Jer. 40:10 - Bhaibheri Rakachena muChindau

¹⁰ Asi inini, ringira, ndinozogara Mizipha kuemerera imwimwi pamberi pevaKharadhea avo vanouya kwetiri; asi imwimwi unganidzai mavhini nemichero yezienza nemafuta, mwechizvingwarira muzvidziyo zvenyu, mwechigara mumadhorobha enyu emwakatora.”

Jer. 40:10 Iomraidhean Croise

2 Sam. 16:1

Naapo Dhavhidha apinda padoodoko mutunhu, ringira, Zibha muranda waMefibhoshethi wakashongana naye, anezvimbongoro zviiri zvinezvigaro padera pazvo akatwara mazana mairi (200) ezvingwa, nezana rezvikore zvemavhini, nezana remichero yezienza, nembudu imwe yevhini.

1 Madzi. 10:8

Vanomuchena vakadzi vako! Vanomuchena varanda vako, vanoema pamberi pako nguva dzeshe, vechizwa ungwaru hwako!

Mazwi 22:29

Unoona here uwo uri ngwazi mumushando wake? Unozoshandira madzimambo; aazoshandiri vanhu vasina shwiro.

Mazwi 27:25

Naapo mwenje wapera, nomwenje muishi unokura, nemiriwo yemitunhu inounganidzwa,

Isa. 16:9

Ndizvo ndinochema kudai ngokuchema kweJaza ngendaa yemivhini yeSibhima; ndinokunyakatisa ngemasodzi angu, iwewe Heshibhoni naEreare; ngokuti kudakara kwemichero yenyu yezienza nokuvhuna kwenyu kwapera.

Jer. 35:19

Izvi ndizvo zvinoronza Mambo Mwari wehondo, Mwari waIsuraeri: ‘Jonadhabhi mukororo waRekhabhi aazotami mubarirwana wokuema pamberi pangu mhera nariini.’ ”

Jer. 39:10

Nebhuzaradhani nduna yevarindi wakasiya munyika yaJudha vamweni vevanhu varombo vasina chiro, naye wakavapa minda yemivhini neminda imweni ngomukuwo umwewo.

Jer. 40:12

zvino vaJudha veshe vakahwirira kubva kundau dzeshe dzevakadzingirwa, vakauya kunyika yaJudha, kunaGedaria, paMizipha, navo vakaunganidza mavhini nemichero yezienza zvakawanda.

Jer. 40:6

Zvino Jeremia wakaenda kunaGedharia mukororo waAhikamu paMizipha, akagara naye pakati paavo vanhu vakasiiwa munyikamwo.

Jer. 43:5

Asi Johanani mukororo waKarea nadzo dzeshe nduna dzehondo vakatora veshe vakasara vaJudha, avo vakapetudzwa kubva kumadzinza eshe kwevaiya vadzingirwa, kuti vagare munyika yaJudha,

Jer. 48:32

Ndinokuchema iwewe kupinda Jaza, O muvhini weSibhima. Matai ako akaambuka ruandhle, metsa kuguma kuruandhle rweJaza. Muparadzi wawira padera pemichero yako yezienza, nepadera pemavhini ako.

Mik. 7:1

Ihehe kwendiri! Ngokuti ndakadai ndivo vanotsvaka michero yepazienza apo yapera kuunganidzwa, naapo zvimavhini zvinosara zvapera kukaiwa, akuna chikore chokudya; apana maonde aibva okutanga endinodisisa.

Ruka 21:36

Asi rindai nguva dzeshe, kumbirai kuti muwe nesimba rokupokonyoka kubva kuneizvi zveshe zvinozoitika, nokuema pamberi poMukororo woMunhu.”

Dhuto. 1:38

Joshua mukororo waNuni, mudetseri wako, unozopoteremwo; mushingisenyi, ngokuti ndiye unozoita kuti vaIsuraeri vagare nhaka yayo.

Dhuto. 16:13

Unozongwarira madhiri ematumba mazuva manomwe, ngesure wapedza kukukura koroni yako nevhini rako.