Jer. 4:27 - Bhaibheri Rakachena muChindau

²⁷ Ngokuti izvi ndizvo zvinoronza Mambo Mwari, nyika yeshe inozoparadzwa, asi andizoipedzi yaamho.

Jer. 4:27 Iomraidhean Croise

2 MaKro. 36:21

kuti rizadzisike izwi iro raakaereketa Mambo Mwari ngomuromo waJeremia, metsa nyika yaita maSabatha ayo. Mazuwa eshe eyakagara iri matongo yakangwarira maSabatha, kuzadzisa makore makumi manomwe.

Neh. 9:31

Zvakanyadaro munyasha dzako huru auzi kuvapedza yaamho, nokuti kuvasiya, ngokuti iwewe uri Mwari unorudo rwakakura nenyasha.

Isa. 17:6

Hwarakwatwa dzemaorivhi dzinozosiyiwamwo apo miti yemaorivhi yazungunyiswa, michero miiri nokuti mitatu inozosara kumagumo edai redera, mirongomuna nokuti mishanu kumagumo ematai anobereka kakurutu,” unoronza Mambo Mwari, Mwari waIsuraeri.

Isa. 24:1

Ringira, Mambo Mwari waakuda kuparadza zveshe zviri munyika nokuisiya isina chiro, naye unozopeta padera payo, nokuparadzira vanhu vanogara mukati mwayo.

Jer. 18:16

vechiita kuti nyika yavo ityise chiro chinoridzirwa murudzi mhera nariini. Veshe vanopinda ngepasinde payo vanotyiswa vechidzungudza masoro avo.

Jer. 25:11

Nyika yeshe iyi inozoita matongo nechishamiso; naaya madzinza anozoshandira mambo waBhabhuroni makore makumi manomwe.

Jer. 30:11

Ngokuti ndinemwi, unoronza Mambo Mwari, kumuponesa; ndinozoita magumo emadzinza eshe endakamuparadzira pakati pawo, asi imwimwi andizomuparadzi. Asi ndinozomuorora ngechipimo chakanaka, andizoreki kumuorora.”

Jer. 4:20

Kuparadzwa kunoteera kuparadzwa, nyika yeshe yaparadzwa. Matende angu anoparadzwa ngokukasira, machira angu omukati mwematende ngomukuwo mudoko.

Jer. 4:7

Mhondoro yabuda kubva mugwasha; muparadzi wemadzinza wabuda munjira kuuya; wabuda kubva kundau yake kuti aparadze nyika yenyu; madhorobha enyu anozoita matongo asina unogaramwo.

Jer. 44:6

Ndizvo ushungu hwangu nokunyangadzwa kwangu zvakadururwa, zvikabaka mumadhorobha aJudha nomumapato eJerusarema; nawo akaparadzwa akaita matongo, kudai ngezvaakaita nyamashi.

Jer. 46:28

Asi iwewe, usatya, O Jakobe muranda wangu,” unoronza Mambo Mwari “Ngokuti ndinewe. Ndinozopedza yaamho madzinza eshe pakati peavo vendakamudzingira kwevari, asi andizomupedzi yaamho imwimwi! Ndinozomuorora kwakapimwa; asi andizomusii musikazi kuororwa.”

Jer. 5:10

Kwirai ngomumisara yemivhini mwechiriparadza yaamho asi musapedza reshe; dusai matai aro, ngokuti aasiri aMambo Mwari akadi.

Jer. 5:18

Asi kunyazwi mumazuva awo, andizomupedzi mweshe,” unoronza Mambo Mwari.

Jer. 7:34

Apapo ndizoita kuti izwi rokudakara neizwi rokudakadzwa, neizwi romukwambo, neizwi ramakhoti, zvipere mumadhorobha aJudha nomumapato eJerusarema, ngokuti nyika inozoita matongo.

Jer. 9:11

“Ndinozoita kuti Jerusarema riite murwi wematongo, nebako rezvikara zvinotyisa; ndinozoita kuti madhorobha aJudha aite rubaya, pasina unogaremwo.”

Chi. 2:7

Mambo Mwari waramba arita rake, akanyenya ndau yake yakachena; wapira munyara dzemagaa marukumbati engome dzaro; vaita bope mumhatso yaMambo Mwari, kudai ngezuva redhiri rakaemeswa.

Ezek. 11:13

Zvino, apo ndechiprofeta, Pheratia mukororo waBhenaia wakafa. Zvino ndakawa pashi ngehope yangu, ndikachema ngeizwi guru ndikati, “A, Mambo Mwari Mwari! Unozopedzisa yaamho here vakasara vaIsuraeri?”

Ezek. 20:17

“Zvakanyadaro madziso angu akavakungurira neni andizi kuvaparadza nokuti kuvapedza yaamho mushango.

Ezek. 33:28

Ndinozoita kuti nyika iite matongo nokuparadzwa, nokudzikudza kwesimba rayo kunozopera; nemitunhu yaIsuraeri inozoita matongo, kuti akuna naumwe unozohamba ndimwo.

Ezek. 6:14

Ndinozotambanudza nyara yangu padera pavo, ndiite nyika matongo, nokuparadzwa muugaro hwavo hweshe kubvira mushango kuenda Dhibhira. Zvino vanozozia kuti inini ndini Mambo Mwari.”

Revhi 26:31

Ndinozoita kuti madhorobha enyu aite matongo, ndiunze ndau dzenyu dzakachena kuti dziite matongo; andizozwi gwema remitombo yenyu inegwema rakanaka.

Revhi 26:44

Asi zvakanyadaro apo vari munyika yemagaa avo, andizovarashi akadi, andizovanyenyizve, kuti ndivapedze yaamho, nokuti kugura chitenderano changu navo; ngokuti ndini Mambo Mwari, Mwari wavo.

Zef. 1:18

Sirivha yavo nokuti mukore wavo zvinozotama simba rokuvanunurira ngezuva roushungu hwaMambo Mwari; nyika yeshe inozopedzwa ngomuriro wendurumwa yake; ngokuti unozopedza yaamho, magumo anotyisa eavo veshe vagari vomunyika.