata ukwo, wakati kungirosi yaiuraya vanhu, “Zvakwana, pfinyisa zvino nyara yako.” Ngirosi yaMambo Mwari zvino yaiya yaapandau yembuwa yaArauna muJebhusi.

Nduyo 102:16

Ngokuti Mambo Mwari unozoaka Zioni; unozooneka muuthende hwake.

Nduyo 106:45

Ngendaa yavo wakakarakadza chitenderano chake, akaonisa nyasha kudai ngouwandu hwenyasha dzake dzinorudo.

Nduyo 37:3

Gonda munaMambo Mwari, uite zvakanaka; ndizvo unozogara munyika, ungwaririke ugondeke.

Nduyo 69:35

Ngokuti Mwari unozoponesa Zioni, nokuakisa maguta aJudha; nevaranda vake vanozogaramwo, vaagare nhaka;

EKISEDHUSI 32:14

Mambo Mwari wakatenderuka ngendaa yokushata kwaaipinimidza kuzoita kune vanhu vake.

Jer. 24:6

Ndinozoisa madziso angu padera pavo kuti vagarisike, ndinozovapetudza kunyika iyi. Ndinozovaaka, andichazovaputsi; ndinozovasima, haiwa kuvabvita.

Jer. 26:19

Hezekia mambo waJudha nevanhu veshe vaJudha vakamuuraya here? Aazi kutya Mambo Mwari here nokupota nyasha dzaMambo Mwari, naMambo Mwari aazi kurekera here kushata kwaaiya aronga kuunza padera pavo? Asi taa kudziunzira kushata kwakura padera pedu.”

Jer. 27:11

Asi kunyazwi ngeriri dzinza rinoisa mutsipa waro pashi pejoka ramambo weBhabhuroni nokumushandira, ndiro ndinozotendera kuti risare munyika yaro, unoronza Mambo Mwari; naro rinozoirima nokugara mweiri.”

Jer. 31:28

Kudai ngezvendakaringira padera pavo, kubvita, nokuvaputsira pashi, kubvisa, kuparadza, nokuunza kushata, ndizvo ndinozovaringira kuaka nokusima,” unoronza Mambo Mwari.

Jer. 33:7

Ndinozopetudza vakabatwa vaJudha, nevaIsuraeri, nokuvaaka kudai ngezvevaiya vakaita pakutanga.

Jer. 43:4

Ndizvo Johanani mukororo waKarea nadzo dzeshe nduna dzehondo nevanhu veshe avazi kupurutana izwi raMambo Mwari, rokuti vagare munyika yaJudha.

Ezek. 36:36

Zvino madzinza akasara anomutendenedza anozozia kuti inini Mambo Mwari ndakaakisa ndau dzakaondomoka, nokusima ndau dzaiya matongo; inini Mambo Mwari ndaereketa, neni ndinozochiita.”

Hos. 11:8

“Ndingakuita marekererenyi, Efuremu? Ndingakupira ngenjiranyi, O Isuraeri? Ndingakuita maitirenyi kuti udai ndiAdhima? Ndingakuita mabatirenyi kudai ndiZebhoimu? Mwoyo wangu unotenderudzwa mukati mwangu; nyasha dzangu dzinokura mukati mwangu.

Joeri 2:13

Baurai mwoyo wenyu, haiwa zvokusimira zvenyu. Petukai kunaMambo Mwari, Mwari wenyu, ngokuti unenyasha, akazara ngokukungurira, unononoka kunyangadzwa, wakazara ngenyasha dzinorudo, naye unodzibata mwoyo kubva mukuorora.

Amo. 7:3

Mambo Mwari wakakungurira ngendaa iyi; “Achizoitiki,” wakaronza Mambo Mwari.

Amo. 7:6

Mambo Mwari wakakungurira ngendaa iyi; “Ichiwo achizoitiki,” wakaronza Mambo Mwari, Mwari.

Jona 3:10

Naapo Mwari aona mishando yavo, kuti vakatenderuka kubva kunjira dzavo dzakashata, Mwari wakafuratira kushata kwaakaronza kuti waizoita kwevari; naye aazi kukuita.

Jona 3:4

Jona wakatanga kupotera mudhorobha muhambo wezuva rimwe. Naye wakadaidzira akati, “Achipo mazuva makumi marongomuna, Ninevhe rinozoparadzwa!”

Jona 4:2

Wakakumbira kunaMambo Mwari, akati, “Ndapota, O Mambo Mwari! Izvi andizvopi here zvendakaereketa, apo pendaiya munyika mwangu? Ndizvo zvakaita kuti nditizire Tharshishi kutanga; ngokuti ndakazia kuti uri Mwari unenyasha, wakazara ngokukungurira, unononoka kunyangadzwa, unowanza nyasha dzinorudo, unokunukuka kubva mukuorora.

Zvak. 15:16

“ ‘Ngesure kweizvi ndinozopetuka, ndinozoakisazve ugaro hwaDhavhidha hwakaputsika, neni ndinozoakisazve matongo ahwo, ndinozohuemesa,

Dhuto. 32:36

Ngegwinyiso Mambo Mwari unozopokonyora vanhu vake, nokuva nenyasha kuvaranda vake, apo echiona kuti simba ravo rapera, akuna unosara wakasungwa nokuti wakasunhurwa.”

Vato. 2:18

Peshe Mambo Mwari paakaemesa vatongi, Mambo Mwari waiyapo nomutongi uwo, wakavaponesa kubva munyara dzemagaa avo mazuva eshe ouwo mutongi; ngokuti zvakamukunukusa Mambo Mwari ngendaa yokugomera kwavo ngendaa yeavo vakavatambudza nokuvanesa.