Jer. 4:7 - Bhaibheri Rakachena muChindau

⁷ Mhondoro yabuda kubva mugwasha; muparadzi wemadzinza wabuda munjira kuuya; wabuda kubva kundau yake kuti aparadze nyika yenyu; madhorobha enyu anozoita matongo asina unogaramwo.

Jer. 4:7 Iomraidhean Croise

2 Madzi. 24:1

Mumazuva ake Nebhukhadhineza mambo weBhabhuroni, wakakwirapo naJehoiakimu wakaita muranda wake makore matatu; zvino wakakunukuka akamurwisa.

2 Madzi. 25:1

Mugore rechipfumbamwe rokutonga kwake, ngomwedzi wegumi, ngezuva regumi romwedzi, Nebhukhadhineza mambo weBhabhuroni wakauya nehondo dzake dzeshe, koorwa neJerusarema, vakaaka rusvingo kuritendenedza reshe.

Isa. 1:7

Nyika yenyu yaita matongo, madhorobha enyu apishwa ngomuriro; pamberi penyu vapara vanodya nyika yenyu; yaita matongo, yabvukwa ngavapara.

Isa. 5:9

Mambo Mwari wehondo unopika mukuzwa kwenzee dzangu, “Ngegwinyiso mhatso dzakawanda dzinozoita matongo, dzakakura nokunaka, dzisina vanhu.

Isa. 6:11

Zvino ndakati, “Mambo Mwari, mukuwo wakadini?” Naye wakati, “Metsa madhorobha aita matongo asina unogaremwo, nemhatso dzisina vanhu, nenyika iite shango yaamho;

Jer. 2:15

Mhondoro dzamubhongera, dzabhonga kakurutu. Vakachakata nyika yake; madhorobha ake aamatongo, asina unogaramwo.

Jer. 22:6

Ngokuti izvi ndizvo zvinoronza Mambo Mwari ngendaa yemhatso yamambo waJudha: Iwewe wakadai ngeGireadhi kwendiri, nokudai ngesoro reRebhanoni; asi ndinopika ndinozokuita kuti udai ngorubaya, kudai ngedhorobha risikagarwi.

Jer. 22:7

Ndinozokunasirira vaparadzi kukuparadza, umwe naumwe wavo nezvokurwa ndizvo zvake; vanozotemera pashi misidhare yakanaka, nokuikandira mumuriro.

Jer. 25:38

Kudai ngemhondoro wakasiya ndau yake yokuhwara; ngokuti nyika yavo yaamatongo ngendaa yokutyisa kweshoti, nendaa yokutyisa kwoushungu hwake.

Jer. 25:9

ringira, ndinozotumira kumadzinza eshe edera, kunyazwi naNebhukhadhineza mambo weBhabhuroni, muranda wangu, neni ndinozovaunza kuti varwise iyi nyika, nevagari vayo, nemadzinza eshe aya akaitendenedza; ndinozovaparadza yaamho nokuvaita chishamiso chinotyisa, chinoridzirwa murudzi nokuita matongo mhera nariini,” unoronza Mambo Mwari.

Jer. 26:9

Waprofeta ngenyi ngezina raMambo Mwari wechiti, ‘Mhatso iyi inozodai ngeShiro, nedhorobha iri rinozoita dongo risikazogarwi?’ ” Nevanhu veshe vakaungana kurwisa Jeremia mumhatso yaMambo Mwari.

Jer. 27:8

“Asi, kuti kunyazwi ngeriri dzinza, nokuti umambo vasikazoshandiri uyu mambo Nebhukhadhineza weBhabhuroni, vasikazoisi mitsipa yavo pashi pejoka ramambo weBhabhuroni, zvino ndinozoriorora iro dzinza ngeshoti nzara, nenhenda, unoronza Mambo Mwari, metsa ndapedza kuparadzwa kwavo ngenyara yake.

Jer. 33:10

Izvi ndizvo zvinoronza Mambo Mwari; “Mundau iyi yomunoronza kuti, yaita matongo, isina munhu nokuti mhuka, mumadhorobha aJudha, nomumapato eJerusarema, awo aita matongo, asina munhu unogaremwo nokuti mhuka

Jer. 34:22

Ringira, ndinozopanga, unoronza Mambo Mwari, naye unozovapetudza kuiri dhorobha; navo vanozorirwisa nokuritora, nokuripisha ngomuriro. Madhorobha aJudha ndinozoaita matongo, asina unogaremwo.”

Jer. 4:29

Pakuzwa ngebope revagadhi vemahachi nevaposhi vemisee dhorobha reshe rinotiza; vanopotera mumakwasha, nokukwira padera pemapuwe; madhorobha eshe anosiiwa, asina munhu unogaramwo.

