Jer. 41:7 - Bhaibheri Rakachena muChindau

⁷ Naapo vaguma pakati pedhorobha, Ishumaeri mukororo waNethania naavo vaiya naye vakavauraya, vakavakandira murindi.

Jer. 41:7 Iomraidhean Croise

2 Madzi. 15:25

Pheka mukororo waRemaria nduna yake huru, wakamuitira zano, nevanhu makumi mashanu veGireadhi wakamubaya ari muSamaria, mundau yomukati mungome yamambo, pamwepo naArigobhi naArie. Wakamuuraya, akatonga pandau yake.

Nduyo 55:23

Asi iwewe, Mwari, unozovarigira pashi muhunza; vanhu vanenyota yengazi nevanochengedzera avazorarami rupande rwemazuva okupona kwavo. Asi inini ndinozogonda mwouri. KuneMutungamiriri woKuemba. Nduyo yaDhavhidha, apo vaFiristia vamubata muGathi.

Mazwi 1:16

ngokuti tsoka dzavo dzinorumbirira kunezvakashata, navo vanokasira kuparadza ngazi.

Isa. 14:19

Asi warashwa kubanze kubva muiba rako, kudai ngenhai inonyangadza, yakafukidzwa ngevakaurawa, avo vakabaiwa ngeshoti, avo vanodzaka pashi pamapuwe omurindi, kudai ngomuiri wakafa watsikwatsikwa pashi petsoka.

Isa. 59:7

Tsoka dzavo dzinorumbirira zvakashata, navo vanokasira kuparadza ngazi isina ndaa; mipinimidzo yavo mipinimidzo yokushaisha; kushakera nokuparadza zviri munjira dzavo.

Ezek. 22:27

Vatongi varo vari mukati mwaro vakadai ngemakava anobvajura zvokudya, kuparadza ngazi nokuuraya vanhu kuti vaone kuuyirwa kusikagondeki.

Varoma 3:15

“Tsoka dzavo dzinohambisa kuenda kooparadza ngazi;