Jer. 4:31 - Bhaibheri Rakachena muChindau

³¹ Ngokuti ndakazwa izwi rakadai ngeromukadzi unorwadziwa ngokubereka, unorwadziwa kwakadai ngouwo unobereka mwana wedangwe, kuchema kwemwanasikana weZioni, unofemurika echitambanudza nyara dzake echiti, “Ihehe kwendiri zvino! Inini mweya wangu unopera simba pamberi pevaurayi.”

Jer. 4:31 Iomraidhean Croise

Gen. 27:46

Zvino Rebheka wakati kunaIsaka, “Ndaremba ngokupona kwangu ngendaa yevakadzi vevaHiti; kudai Jakobe echizoroora umwe wevakadzi vevaHiti wakadai ngaava vakadzi venyika, kupona kwangu kunozondidetserenyi?”

Jobe 10:1

Mweya wangu waremba ngokupona kwangu; ndinozoronza pamhene ngedambudziko rangu; ndinozoereketa ngokushononwa kwomweya wangu.

Nduyo 120:5

Ihehe kwendiri, ngokuti ndiri chigarandimo muMeshekhi, kuti ndinosisira kugara mumatende eKhedha!

Isa. 1:15

“Naapo pomunotambanudza nyara dzenyu, ndinozofisha madziso angu kubva kwomuri; kunyazwi mukaita mikumbiro yakawanda, andizopurutani; nyara dzenyu dzakazara ngengazi.

Isa. 13:8

Navo vanozohuta, kurumiwa nokugomera kunozovabata; vanozorumiwa kudai ngomukadzi unobereka. Vanozoringirana vechishamiswa umwe noumweni; hope dzavo dzinozodai ngemirazvu yomuriro.

Isa. 21:3

Ndizvo chiunu changu chazara ngokutambudzika; kurwadza kwandibata kudai ngokurwadziwa kwomukadzi unobereka; ndakotamiswa pashi andikoni nokuzwa; ndakangaidzwa ndizvo andikoni nokuona.

Isa. 26:17

Kudai ngomukadzi unemimba, unobinyauka nokuchema mukurwadziwa kwake, apo mukuwo wake waapasinde, ndizvo zvetaiya taita pamberi pako, O Mambo Mwari.

Isa. 42:14

“Ndakanyarara mukuwo wakareba, ndakatimwii nokudzibata pachangu; zvino ndinozochema kudai ngomudzimai wodo kubereka, ndinozofemuruka nokugwimba.

Isa. 6:5

Apo ndakati, “Ihehe kwendiri! Ngokuti ndofa; ngokuti ndiri munhu unemiromo isikazi kusukika, ndinogara pakati pevanhu vanemiromo isikazi kusukika; ngokuti madziso angu aona Mambo, Mambo Mwari wehondo.”

Jer. 10:19

“Ihehe kwendiri ngendaa yokuremadzwa kwangu! Ronda rangu rakakura. Asi ndakati, ‘Chokwadi uku kuororwa kwangu, kunotamika kuti ndikutware.’

Jer. 13:21

Unozotinyi apo vaemesa kuita mukuru padera pako uwo wewakadzidzisa kuita mungani wako, kuti atonge padera pako? Auzorwadziwi here kudai ngomudzimai wobereka?

Jer. 14:18

Dai ndechibuda kuenda kurubaya, ringira, varipo vaya vakaurawa ngeshoti! Dai ndechipotera mudhorobha, ringira, varipo vaya vanorwara ngenzara! Ngokuti veshe vaprofeti nevapristi vanohambahamba munyika vasikazii.”

Jer. 15:18

Kurwadziwa kwangu kunoangira ngenyi, bonje rangu aripori, rinoramba kuporeswa? Ngegwinyiso iwewe wakadai ngechinyuka chokunyepera, nokudai ngemvura inopwa?”

Jer. 18:21

Ndizvo pinzai vana vavo munzara, vapirenyi kusimba reshoti; vakadzi vavo ngavafirwe ngavana vavo nevamuna vavo. Vamuna vavo ngavaurawe ngenhenda; majaha avo ngavaurawe ngeshoti muhondo.

Jer. 22:23

O iwewe unogara muRebhanoni, unonasira chisaki chako pakati pemisidhari, kukungurirwa kwakaitawani, apo kurwadziwa kunozouya padera pako, kwakadai ngokurwadziwa kwomukadzi apo oobereka!

