Jer. 4:9 - Bhaibheri Rakachena muChindau

⁹ “Ngeiro zuva,” unoronza Mambo Mwari, “Mwoyo wamambo unozopera simba, nemwoyo yevatongi; vapristi vanozokangaidzwa nevaprofeti vanozoshama.”

Jer. 4:9 Iomraidhean Croise

2 Madzi. 25:4

Zvino vakaputsa rusvingo rwedhorobha; mambo nevanhu veshe vokurwa hondo vakatiza usiku ngenjira yepamusiwo waiya pakati pemarukumbati mairi, waiya pasinde pomunda wamambo, kunyazwi vaKharadhea vaiya vakatendenedza dhorobha. Vakatiza ngenjira inoenda Arabha.

Nduyo 102:4

Mwoyo wangu watemwa nokufota kudai ngomwenje; ndinoriyarwa kudya chingwa changu.

Isa. 19:16

Ngeiro zuva vaEgipite vanozodai ngavakadzi, nokuhuta ngokutya pamberi penyara yaMambo Mwari wehondo, yaanomirudza kurwa navo.

Isa. 19:3

Mweya wevaEgipite unozopera mukati mwavo, neni ndinozoparadza urongwa hwavo; navo vanozobvunza kumiedzaniso yokudira nokumweya yevakafa nezvipoko naavo vanobudirwa nomweya inoziikanwa.

Isa. 28:19

Mukuwo weshe wekunopinda, kunozomutora, ngokuti mangwanani ngemangwanani kunozopinda, masikati nousiku; kuzwisisa mashoko aya kunozouya kutya kwega.”

Jer. 2:26

“Kudai ngembavha inotsverudzwa apo yabatwa, ndizvo mhatso yaIsuraeri inotsverudzwa; ivo, madzimambo avo, vatongi vavo, vapristi vavo nevaprofeti vavo,

Jer. 25:34

Zhambararai, imwimwi vaushi, mucheme; dzimburumbudzei mumarota, imwimwi vakuru vomutanga, ngokuti mazuva okuurawa kwenyu aguma; nemwi munozowa kudai ngechidziyo chakanakisisa.

Jer. 37:19

Vari pari zvino vaprofeti venyu vakaprofeta kwomuri vechiti, ‘Mambo weBhabhuroni aazouyi koorwa nemwi, nokuti kurwa neiyi nyika?’

Jer. 48:41

Madhorobha anozotorwa, nekamba dzinozobatwa. Mwoyo yengwazi dzeMoabhi ngezuvaro inozodai ngomwoyo womukadzi uri mukurwadziwa kwake kwokubereka.

Jer. 5:31

Vaprofeti vanoprofeta manyepo nevapristi vanotonga vechipangwa ngevaprofeti; navanhu vangu vanoda kuti zvidaro; asi munozoitenyi kumagumo azvo?”

Jer. 52:7

Zvino rukumbati rwedhorobha rwakaputswa, nevanhu veshe vokurwa hondo vakatiza, vakabuda kubanze kubva mudhorobha usiku ngenjira yepamusiwo, ngepakati pemarukumbati mairi, pasinde pemunda wamambo, kunyazwi vaKharadhea vaiya vechitendenedza dhorobha. Vakaenda ngenjira yeArabha.

Zvak. 13:41

Ringirai, imwimwi vashoori, mushamiswe, mupere; ngokuti ndinoshanda mushando mumazuva enyu, mushando womusikazotendi, kunyazwi munhu amuronzera ndiwo.”