Jer. 4:29 - Bhaibheri Rakachena muChindau

²⁹ Pakuzwa ngebope revagadhi vemahachi nevaposhi vemisee dhorobha reshe rinotiza; vanopotera mumakwasha, nokukwira padera pemapuwe; madhorobha eshe anosiiwa, asina munhu unogaramwo.

Jer. 4:29 Iomraidhean Croise

2 MaKro. 33:11

Ndizvo Mambo Mwari wakaunza padera pavo nduna dzehondo dzamambo weAsiria, avo vakabata Manase, vakamuisa makato eminzwa, vakamusunga ngemanguri esimbi, vakamutora kuenda naye Bhabhuroni.

Isa. 30:17

Gumi remazana rinozotiza ngokukaraidzwa ngoumwe, ngokukaraidzwa ngavashanu munozotiza, metsa musiiwe mwadai ngomujeki padera pemagumo omutunhu, kudai ngomujeki padera pechimutunhu.

Isa. 6:12

metsa Mambo Mwari abvisa vanhu kuvaisa kuretu, kuti kusare ndau isina chiro mukati mwenyika.

Jer. 16:16

“Zvino ndinodaidza vabati vehove vazhinji, unoronza Mambo Mwari, navo vanozodzibata; navo vapedza ndinozodaidza vavhimi vazhinji, navo vanozovhima kubva pamutunhu umwe ngaumwe nepachimutunhu chimwe ngachimwe nomumapako emapuwe.

Jer. 4:7

Mhondoro yabuda kubva mugwasha; muparadzi wemadzinza wabuda munjira kuuya; wabuda kubva kundau yake kuti aparadze nyika yenyu; madhorobha enyu anozoita matongo asina unogaramwo.

Jer. 52:7

Zvino rukumbati rwedhorobha rwakaputswa, nevanhu veshe vokurwa hondo vakatiza, vakabuda kubanze kubva mudhorobha usiku ngenjira yepamusiwo, ngepakati pemarukumbati mairi, pasinde pemunda wamambo, kunyazwi vaKharadhea vaiya vechitendenedza dhorobha. Vakaenda ngenjira yeArabha.

Jer. 6:23

Vakabata uta nomukhondo; vanorunya, avana nyasha; bope ravo rinotinhira kudai ngoruandhle; vanogadha mahachi, vakapfeka kudai ngevanhu vokurwa hondo kurwisana newe, O mwanasikana weZioni.”

Amo. 9:1

Ndakaona Mambo Mwari akaema pasinde pearita, naye wakati, “Chaya sika dzepamusiwo, kuti madimba azungunyike, uzviputsire pamasoro avo veshe; naavo vanosara ndinozouraya ngeshoti; akuna naumwe wavo unozotiza, haiwa naumwe wavo unozotiza kupokonyoka.

Ruka 23:30

Naapo vanozotanga kuronza kumitunhu kuti, ‘Tiwirenyi padera pedu,’ nokuzvimitunhu kuti, ‘Tidumaidzenyi.’

1 Sam. 13:6

Naapo vanhu vaIsuraeri vaona kuti vaa mungozi (ngokuti vanhu vehondo vaiya vamanikidzwa), vanhu vakadzifisha mumapako nomumakwasha, pakati pemapuwe, mundau dzakakwirira nomumirindi.