Jer. 30:6

Bvunzai zvino, muone kuti uripo munhu womwamuna unorwadziwa ngokubereka mwana here? Ngenyi zvino ndechiona vamuna veshe vechibata zviunu zvavo, kudai ngomukadzi uri mukurwadziwa kwokubereka? Ngenyi hope yeshe yatsandudzwa kucheneruka?

Jer. 45:2

“Izvi ndizvo zvinoronza Mambo Mwari, Mwari waIsuraeri, kunewe, O Bharukhi.

Jer. 48:41

Madhorobha anozotorwa, nekamba dzinozobatwa. Mwoyo yengwazi dzeMoabhi ngezuvaro inozodai ngomwoyo womukadzi uri mukurwadziwa kwake kwokubereka.

Jer. 49:22

Ringira, unozokwira echimbururuka kudai ngegodzi, nokutambanudza maphaphiro ake padera peBhozira, nomwoyo yengwazi dzeEdhomu inozodai ngomwoyo womukadzi uri mukurwadziwa kwake ngokubereka ngeiro zuva.”

Jer. 49:24

Dhamasekusi rapera simba, ratenderuka kutiza, kutyisa kwaribata; kurwadziwa kukuru nemadambudziko zvaribata, kudai ngomukadzi unorwadziwa mukubereka.

Jer. 50:43

Mambo weBhabhuroni wakazwa mashoko ndivo nenyara dzake dzakapera simba; kurwadziwa kwakakura kwakamubata, kurwadziwa kwakadai ngekwomukadzi uri mukubereka.

Jer. 6:2

Ndaedzanisa mwanasikana weZioni nemafuro akanaka nokupfaa.

Chi. 1:17

Zioni rinotambanudza nyara dzaro, asi akuna naumwe wokuriembedzera; Mambo Mwari wapanga ngendaa yaJakobe kuti vaakirwana vake ndivo vaita magaa ake; Jerusarema raita chiro chakasvipiswa pakati pavo.

Chi. 1:20

Ringira, O Mambo Mwari, kutambudzika kwangu; ndinotambudzika mukati mwangu, mwoyo wangu unotambudzika mukati mwangu, ngokuti ndakamukira kakurutu. Mumapato shoti inouraya, mumhatso mune rufu rwega.

Chi. 2:21

Vadoko nevakuru vanoata pamavhu mumapato; mhandwe dzangu nemajaha angu awa ngeshoti; pazuva roushungu hwako wavauraya, kuuraya usikakunguriri.

Hos. 13:13

Kurwadziwa kwokubereka mwana kunouya padera pake, asi mukororo usikazi kungwara; ngokuti ngenguva kwayo aadziunzi pamuromo wendani.

Mik. 4:10

Ita unorumwa mukubereka, O mwanasikana Zioni, kudai ngomukadzi wobereka; ngokuti zvino unozobuda kubva mudhorobha, newe unozogara murubaya; unozoenda Bhabhuroni. Apapo unozoponeswa; apapo Mambo Mwari unozokuripira kubva munyara yemagaa ako.

Mik. 4:9

Zvino unoboorera ngenyi? Akuna mambo here mukati mwako? Mupangi wako afa here, ngokuti kurumwa kwakubata kudai ngomukadzi wobereka?

Mik. 7:1

Ihehe kwendiri! Ngokuti ndakadai ndivo vanotsvaka michero yepazienza apo yapera kuunganidzwa, naapo zvimavhini zvinosara zvapera kukaiwa, akuna chikore chokudya; apana maonde aibva okutanga endinodisisa.

Mateu 21:5

“Ronzerai mwanasikana weZioni. Penya, Mambo wako unouya kwouri, ari wakapfaa, echigadha padera pembongoro nepadera petsiru rechifuyo chemitwaro.”

1 VaK. 9:16

Ngokuti kudai ndechichumaira vhangeri, andina chiro chokuganza ndicho, ngokuti ndamanikidzwa. Ngokuti indaa kwendiri kudai ndisikachumairi vhangeri!

1 VaTes. 5:3

Naapo vanozoti, “Kuripo kunyarara nokungwaririka,” zvino ngokukasira kuparadzwa kuchauya padera pavo, kudai ngokurwadziwa kunouya padera pomudzimai wosununguka, apana unozopokonyoka!