Jer. 4:8 - Bhaibheri Rakachena muChindau

⁸ Ngendaa yeizvi dzisimidzei ngemachira emasaka, mucheme muboorere: ushungu hunotyisa hwaMambo Mwari ahuzi kupera kubva kwetiri.

Jer. 4:8 Iomraidhean Croise

Nduyo 78:49

Wakaisa padera pavo kutyisa kwoushungu hwake, ushungu, kushishwa, nedambudzo, chikwata chengirosi dzokuparadza.

Isa. 10:4

Apana chiro chinosara asi vanozokotama pashi pakati pemabhanditi, nokuti kuwira pashi pakati pevaurawa. Ngeizvi zveshe ushungu hwake ahuzi kupetuka, asi nyara yake ichakatambanudzwa nazvinopano.

Isa. 13:6

Chemai, ngokuti zuva raMambo Mwari raapasinde; rinozouya kudai ngokuparadzwa kunobva kunoUwo Unesimba-reshe.

Isa. 22:12

Muiro zuva Mambo Mwari wehondo wakadaidza kuchema nokutsumba, nokuita mhanza nokusimira machira emasaka.

Isa. 32:11

Hutai, imwimwi vakadzi vasina nhamo; hutai, imwimwi musina nhamo; mudziite mititinini, musimire machira emasaka pazviunu zvenyu.

Isa. 5:25

Ndizvo ushungu hwaMambo Mwari hunobaswa kuvanhu vake, naye unotambanudza nyara yake kwevari kuvachaya; mitunhu inozungunyika, nemiiri yaavo yakafa inoita kudai ngemarara mukati mwemapato. Ngeizvi zveshe ushungu hwake ahuzi kupera, nenyara yake ichakatambanudzwa nazvino.

Isa. 9:12

vaAramu ngokumabvazuva, vaFiristia ngokumabirirazuva, navo vamedza Isuraeri ngomuromo wakashama. Ngeizvi zveshe ushungu hwake ahuzi kupetuka, asi nyara yake ichakatambanudzwa nazvinopano.

Isa. 9:17

Ndiyo ndaa Mambo Mwari aazodakariri majaha avo, aazokunguririzve nherera neshirikadzi; ngokuti veshe vasikadi Mwari nevaiti vezvakashata, nemiromo yeshe inoereketa upenzi. Ngeizvi zveshe ushungu hwake ahuzi kupetuka, asi nyara yake ichakatambanudzwa nazvinopano.

Isa. 9:21

Manase unodya Efuremu, Efuremu unodya Manase, navo pamwepo vanorwisa Judha. Ngeizvi zveshe ushungu hwake ahuzi kupetuka, asi nyara yake ichakatambanudzwa nazvinopano.

Jer. 25:34

Zhambararai, imwimwi vaushi, mucheme; dzimburumbudzei mumarota, imwimwi vakuru vomutanga, ngokuti mazuva okuurawa kwenyu aguma; nemwi munozowa kudai ngechidziyo chakanakisisa.

Jer. 30:24

Ushungu hwaMambo Mwari hunotyisa ahuzopetuki sure, metsa azviita nokuzvipedza zvaakaemesa mumwoyo mwake. Mumazuva okugumisira munozozvizwisisa.

Jer. 48:20

Moabhi rinotsverudzwa, ngokuti raputsirwa pashi; boorera wechichema! Zvironze muArinoni kuti Moabhi raitwa dongo.

Jer. 6:26

“O vanhu vangu varombo, fukai masaka, dzimburumbudzei mumarota; mucheme kudai ngounochemera mwana zinyarimwe, mucheme kakurutu, ngokuti muparadzi unozouya padera pedu ngokukasira.

Chi. 1:12

Azvironzi chiro kwomuri here, imwimwi mweshe munopinda ngenjira? Ringirai, muone kuti kuripo here kutambudzika kukuru kwakadai ngokutambudzika kwangu, ukwo kwakaitwa kwendiri, kwaakanditambudza ndikwo Mambo Mwari ngezuva roushungu hwake hukuru.

Ezek. 21:12

Chema, uboorere, O mukororo womunhu, ngokuti inorwa nevanhu vangu, inorwa nevatongi veshe vaIsuraeri, vanokandirwa pamwepo kushoti nevanhu vangu. A! Chaya chizva!

Ezek. 30:2

“Mukororo womunhu, profeta, uti, ‘Izvi ndizvo zvinoronza Mambo Mwari, Mwari: Boorerai imwimwi,’ “Ihehe ngeiro zuva!

Joeri 1:13

Simirai machira emasaka, mucheme, imwimwi vapristi; boorerai, imwimwi vashandi vearita. Uyai, atai usiku hweshe muri mumachira emasaka, imwimwi vashandi vaMwari wangu! Munikero wezviyo nomunikero wokumwa azvichaunzwi kumhatso yaMwari wenyu.

Amo. 8:10

Ndinozotsandura madhiri enyu kuita kubonda, nendwiyo dzenyu dzeshe kuita kuchema; ndinozounza machira emasaka pazviunu zveshe, nemhanza padera pesoro reshe; ndinozozviita kuti zvidai ngokubonda ngendaa yomukororo umwe ega, nokupera kwazvo kudai ngezuva rinovava.

Mik. 1:16

Dziite mhanza, upare bvudzi rako ngendaa yevana vako vanodikanwa; udziise mhanza kudai ngengwanga, ngokuti vakatorwa kubva kweuri kuitwa hloko.

Zvi. 25:4

NaMambo Mwari wakati kunaMosi, “Tora vakuru veshe vevanhu, uvauraye pakujeka kwezuva pamberi paMambo Mwari kuitira kuti ushungu hunotyisa hwaMambo Mwari hubve pakati pevaIsuraeri.”