Jer. 44:2

“Izvi ndizvo zvinoronza Mambo Mwari wehondo, Mwari waIsuraeri: Imwimwi pachenyu mwakaona kushata kweshe kwendakaunza padera peJerusarema nepadera pemadhorobha eshe aJudha. Ringira kwaari; nyamashi aa matongo, akuna munhu unogaremwo,

Jer. 46:18

Kudai ngezvendinopona,” unoronza Mambo, uwo zina rake rinozwi Mambo Mwari wehondo, Umwe unouya akadai ngeThabhori riri pakati pemitunhu, nokudai ngeKharmeri riri pasinde poruandhle.

Jer. 49:19

Ringira, unozokwira echiuya kudai ngemhondoro yechibva mugwasha reJorodhani kuuya koorwisa nyika yakasvipira; ndinozokasira kudzinga Edhomu kuenda kuretu kubva kweriri; neni ndinozoemesa padera payo kunyazwi ndiani uwo wendinotsanangura. Ngokuti ndiani wakadai ndini? Ndiani ungaphikisana neni? Ndiani muushi ungakona kuema pamberi pangu?

Jer. 5:6

Ndiyo ndaa mhondoro inobva mugwasha inozovauraya, negava romushango rinozovaparadza. Khamba rinohwarira madhorobha avo; weshe unobudamwo unozobaurwa kuita zvigurwa, ngokuti zvishaishi zvavo zvakawanda, nokuhwirira kwavo sure kwakanyanya.

Jer. 50:17

“VaIsuraeri vakadai ngegwai rinovhimwa rinorumbirirwa ngemhondoro. Pakutanga mambo weAsiria wakavadya, nepakugumisira Nebhukhadhineza mambo weBhabhuroni wakatsenga magodo avo.”

Jer. 50:44

“Kudai ngemhondoro inouya yechibva mugwasha reJorodhani kuuya kumafuro akasvipira, ndinozokasira kuvadzinga kubva kweriri; neni ndinozoemesa padera paro kunyazwi ndiani wendingatsanangura. Ngokuti ndiani wakadai ndini? Ndiani ungandigurira mukuwo? Ndiani muushi uwo ungakona kuema pamberi pangu?

Jer. 8:16

Kupheza kwemahachi kunozwika kubva Dhani; nyika yeshe inozungunyika ngebope rokupheza kwemikono yemahachi awo anesimba. Anouya kooparadza nyika nezveshe zviri mukati mwayo, dhorobha naavo vanogaramwo.”

Jer. 9:11

“Ndinozoita kuti Jerusarema riite murwi wematongo, nebako rezvikara zvinotyisa; ndinozoita kuti madhorobha aJudha aite rubaya, pasina unogaremwo.”

Ezek. 12:20

Madhorobha anogarwa anozoparadzwa nenyika inozoita matongo, nemwi munozozia kuti inini ndini Mambo Mwari.’ ”

Ezek. 21:31

Ndinozodurura padera pako ushungu hwangu nomuriro woushungu hwangu ndinozofuridzira padera pako. Ndinozokuisa munyara dzevanhu vakashata, ngwazi dzokuuraya.

Ezek. 32:2

“Mukororo womunhu, ita chiriro ngendaa yaFaro mambo weEgipite, newe uronze kwaari kuti, ‘Iwewe unodziedzanisa pachako nemhondoro itsva pakati pemadzinza, asi wakadai ngengwena muruandhle; unobinyauka mundwizi dzako, unovhundura mvura ngetsoka dzako, nokuvhundura ndwizi dzavo.

Dha. 5:19

Ngendaa yokukura kwaakamupa, vanhu veshe, madzinza nendimi vakahuta nokutya pamberi pake. Wakauraya uwo waaida kuuraya, nokuponesa uwo waaida kuponesa; nouwo waaida kumirudza waimumirudza, nouwo waaida kudzasa pashi waimudzasa pashi.

Dha. 7:4

Chokutanga chaiya chakadai ngemhondoro, chinemaphaphiro egodzi. Zvino ndakaringira, maphaphiro acho akatapurwa, nacho chakamirudzwa kubva pamavhu, chakaemeswa ngetsoka mbiri kudai ngomunhu, nomwoyo womunhu wakapuwa kwechiri.

Revhi 26:31

Ndinozoita kuti madhorobha enyu aite matongo, ndiunze ndau dzenyu dzakachena kuti dziite matongo; andizozwi gwema remitombo yenyu inegwema rakanaka.

Revhi 26:33

Ndinozomuparadzira pakati pemadzinza, ndinozomushwamurira shoti padera penyu; nenyika inozoita mafusi, nemadhorobha enyu anozoita matongo.